---
title: "നാദാപുരം സ്വദേശിനി യുവതിയെ സാമൂഹികമാധ്യമം വഴി പരിചയപ്പെട്ട് ബലാത്സംഗത്തിനിരയാക്കിയതായി പരാതി; സ്വർണവുമായി മുങ്ങിയ യുവാവ് ടൗൺ പൊലീസിന്റെ പിടിയിൽ"
english_title: "A woman from Nadapuram has been accused of raping a man she met through social media Youth arrested for drowning with gold"
publisher: "truevisionnews.com"
canonical_url: "https://truevisionnews.com/news/345972/a-woman-from-nadapuram-has-been-accused-of-raping-a-man-she-met-through-social-media-youth-arrested-for-drowning-with-gold"
published_at: "2026-03-06T12:23:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/69aa7a78a07aa_arrrest.jpg"
keywords: []
---

# നാദാപുരം സ്വദേശിനി യുവതിയെ സാമൂഹികമാധ്യമം വഴി പരിചയപ്പെട്ട് ബലാത്സംഗത്തിനിരയാക്കിയതായി പരാതി; സ്വർണവുമായി മുങ്ങിയ യുവാവ് ടൗൺ പൊലീസിന്റെ പിടിയിൽ

> **Lead Summary:** **കോഴിക്കോട് : ( **[www.truevisionnews.com]** )** സാമൂഹികമാധ്യമം വഴി പരിചയപ്പെട്ട യുവതിയെ ബലാത്സംഗത്തിനിരയാക്കി സ്വർണവുമായി മുങ്ങിയ കേസിൽ പ്രതിയെ ടൗൺ പോലീസ് പിടികൂടി. മലപ്പുറം കോട്ടക്കൽ സ്വദേശി നെല്ലിക്കാപറമ്പ് കുഞ്ഞിത്തൊടി വീട്ടിൽ മുഹമ്മദ് ജസീൽ ആണ് അറസ്റ്റിലായത്.

## Article Content

**കോഴിക്കോട് : ( **[www.truevisionnews.com]** )** സാമൂഹികമാധ്യമം വഴി പരിചയപ്പെട്ട യുവതിയെ ബലാത്സംഗത്തിനിരയാക്കി സ്വർണവുമായി മുങ്ങിയ കേസിൽ പ്രതിയെ ടൗൺ പോലീസ് പിടികൂടി. മലപ്പുറം കോട്ടക്കൽ സ്വദേശി നെല്ലിക്കാപറമ്പ് കുഞ്ഞിത്തൊടി വീട്ടിൽ മുഹമ്മദ് ജസീൽ ആണ് അറസ്റ്റിലായത്.

നാദാപുരം സ്വദേശിനിയെ 2025 ഏപ്രിലിൽ കോഴിക്കോട്ടെ ഹോട്ടലിൽ വെച്ച് ബലാത്സംഗം ചെയ്ത ശേഷം ആറുപവനോളം സ്വർണവുമായി മുങ്ങുകയായിരുന്നു എന്നാണ് പരാതി.

പ്രതിക്കെതിരേ സമാനമായ മറ്റൊരു പരാതികൂടി ലഭിച്ചിട്ടുണ്ടെന്നും ഇയാൾ സാമൂഹികമാധ്യമങ്ങൾ വഴി ഒട്ടേറെ സ്ത്രീകളുമായി ബന്ധം സ്ഥാപിച്ചിട്ടുണ്ടെന്നും പോലീസ് പറഞ്ഞു. ടൗൺ പോലീസ് സ്റ്റേഷൻ ഇൻസ്‌പെക്ടർ പ്രിയൻ, സബ് ഇൻസ്‌പെക്ടർ മീജോ ജോസ്, എസ്.സി.പി.ഒ. വിജീഷ്, ജിനേഷ്, അരുൺ എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

### Related Links & Sources
- [Original Story Source](https://truevisionnews.com/news/345972/a-woman-from-nadapuram-has-been-accused-of-raping-a-man-she-met-through-social-media-youth-arrested-for-drowning-with-gold)