---
title: "നാളെ രാവിലെ പുട്ടാണോ? എങ്കിൽ വാ കിടിലൻ  'ചെറുപയർ കറി' ഉണ്ടാക്കാം ..."
english_title: "Chickpea curry"
publisher: "truevisionnews.com"
canonical_url: "https://truevisionnews.com/news/346908/chickpea-curry"
published_at: "2026-03-10T23:03:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69b055fb7019e_ncf.jpg"
keywords: []
---

# നാളെ രാവിലെ പുട്ടാണോ? എങ്കിൽ വാ കിടിലൻ  'ചെറുപയർ കറി' ഉണ്ടാക്കാം ...

> **Lead Summary:** **** കേരളീയരുടെ പ്രഭാതഭക്ഷണത്തിലും ഉച്ചഭക്ഷണത്തിലും ഒഴിച്ചുകൂടാനാവാത്ത വിഭവമാണ് ചെറുപയർ കറി. പുട്ടിനും അപ്പത്തിനും ചപ്പാത്തിക്കും ഒപ്പം മാത്രമല്ല, കഞ്ഞിക്കും ചോറിനും കൂടെയും ഇത് മികച്ച കോമ്പിനേഷനാണ്.**

## Article Content

**** കേരളീയരുടെ പ്രഭാതഭക്ഷണത്തിലും ഉച്ചഭക്ഷണത്തിലും ഒഴിച്ചുകൂടാനാവാത്ത വിഭവമാണ് ചെറുപയർ കറി. പുട്ടിനും അപ്പത്തിനും ചപ്പാത്തിക്കും ഒപ്പം മാത്രമല്ല, കഞ്ഞിക്കും ചോറിനും കൂടെയും ഇത് മികച്ച കോമ്പിനേഷനാണ്.**

ആവശ്യമായ സാധനങ്ങൾ:**

ചെറുപയർ: 1 കപ്പ്

തേങ്ങ ചിരകിയത്: 1/2 കപ്പ്

പച്ചമുളക്: 3-4 എണ്ണം (എരിവിനനുസരിച്ച്)

മഞ്ഞൾപ്പൊടി: 1/2 ടീസ്പൂൺ

ജീരകം: 1/2 ടീസ്പൂൺ

വെളുത്തുള്ളി: 2 അല്ലി

ചുമന്നുള്ളി: 4-5 എണ്ണം (അരപ്പിനും താളിക്കാനും)

കടുക്, വറ്റൽമുളക്, കറിവേപ്പില: താളിക്കാൻ ആവശ്യത്തിന്

വെളിച്ചെണ്ണ: 2 ടേബിൾ സ്പൂൺ

ഉപ്പ്: പാകത്തിന്

**തയ്യാറാക്കുന്ന വിധം:**

*ചെറുപയർ നന്നായി കഴുകി കുക്കറിൽ ഇടുക. ഇതിലേക്ക് മഞ്ഞൾപ്പൊടിയും ആവശ്യത്തിന് വെള്ളവും ചേർത്ത് 3-4 വിസിൽ വരുന്നതുവരെ വേവിക്കുക. (പയർ നന്നായി ഉടഞ്ഞു വരണമെങ്കിൽ ഒരു വിസിൽ കൂടി അധികം നൽകാം).*

*തേങ്ങ, ജീരകം, പച്ചമുളക്, വെളുത്തുള്ളി, 2 ചുമന്നുള്ളി എന്നിവ അല്പം വെള്ളം ചേർത്ത് നന്നായി അരച്ചെടുക്കുക.*

*വെന്ത പയറിലേക്ക് തയ്യാറാക്കിയ തേങ്ങ അരപ്പും ആവശ്യത്തിന് ഉപ്പും ചേർക്കുക. കറിക്ക് ആവശ്യമായ അയവ് കിട്ടാൻ അല്പം ചൂടുവെള്ളം കൂടി ചേർക്കാം. അരപ്പിന്റെ പച്ചമണം മാറുന്നത് വരെ ചെറിയ തീയിൽ തിളപ്പിക്കുക.*

*ഒരു ചെറിയ പാനിൽ വെളിച്ചെണ്ണ ചൂടാക്കി കടുക് പൊട്ടിക്കുക. ഇതിലേക്ക് വറ്റൽമുളക്, അരിഞ്ഞ ചുമന്നുള്ളി, കറിവേപ്പില എന്നിവ ചേർത്ത് മൂപ്പിക്കുക. ഉള്ളി പൊൻനിറമാകുമ്പോൾ ഇത് കറിയിലേക്ക് ഒഴിക്കുക.*

### Related Links & Sources
- [Original Story Source](https://truevisionnews.com/news/346908/chickpea-curry)