---
title: "മൊരിഞ്ഞ മാവിനുള്ളിൽ ചൂടുള്ള ചിക്കൻ മസാല; 'കോഴിവട' തയ്യാറാക്കാൻ ഇതാ എളുപ്പവഴി"
english_title: "kozhiVada Recipe"
publisher: "truevisionnews.com"
canonical_url: "https://truevisionnews.com/news/345823/kozhivada-recipe"
published_at: "2026-03-05T17:03:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69a96a634cb0d_ft.jpg"
keywords: []
---

# മൊരിഞ്ഞ മാവിനുള്ളിൽ ചൂടുള്ള ചിക്കൻ മസാല; 'കോഴിവട' തയ്യാറാക്കാൻ ഇതാ എളുപ്പവഴി

> **Lead Summary:** ** ** മലബാറിലെ, പ്രത്യേകിച്ച് കണ്ണൂരിലെ വൈകുന്നേരങ്ങളെ രുചികരമാക്കുന്ന നാടൻ പലഹാരമാണ് കോഴിവട. ചിക്കൻ മസാലയും മാവും ചേർത്തുള്ള ഈ അപൂർവ്വ രുചിക്കൂട്ട് മലബാറിലെ ചായക്കടകളിലെ സ്ഥിരം കാഴ്ചയാണ്.

## Article Content

** ** മലബാറിലെ, പ്രത്യേകിച്ച് കണ്ണൂരിലെ വൈകുന്നേരങ്ങളെ രുചികരമാക്കുന്ന നാടൻ പലഹാരമാണ് കോഴിവട. ചിക്കൻ മസാലയും മാവും ചേർത്തുള്ള ഈ അപൂർവ്വ രുചിക്കൂട്ട് മലബാറിലെ ചായക്കടകളിലെ സ്ഥിരം കാഴ്ചയാണ്.

സാധാരണ വടയുടെ ആകൃതിയിൽ തയ്യാറാക്കുന്ന ഈ പലഹാരത്തിന്റെ ഉള്ളിൽ രുചികരമായ ചിക്കൻ മസാലയാണ് ഫില്ലിംഗ് ആയി വരുന്നത്. ലശ്ശേരി, കണ്ണൂർ ഭാഗങ്ങളിലെ തനതായ ലഘുഭക്ഷണങ്ങളിൽ ഒന്നായ ഇതിന് ഇന്ന് കേരളത്തിലുടനീളം ആരാധകരുണ്ട്. നല്ല മൊരിഞ്ഞ, ഉള്ളിൽ ജ്യൂസിയായ ചിക്കൻ മസാലയുള്ള നാടൻ കോഴിവട വീട്ടിൽ തയ്യാറാക്കുന്നത് എങ്ങനെയെന്ന് നോക്കാം.

**ചേരുവകൾ**

1. മസാല തയ്യാറാക്കാൻ:

ചിക്കൻ (എല്ലില്ലാത്തത്)

സവാള: (ചെറുതായി അരിഞ്ഞത്)

ഇഞ്ചി-വെളുത്തുള്ളി പേസ്റ്റ്

പച്ചമുളക് (അരിഞ്ഞത്)

മഞ്ഞൾപ്പൊടി

മുളകുപൊടി

ഗരം മസാല

കറിവേപ്പില, മല്ലിയില

ഉപ്പ്

മാവ് തയ്യാറാക്കാൻ:

മൈദ: 1 കപ്പ്

അരിപ്പൊടി:  (മൊരിഞ്ഞു കിട്ടാൻ)

മഞ്ഞൾപ്പൊടി: ഒരു നുള്ള്ഉപ്പ്, വെള്ളം: ആവശ്യത്തിന്

**തയ്യാറാക്കുന്ന വിധം:**

ഘട്ടം 1: ചിക്കൻ മസാല

ആദ്യം ചിക്കൻ അല്പം മഞ്ഞൾപ്പൊടിയും ഉപ്പും ചേർത്ത് വേവിച്ച് നന്നായി ഉടച്ചെടുക്കുക . ഒരു പാനിൽ എണ്ണ ചൂടാക്കി സവാള, ഇഞ്ചി-വെളുത്തുള്ളി പേസ്റ്റ്, പച്ചമുളക് എന്നിവ വഴറ്റുക. ഇതിലേക്ക് മസാലപ്പൊടികളും ഉപ്പും ചേർത്ത് പച്ചമണം മാറുന്നത് വരെ ഇളക്കുക. വേവിച്ച് വെച്ചിരിക്കുന്ന ചിക്കൻ ഇതിലേക്ക് ചേർത്ത് നന്നായി യോജിപ്പിക്കുക. മല്ലിയിലയും കറിവേപ്പിലയും ചേർത്ത് വാങ്ങി വെക്കാം.

ഘട്ടം 2: വടയുടെ പുറംഭാഗം

മൈദയും അരിപ്പൊടിയും മഞ്ഞൾപ്പൊടിയും ഉപ്പും ചേർത്ത് കുറച്ച് വെള്ളമൊഴിച്ച് കട്ടിയുള്ള മാവായി കുഴച്ചെടുക്കുക (ചപ്പാത്തി മാവിനേക്കാൾ അല്പം കൂടി അയഞ്ഞ പരുവത്തിൽ). ഈ മാവിൽ നിന്ന് ചെറിയ ഉരുളകൾ എടുത്ത് കൈവെള്ളയിൽ വെച്ച് പരത്തുക. ഇതിന്റെ നടുവിൽ തയ്യാറാക്കി വെച്ച ചിക്കൻ മസാലയിൽ നിന്ന് അല്പം വെച്ച് മാവ് കൊണ്ട് നാലുഭാഗവും മൂടുക (വടയുടെ ആകൃതിയിലോ ബോളിന്റെ ആകൃതിയിലോ ആക്കാം).

ഘട്ടം 3: പൊരിച്ചെടുക്കാം

ചീനച്ചട്ടിയിൽ എണ്ണ ചൂടാക്കി തയ്യാറാക്കി വെച്ച വടകൾ ഇടുക. മിതമായ തീയിൽ തിരിച്ചും മറിച്ചും ഇട്ട് സ്വർണ്ണനിറമാകുന്നത് വരെ പൊരിച്ചെടുക്കാം.

### Related Links & Sources
- [Original Story Source](https://truevisionnews.com/news/345823/kozhivada-recipe)