---
title: "റവയും പഴവും ഉണ്ടോ? എങ്കിൽ വൈകുന്നേരം ഈ പലഹാരം പരീക്ഷിക്കൂ"
english_title: "Semolina and fruit pakoda"
publisher: "truevisionnews.com"
canonical_url: "https://truevisionnews.com/news/346439/semolina-and-fruit-pakoda"
published_at: "2026-03-08T15:39:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69ad4b9558f89_Semolina_and_fruit_pakoda.jpg"
keywords: []
---

# റവയും പഴവും ഉണ്ടോ? എങ്കിൽ വൈകുന്നേരം ഈ പലഹാരം പരീക്ഷിക്കൂ

> **Lead Summary:** ചായസമയത്ത് കഴിക്കാൻ പറ്റിയ വളരെ എളുപ്പത്തിൽ തയ്യാറാക്കാവുന്ന ഒരു പലഹാരമാണ് ബനാന റവ ഫ്രിറ്റേഴ്‌സ് (റവ പഴം പക്കവട). അകവശം നല്ല സോഫ്റ്റും പുറംഭാഗം നല്ല ക്രിസ്പിയുമായ ഈ വിഭവം കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടും.

## Article Content

ചായസമയത്ത് കഴിക്കാൻ പറ്റിയ വളരെ എളുപ്പത്തിൽ തയ്യാറാക്കാവുന്ന ഒരു പലഹാരമാണ് ബനാന റവ ഫ്രിറ്റേഴ്‌സ് (റവ പഴം പക്കവട). അകവശം നല്ല സോഫ്റ്റും പുറംഭാഗം നല്ല ക്രിസ്പിയുമായ ഈ വിഭവം കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടും.

**ആവശ്യമായ ചേരുവകൾ:**

റവ: 1 ½ കപ്പ്

ചെറുപഴം: 2-3 എണ്ണം

മുട്ട: 2 എണ്ണം

പാൽ: ½ കപ്പ്

പഞ്ചസാര: 2 ടേബിൾസ്പൂൺ (മധുരത്തിനനുസരിച്ച് മാറ്റം വരുത്താം)

ഏലക്ക ചതച്ചത്: 5 എണ്ണം

ഉപ്പ്: ഒരു നുള്ള്

ബേക്കിംഗ് സോഡ: ഒരു നുള്ള്

അണ്ടിപ്പരിപ്പ് മുറിച്ചത്: 1 ½ ടേബിൾസ്പൂൺ

നെയ്യ്: ½ ടീസ്പൂൺ

എണ്ണ: വറുക്കാൻ ആവശ്യത്തിന്

**തയ്യാറാക്കുന്ന വിധം:**

ഒരു പാത്രത്തിൽ റവ, പഞ്ചസാര, ഉപ്പ്, ബേക്കിംഗ് സോഡ എന്നിവ ചേർത്ത് നന്നായി യോജിപ്പിക്കുക.

മറ്റൊരു പാത്രത്തിൽ മുട്ടയും പാലും ചേർത്ത് നന്നായി അടിച്ചെടുക്കുക.

എടുത്തു വെച്ചിരിക്കുന്ന പഴം നന്നായി ഉടച്ച് റവ മിശ്രിതത്തിലേക്ക് ചേർക്കുക.

ഇതിലേക്ക് തയ്യാറാക്കി വെച്ച മുട്ട-പാൽ മിശ്രിതം, ഉരുക്കിയ നെയ്യ്, അണ്ടിപ്പരിപ്പ്, ഏലക്കപ്പൊടി എന്നിവ ചേർത്ത് നന്നായി ഇളക്കുക.

ഈ മാവ് ഏകദേശം അര മണിക്കൂർ വശത്തേക്ക് വെക്കുക. (മാവ് അധികം കട്ടിയുള്ളതോ വെള്ളം പോലെയോ ആകരുത്. സ്പൂണിൽ നിന്ന് എളുപ്പത്തിൽ ഒഴിക്കാൻ പാകത്തിലുള്ള പരുവമായിരിക്കണം).

ഒരു പാനിൽ എണ്ണ ചൂടാക്കുക. എണ്ണ ചൂടായ ശേഷം ഒരു സ്പൂൺ മാവ് വീതം എണ്ണയിലേക്ക് ഒഴിക്കുക. ഒരു സമയം അഞ്ചോ ആറോ എണ്ണം വീതം വറുത്തെടുക്കാം.

മീഡിയം തീയിൽ ഇട്ട് ഒരു വശം ഗോൾഡൻ നിറമാകുമ്പോൾ മറിച്ചിടുക. രണ്ടു വശവും നല്ല ഗോൾഡൻ ബ്രൗൺ നിറമാകുമ്പോൾ കോരിയെടുക്കാം.

എണ്ണമയം കളയാൻ ഒരു പേപ്പർ ടൗവ്വലിലേക്ക് മാറ്റുക.

### Related Links & Sources
- [Original Story Source](https://truevisionnews.com/news/346439/semolina-and-fruit-pakoda)