---
title: "'സ്റ്റേഷനുള്ളിൽ കയ്യാങ്കളി, പുറത്ത് പ്രതിഷേധം'; ശാസ്താംകോട്ടയിൽ പൊലീസും ഡിവൈഎഫ്ഐ പ്രവർത്തകരും ഏറ്റുമുട്ടി"
english_title: "Police and DYFI activists clash in Sasthamkotta"
publisher: "truevisionnews.com"
canonical_url: "https://truevisionnews.com/news/347085/police-and-dyfi-activists-clash-in-sasthamkotta"
published_at: "2026-03-11T16:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69b14e3864ba2_Police_and_DYFI_activists_clash_in_Sasthamkotta.jpg"
keywords: []
---

# 'സ്റ്റേഷനുള്ളിൽ കയ്യാങ്കളി, പുറത്ത് പ്രതിഷേധം'; ശാസ്താംകോട്ടയിൽ പൊലീസും ഡിവൈഎഫ്ഐ പ്രവർത്തകരും ഏറ്റുമുട്ടി

> **Lead Summary:** ശാസ്താംകോട്ട: പ്രാദേശിക തർക്കവുമായി ബന്ധപ്പെട്ട കേസിൽ പൊലീസ് സ്റ്റേഷനുള്ളിൽ ഡിവൈഎഫ്ഐ പ്രവർത്തകരും പൊലീസും തമ്മിൽ ഏറ്റുമുട്ടി. സ്റ്റേഷനിൽ വിളിച്ചുവരുത്തിയവരോട് അനുവാദമില്ലാതെ സംസാരിക്കാൻ ശ്രമിച്ചത് പൊലീസ് തടഞ്ഞതാണ് സംഘർഷത്തിന് കാരണമായത്. വാക്കുതർക്കം കയ്യാങ്കളിയിലേക്ക് നീങ്ങിയതോടെ പ്രവർത്തകരെ പൊലീസ് ബലം പ്രയോഗിച്ച് പുറത്താക്കി.

## Article Content

ശാസ്താംകോട്ട: പ്രാദേശിക തർക്കവുമായി ബന്ധപ്പെട്ട കേസിൽ പൊലീസ് സ്റ്റേഷനുള്ളിൽ ഡിവൈഎഫ്ഐ പ്രവർത്തകരും പൊലീസും തമ്മിൽ ഏറ്റുമുട്ടി. സ്റ്റേഷനിൽ വിളിച്ചുവരുത്തിയവരോട് അനുവാദമില്ലാതെ സംസാരിക്കാൻ ശ്രമിച്ചത് പൊലീസ് തടഞ്ഞതാണ് സംഘർഷത്തിന് കാരണമായത്. വാക്കുതർക്കം കയ്യാങ്കളിയിലേക്ക് നീങ്ങിയതോടെ പ്രവർത്തകരെ പൊലീസ് ബലം പ്രയോഗിച്ച് പുറത്താക്കി.

സംഭവത്തെത്തുടർന്ന് സ്റ്റേഷൻ പരിസരത്ത് ഏറെ നേരം സംഘർഷാവസ്ഥ നിലനിന്നു. പൊലീസിന്റെ നടപടിക്കെതിരെ സ്റ്റേഷന് പുറത്ത് പ്രവർത്തകർ പ്രതിഷേധവുമായി ഒത്തുകൂടി. സാഹചര്യം വഷളാകാതിരിക്കാൻ കൂടുതൽ പൊലീസ് സംഘം സ്ഥലത്തെത്തി സുരക്ഷ ശക്തമാക്കി. സ്റ്റേഷന്റെ പ്രവർത്തനങ്ങളെ തടസ്സപ്പെടുത്താൻ അനുവദിക്കില്ലെന്ന നിലപാടിലാണ് പൊലീസ് അധികൃതർ.

ഇന്നലെയാണ് സംഭവം നടന്നത്. പ്രദേശത്തെ ക്ഷേത്രത്തിലെ ചടങ്ങുകളുമായി ബന്ധപ്പെട്ട് ആർഎസ്എസ്, ബിജെപി പ്രവർത്തകരും സിപിഎം, ഡിവൈഎഫ്ഐ പ്രവർത്തകരും തമ്മിൽ തർക്കവും സംഘർഷവും നടന്നിരുന്നു. ഇതിൽപെട്ട ചിലരെയാണ് പൊലീസുകാർ വിളിച്ചുവരുത്തിയത്. സ്ഥലത്തെത്തിയ ഡിവൈഎഫ്ഐക്കാർ പൊലീസ് വിളിച്ചുവരുത്തിയ വ്യക്തികളോട് പൊലീസിൻ്റെ അനുവാദമില്ലാതെ സ്റ്റേഷന് അകത്ത് വെച്ച് സംസാരിക്കാൻ ശ്രമിക്കുകയായിരുന്നു. ഇത് പൊലീസ് തടഞ്ഞതോടെയാണ് കയ്യാങ്കളിയിലേക്ക് നീങ്ങിയത്. സ്റ്റേഷനുള്ളിൽ നിന്നും ബലപ്രയോഗിച്ച് പ്രവർത്തകരെ പുറത്തിറക്കുന്നതിൻ്റെയും സ്റ്റേഷന് പുറത്ത് വച്ച് ഡിവൈഎഫ്ഐ പ്രവർത്തകർ ആക്രോശിക്കുന്നതിൻ്റെയും ദൃശ്യങ്ങൾ പുറത്തുവന്നിട്ടുണ്ട്. സംഭവത്തിൽ ആർക്കെതിരെയും പൊലീസ് കേസെടുത്തിട്ടില്ല.

### Related Links & Sources
- [Original Story Source](https://truevisionnews.com/news/347085/police-and-dyfi-activists-clash-in-sasthamkotta)