---
title: "മദ്യലഹരിയിൽ ഭര്‍ത്താവ് ഭാര്യയെ മർദ്ദിക്കുന്നത് തടയാൻ ശ്രമിച്ചു; അയൽവാസി ചുറ്റിക കൊണ്ട് തലയ്ക്കടിയേറ്റ് കൊല്ലപ്പെട്ടു, പ്രതി പിടിയിൽ"
english_title: "Neighbor killed by being hit in the head with a hammer, suspect arrested"
publisher: "truevisionnews.com"
canonical_url: "https://truevisionnews.com/news/347579/neighbor-killed-by-being-hit-in-the-head-with-a-hammer-suspect-arrested"
published_at: "2026-03-14T09:18:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69b4dbc33da26_Neighbor_killed_by_being_hit_in_the_head_with_a_hammer.jpg"
keywords: []
---

# മദ്യലഹരിയിൽ ഭര്‍ത്താവ് ഭാര്യയെ മർദ്ദിക്കുന്നത് തടയാൻ ശ്രമിച്ചു; അയൽവാസി ചുറ്റിക കൊണ്ട് തലയ്ക്കടിയേറ്റ് കൊല്ലപ്പെട്ടു, പ്രതി പിടിയിൽ

> **Lead Summary:** പത്തനംതിട്ട: പത്തനംതിട്ട കോന്നി എലിയറക്കലിൽ മദ്യലഹരിയിലുണ്ടായ തർക്കത്തെത്തുടർന്ന് അയൽവാസിയും ബന്ധുവുമായ ഗൃഹനാഥൻ തലയ്ക്കടിയേറ്റ് കൊല്ലപ്പെട്ടു. എലിയറക്കൽ സ്വദേശി വഹാബ് ആണ് മരിച്ചത്. പ്രതിയായ നിയാസ് തന്റെ ഭാര്യയെ മർദ്ദിക്കുന്നത് തടയാൻ ശ്രമിക്കുന്നതിനിടെയാണ് വഹാബിന് നേരെ ആക്രമണമുണ്ടായത്. നിയാസ് ചുറ്റിക കൊണ്ട് വഹാബിന്റെ തലയ്ക്കടിക്കുകയായിരുന്നു. സംഭവത്തിൽ നിയാസ് എന്നയാളെ പൊലീസ് കസ്റ്റഡിയിലെടുത്തു.

## Article Content

പത്തനംതിട്ട: പത്തനംതിട്ട കോന്നി എലിയറക്കലിൽ മദ്യലഹരിയിലുണ്ടായ തർക്കത്തെത്തുടർന്ന് അയൽവാസിയും ബന്ധുവുമായ ഗൃഹനാഥൻ തലയ്ക്കടിയേറ്റ് കൊല്ലപ്പെട്ടു. എലിയറക്കൽ സ്വദേശി വഹാബ് ആണ് മരിച്ചത്. പ്രതിയായ നിയാസ് തന്റെ ഭാര്യയെ മർദ്ദിക്കുന്നത് തടയാൻ ശ്രമിക്കുന്നതിനിടെയാണ് വഹാബിന് നേരെ ആക്രമണമുണ്ടായത്. നിയാസ് ചുറ്റിക കൊണ്ട് വഹാബിന്റെ തലയ്ക്കടിക്കുകയായിരുന്നു. സംഭവത്തിൽ നിയാസ് എന്നയാളെ പൊലീസ് കസ്റ്റഡിയിലെടുത്തു.

നിയാസിന്‍റെ അടുത്ത ബന്ധവും അയൽവാസിയുമാണ് വഹാബ്. നിയാസും ഭാര്യയും തമ്മിൽ സ്ഥിരം കുടുംബ കലഹം ഉണ്ടാകാറുണ്ടെന്നാണ് പറയുന്നത്. നിയാസിന്‍റെ വീടിന് തൊട്ടടുത്താണ് വഹാബിന്‍റെ വീട്. മദ്യലഹരിയിൽ നിയാസ് ഭാര്യയെ ഉപദ്രവിക്കുന്നത് അറിഞ്ഞ് സ്ഥലത്തെത്തുകയായിരുന്നു വഹാബ്. തുടര്‍ന്ന് നിയാസിനെ തടയാൻ ശ്രമിച്ചു. ഇതിനിടെ നിയാസ് ചുറ്റികയെടുത്ത് വഹാബിന്‍റെ തലയ്ക്കടിക്കുകയായിരുന്നുവെന്നാണ് വിവരം. തുടര്‍ന്ന് ഗുരുതരമായി പരിക്കേറ്റ വഹാബ് സ്വകാര്യ ആശുപത്രിയിൽ ചികിത്സയിലായിരുന്നു. ഇതിനിടെയാണ് ഇന്ന് രാവിലെ മരണം സംഭവിച്ചത്.

### Related Links & Sources
- [Original Story Source](https://truevisionnews.com/news/347579/neighbor-killed-by-being-hit-in-the-head-with-a-hammer-suspect-arrested)