---
title: "മൂത്രം പിടിച്ചുനിർത്താറുണ്ടോ? സൂക്ഷിക്കണം, യൂറിനറി ഇൻഫെക്ഷൻ നിങ്ങളെ തേടിയെത്തിയേക്കാം"
english_title: "You may be getting a urinary tract infection"
publisher: "truevisionnews.com"
canonical_url: "https://truevisionnews.com/news/346435/you-may-be-getting-a-urinary-tract-infection"
published_at: "2026-03-08T15:21:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/69ad475ad055d_You_may_be_getting_a_urinary_tract_infection.jpg"
keywords: []
---

# മൂത്രം പിടിച്ചുനിർത്താറുണ്ടോ? സൂക്ഷിക്കണം, യൂറിനറി ഇൻഫെക്ഷൻ നിങ്ങളെ തേടിയെത്തിയേക്കാം

> **Lead Summary:** മൂത്രനാളിയിലെ അണുബാധ അഥവാ യൂറിനറി ഇൻഫെക്ഷൻ ഇന്ന് പലരെയും അലട്ടുന്ന ഒരു പ്രശ്നമാണ്. കൃത്യമായ ജീവിതശൈലിയും ശുചിത്വവും പാലിച്ചാൽ ഒരു പരിധിവരെ ഇത്തരം അണുബാധകളെ അകറ്റി നിർത്താം. അതിനായി ശ്രദ്ധിക്കേണ്ട കാര്യങ്ങൾ ഇവയാണ്:

## Article Content

മൂത്രനാളിയിലെ അണുബാധ അഥവാ യൂറിനറി ഇൻഫെക്ഷൻ ഇന്ന് പലരെയും അലട്ടുന്ന ഒരു പ്രശ്നമാണ്. കൃത്യമായ ജീവിതശൈലിയും ശുചിത്വവും പാലിച്ചാൽ ഒരു പരിധിവരെ ഇത്തരം അണുബാധകളെ അകറ്റി നിർത്താം. അതിനായി ശ്രദ്ധിക്കേണ്ട കാര്യങ്ങൾ ഇവയാണ്:

വ്യക്തിശുചിത്വം പ്രധാനം: എപ്പോഴും വ്യക്തിശുചിത്വം പാലിക്കുന്നത് അണുബാധ തടയാൻ സഹായിക്കും. ആർത്തവ സമയങ്ങളിൽ കൂടുതൽ ശ്രദ്ധ നൽകുക.

ധാരാളം വെള്ളം കുടിക്കുക: ശരീരത്തിൽ നിന്ന് ബാക്ടീരിയകളെ പുറന്തള്ളാൻ ധാരാളം വെള്ളം കുടിക്കുന്നത് സഹായിക്കും. ഇത് അണുബാധയ്ക്കുള്ള സാധ്യത കുറയ്ക്കുന്നു.

അയഞ്ഞ വസ്ത്രങ്ങൾ ധരിക്കാം: ഇറുകിയതും സിന്തറ്റിക് ആയതുമായ അടിവസ്ത്രങ്ങൾ ഒഴിവാക്കി കോട്ടൺ വസ്ത്രങ്ങൾ തിരഞ്ഞെടുക്കുക. ഇത് ഈർപ്പവും ചൂടും തങ്ങിനിൽക്കുന്നത് തടയും.

ഭക്ഷണക്രമത്തിൽ ശ്രദ്ധിക്കാൻ: പ്രോബയോട്ടിക്കുകൾ, ഫൈബർ, ആന്റിഓക്‌സിഡന്റുകൾ എന്നിവ അടങ്ങിയ ഭക്ഷണം ശീലമാക്കുന്നത് മൂത്രനാളിയുടെ ആരോഗ്യത്തിന് നല്ലതാണ്.

മൂത്രം പിടിച്ചുനിർത്തരുത്: മൂത്രമൊഴിക്കാൻ തോന്നുമ്പോൾ ഒരുപാട് നേരം പിടിച്ചുനിർത്തുന്നത് ബാക്ടീരിയകൾ വളരാൻ ഇടയാക്കും.

ലക്ഷണങ്ങൾ അവഗണിക്കരുത്: പനി, വിറയൽ, ശക്തമായ പുറംവേദന എന്നിവ മൂത്രനാളിയിലെ അണുബാധയുടെ ലക്ഷണങ്ങളാകാം. ഇവ കണ്ടാൽ ഉടൻ ഡോക്ടറുടെ സഹായം തേടുക.

### Related Links & Sources
- [Original Story Source](https://truevisionnews.com/news/346435/you-may-be-getting-a-urinary-tract-infection)