---
title: "യുദ്ധം അവസാനിപ്പിക്കാൻ ഇറാനിയൻ നേതാക്കൾ ബന്ധപ്പെടുന്നുണ്ടെന്ന് ട്രംപ്; ഒരു ചർച്ചയ്ക്കും തയാറല്ലെന്ന് അബ്ബാസ് അരഗ്ചി"
english_title: "Trump says Iranian leaders are in contact to end the war; Abbas Araghchi says he is not ready for any talks"
publisher: "truevisionnews.com"
canonical_url: "https://truevisionnews.com/news/345890/trump-says-iranian-leaders-are-in-contact-to-end-the-war-abbas-araghchi-says-he-is-not-ready-for-any-talks"
published_at: "2026-03-06T07:25:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/69aa343a90b63_su.jpg"
keywords: []
---

# യുദ്ധം അവസാനിപ്പിക്കാൻ ഇറാനിയൻ നേതാക്കൾ ബന്ധപ്പെടുന്നുണ്ടെന്ന് ട്രംപ്; ഒരു ചർച്ചയ്ക്കും തയാറല്ലെന്ന് അബ്ബാസ് അരഗ്ചി

> **Lead Summary:** **(https://truevisionnews.com/**) യുദ്ധം അവസാനിപ്പിക്കുന്നതിനായി ഇറാനിയൻ നേതാക്കൾ ബന്ധപ്പെടുന്നുണ്ടെന്ന് അവകാശപ്പെട്ട് അമേരിക്കൻ പ്രസിഡന്റ് ഡോണൾഡ് ട്രംപ്. വൈകിപ്പോയെന്നും യുദ്ധം തുടരാനാണ് അമേരിക്ക ഇപ്പോൾ താൽപര്യപ്പെടുന്നതെന്നും ട്രംപ് പറഞ്ഞു. എന്നാൽ ഈ അവകാശവാദം ഇറാൻ തള്ളി.

## Article Content

**(https://truevisionnews.com/**) യുദ്ധം അവസാനിപ്പിക്കുന്നതിനായി ഇറാനിയൻ നേതാക്കൾ ബന്ധപ്പെടുന്നുണ്ടെന്ന് അവകാശപ്പെട്ട് അമേരിക്കൻ പ്രസിഡന്റ് ഡോണൾഡ് ട്രംപ്. വൈകിപ്പോയെന്നും യുദ്ധം തുടരാനാണ് അമേരിക്ക ഇപ്പോൾ താൽപര്യപ്പെടുന്നതെന്നും ട്രംപ് പറഞ്ഞു. എന്നാൽ ഈ അവകാശവാദം ഇറാൻ തള്ളി.

ഇറാൻ അൽപം വൈകിപ്പോയെന്നും യുദ്ധം ചെയ്യാനാണ് അമേരിക്ക ഇപ്പോൾ താൽപര്യപ്പെടുന്നതെന്നും ട്രംപ് പറയുന്നത്. രാജ്യത്തിന്റെ രാഷ്ട്രീയഭാവി പുനർനിർമ്മിക്കാൻ സഹായിക്കാൻ ഇറാനിയൻ നയതന്ത്രജ്ഞരോട് ട്രംപ് ആവശ്യപ്പെട്ടു. വലിയ സാധ്യതകളുള്ള പുതിയതും മികച്ചതുമായ ഇറാനെ സൃഷ്ടിക്കാൻ അവരുടെ സഹായം ആവശ്യമാണെന്നും ട്രംപ് വ്യക്തമാക്കി.

ഇറാന്റെ വ്യോമസേനയും നാവികസേനയും വ്യോമപ്രതിരോധസംവിധാനങ്ങളും തകർക്കപ്പെട്ടുവെന്നും ട്രംപ് പറയുന്നു. മൂന്നു ദിവസത്തിനുള്ളിൽ ഇറാന്റെ 24 കപ്പലുകൾ നശിപ്പിച്ചുവെന്നും ട്രംപ് അവകാശപ്പെട്ടു.

കൊല്ലപ്പെട്ട ഖമനയിയുടെ മകൻ മോജ്തബ ഖമനയി പരമോന്നത നേതാവാകുന്നത് താൻ താൽപര്യപ്പെടുന്നില്ലെന്നും ട്രംപ് പറയുന്നു. മുൻ നിശ്ചയിക്കപ്പെട്ടതിലും നേരത്തെ ലക്ഷ്യങ്ങൾ കൈവരിക്കുന്നതായും അദ്ദേഹം വ്യക്തമാക്കി. വൈറ്റ് ഹൗസിൽ മാധ്യമപ്രവർത്തകരുമായി സംസാരിക്കുകയായിരുന്നു ട്രംപ്.

അമേരിക്ക കരയുദ്ധം ആരംഭിച്ചാൽ അത് നേരിടാൻ തയാറാണെന്ന് ഇറാൻ വിദേശകാര്യമന്ത്രി അബ്ബാസ് അരഗ്ചി പറയുന്നു. അമേരിക്കയുമായി വെടിനിർത്തലോ ചർച്ചകളോ നടത്താൻ ഉദ്ദേശ്യമില്ലെന്നും അരഗ്ചി വ്യക്തമാക്കി. അമേരിക്കയുടെ ഇറാൻ അധിനിവേശം അമേരിക്കയ്ക്ക് ഒരു ദുരനുഭവമായി മാറുമെന്നും അരഗ്ചി. എൻ ബി സി ന്യൂസിന് നൽകിയ വിഡിയോ അഭിമുഖത്തിലാണ് പരാമർശങ്ങൾ.

### Related Links & Sources
- [Original Story Source](https://truevisionnews.com/news/345890/trump-says-iranian-leaders-are-in-contact-to-end-the-war-abbas-araghchi-says-he-is-not-ready-for-any-talks)