---
title: "'ഈ സേമിയ പായസം ഒരു തവണ കഴിച്ചാൽ രുചി മറക്കില്ല'; വീട്ടിൽ പരീക്ഷിക്കാൻ ഇതാ ഏറ്റവും എളുപ്പ വഴി!"
english_title: "'Once you eat this semiya payasam, you won't forget its taste'; Here's the easiest way to try it at home!"
publisher: "truevisionnews.com"
canonical_url: "https://truevisionnews.com/news/347087/once-you-eat-this-semiya-payasam-you-wont-forget-its-taste-heres-the-easiest-way-to-try-it-at-home"
published_at: "2026-03-11T16:52:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69b151ae61b39_Once_you_eat_this_semiya_payasam.jpg"
keywords: []
---

# 'ഈ സേമിയ പായസം ഒരു തവണ കഴിച്ചാൽ രുചി മറക്കില്ല'; വീട്ടിൽ പരീക്ഷിക്കാൻ ഇതാ ഏറ്റവും എളുപ്പ വഴി!

> **Lead Summary:** മലയാളികളുടെ ഏതൊരു ആഘോഷത്തിനായാലും സദ്യയ്ക്കായാലും ഒഴിച്ചുകൂടാനാവാത്ത വിഭവമാണ് പായസം. കുറഞ്ഞ സമയത്തിനുള്ളിൽ വീട്ടിലുള്ള ചേരുവകൾ വെച്ച് വളരെ എളുപ്പത്തിൽ തയ്യാറാക്കാൻ കഴിയുന്ന ഒന്നാണ് സേമിയ പായസം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ വിഭവം നല്ല മധുരത്തിലും ക്രീമിയായും എങ്ങനെ തയ്യാറാക്കാം എന്ന് നോക്കാം.

## Article Content

മലയാളികളുടെ ഏതൊരു ആഘോഷത്തിനായാലും സദ്യയ്ക്കായാലും ഒഴിച്ചുകൂടാനാവാത്ത വിഭവമാണ് പായസം. കുറഞ്ഞ സമയത്തിനുള്ളിൽ വീട്ടിലുള്ള ചേരുവകൾ വെച്ച് വളരെ എളുപ്പത്തിൽ തയ്യാറാക്കാൻ കഴിയുന്ന ഒന്നാണ് സേമിയ പായസം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഈ വിഭവം നല്ല മധുരത്തിലും ക്രീമിയായും എങ്ങനെ തയ്യാറാക്കാം എന്ന് നോക്കാം.

ആവശ്യമായ ചേരുവകൾ:

സേമിയ - 1 കപ്പ്‌

പാൽ - 1 ലിറ്റർ

പഞ്ചസാര - 1 കപ്പ്‌ (നിങ്ങളുടെ മധുരത്തിനനുസരിച്ച് മാറ്റം വരുത്താം)

നെയ്യ് - 2 ടേബിൾ സ്പൂൺ

ഏലക്കപ്പൊടി - 1/2 ടീസ്പൂൺ

കശുവണ്ടി, ഉണക്കമുന്തിരി - ആവശ്യത്തിന്

വെള്ളം - 1 കപ്പ്‌

തയ്യാറാക്കുന്ന വിധം:

ഒരു പാനിൽ ഒരു ടേബിൾ സ്പൂൺ നെയ്യൊഴിച്ച് ചൂടാകുമ്പോൾ കശുവണ്ടിയും മുന്തിരിയും വറുത്ത് മാറ്റി വയ്ക്കുക. അതേ നെയ്യിലേക്ക് സേമിയ ചേർത്ത് നേരിയ സ്വർണ്ണനിറം ആകുന്നത് വരെ വറുത്തെടുക്കുക. (വറുത്ത സേമിയ ആണെങ്കിൽ അധികം വറുക്കേണ്ടതില്ല).

ഒരു വലിയ പാത്രത്തിൽ പാലും ഒരു കപ്പ് വെള്ളവും ചേർത്ത് നന്നായി തിളപ്പിക്കുക.

പാൽ തിളച്ചു വരുമ്പോൾ വറുത്ത് വച്ചിരിക്കുന്ന സേമിയ ഇതിലേക്ക് ചേർക്കുക. സേമിയ നന്നായി വെന്ത് വരുന്നത് വരെ ഇടയ്ക്കിടെ ഇളക്കിക്കൊടുക്കണം.

സേമിയ വെന്ത് കഴിഞ്ഞാൽ പഞ്ചസാര ചേർക്കുക. പഞ്ചസാര നന്നായി അലിഞ്ഞു പാൽ അല്പം കൂടി കുറുകി വരുന്നത് വരെ വേവിക്കുക.

ഇതിലേക്ക് ഏലക്കപ്പൊടി ചേർത്ത് ഇളക്കുക. ശേഷം ബാക്കിയുള്ള നെയ്യ് കൂടി ചേർക്കാം.

വറുത്ത് വച്ചിരിക്കുന്ന കശുവണ്ടിയും മുന്തിരിയും മുകളിൽ വിതറി തീ ഓഫ് ചെയ്യാം. ചൂടോടെയോ തണുപ്പിച്ചോ ഉപയോഗിക്കാം.

### Related Links & Sources
- [Original Story Source](https://truevisionnews.com/news/347087/once-you-eat-this-semiya-payasam-you-wont-forget-its-taste-heres-the-easiest-way-to-try-it-at-home)