---
title: "ഭീഷണിക്ക് വഴങ്ങില്ല; ഇറാൻ വിഷയത്തിൽ ട്രംപിന് മറുപടിയുമായി സ്പെയിൻ പ്രധാനമന്ത്രി"
english_title: "Will not yield to threats; Spanish Prime Minister responds to Trump on Iran issue"
publisher: "truevisionnews.com"
canonical_url: "https://truevisionnews.com/news/345651/will-not-yield-to-threats-spanish-prime-minister-responds-to-trump-on-iran-issue"
published_at: "2026-03-05T07:19:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/69a8e1a5212c6_5.jpg"
keywords: []
---

# ഭീഷണിക്ക് വഴങ്ങില്ല; ഇറാൻ വിഷയത്തിൽ ട്രംപിന് മറുപടിയുമായി സ്പെയിൻ പ്രധാനമന്ത്രി

> **Lead Summary:** ഇറാനിൽ യുഎസും ഇസ്രായേലും നടത്തുന്ന സൈനിക നീക്കങ്ങൾ ദശലക്ഷക്കണക്കിന് ആളുകളുടെ ജീവൻ അപകടത്തിലാക്കുന്ന 'തീക്കളി'യാണെന്ന് സ്പാനിഷ് പ്രധാനമന്ത്രി പെഡ്രോ സാൻചസ് മുന്നറിയിപ്പ് നൽകി. സ്പെയിനിലെ സംയുക്ത സൈനിക താവളങ്ങൾ ഇറാനെതിരായ ആക്രമണത്തിന് വിട്ടുനൽകില്ലെന്ന നിലപാടിൽ അദ്ദേഹം ഉറച്ചുനിന്നു.

## Article Content

ഇറാനിൽ യുഎസും ഇസ്രായേലും നടത്തുന്ന സൈനിക നീക്കങ്ങൾ ദശലക്ഷക്കണക്കിന് ആളുകളുടെ ജീവൻ അപകടത്തിലാക്കുന്ന 'തീക്കളി'യാണെന്ന് സ്പാനിഷ് പ്രധാനമന്ത്രി പെഡ്രോ സാൻചസ് മുന്നറിയിപ്പ് നൽകി. സ്പെയിനിലെ സംയുക്ത സൈനിക താവളങ്ങൾ ഇറാനെതിരായ ആക്രമണത്തിന് വിട്ടുനൽകില്ലെന്ന നിലപാടിൽ അദ്ദേഹം ഉറച്ചുനിന്നു.

സ്പെയിനിന്റെ ഈ തീരുമാനത്തിന് പിന്നാലെ, രാജ്യവുമായുള്ള വ്യാപാരബന്ധം അവസാനിപ്പിക്കുമെന്ന് യുഎസ് പ്രസിഡന്റ് ഡൊണാൾഡ് ട്രംപ് ഭീഷണി മുഴക്കിയിരുന്നു. എന്നാൽ, ലോകത്തിന് ദോഷകരമായ ഇത്തരം നടപടികളിൽ പങ്കാളികളാകാൻ സ്പെയിനിന് താല്പര്യമില്ലെന്നും ആരുടെയും ഭീഷണിക്ക് വഴങ്ങി മൂല്യങ്ങളിൽ വിട്ടുവീഴ്ച ചെയ്യില്ലെന്നും സാൻചസ് മറുപടി നൽകി. ഇറാനിലെ സൈനിക ഇടപെടൽ നീതീകരിക്കാനാവാത്തതും അപകടകരവുമാണെന്നാണ് യൂറോപ്പിലെ പ്രമുഖ പുരോഗമനവാദി നേതാവായ സാൻചസിന്റെ പക്ഷം.

### Related Links & Sources
- [Original Story Source](https://truevisionnews.com/news/345651/will-not-yield-to-threats-spanish-prime-minister-responds-to-trump-on-iran-issue)