---
title: "'അംഗത്വം പോയവരെല്ലാം പാർട്ടി വിരുദ്ധരല്ല, ആരെയും അവഗണിക്കില്ല' - ടി.പി. രാമകൃഷ്ണൻ"
english_title: "'Not all those who left the party are anti-party, no one will be ignored' - T.P. Ramakrishnan"
publisher: "truevisionnews.com"
canonical_url: "https://truevisionnews.com/news/345614/not-all-those-who-left-the-party-are-anti-party-no-one-will-be-ignored-tp-ramakrishnan"
published_at: "2026-03-04T19:09:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69a83672ad498_18.jpg"
keywords: []
---

# 'അംഗത്വം പോയവരെല്ലാം പാർട്ടി വിരുദ്ധരല്ല, ആരെയും അവഗണിക്കില്ല' - ടി.പി. രാമകൃഷ്ണൻ

> **Lead Summary:** സിപിഎം നേതാവ് ജി. സുധാകരന്റെ പരസ്യവിമർശനങ്ങളിൽ പ്രതികരണവുമായി എൽഡിഎഫ് കൺവീനർ ടി.പി. രാമകൃഷ്ണൻ രംഗത്തെത്തി. പാർട്ടിയിൽ ഒരാളെയും കുറച്ചുകാണുന്ന സമീപനം നേതൃത്വത്തിനില്ലെന്നും മെമ്പർഷിപ്പ് പുതുക്കുന്ന പ്രക്രിയ സംഘടനാപരമായ കാര്യമാണെന്നും അദ്ദേഹം വ്യക്തമാക്കി.

## Article Content

സിപിഎം നേതാവ് ജി. സുധാകരന്റെ പരസ്യവിമർശനങ്ങളിൽ പ്രതികരണവുമായി എൽഡിഎഫ് കൺവീനർ ടി.പി. രാമകൃഷ്ണൻ രംഗത്തെത്തി. പാർട്ടിയിൽ ഒരാളെയും കുറച്ചുകാണുന്ന സമീപനം നേതൃത്വത്തിനില്ലെന്നും മെമ്പർഷിപ്പ് പുതുക്കുന്ന പ്രക്രിയ സംഘടനാപരമായ കാര്യമാണെന്നും അദ്ദേഹം വ്യക്തമാക്കി.

തന്നെ പാർട്ടി സെക്രട്ടറി പരിഹസിച്ചുവെന്നും ജില്ലാ നേതൃത്വം അവഗണിക്കുന്നുവെന്നും ആരോപിച്ച് സുധാകരൻ ഫേസ്ബുക്കിൽ കുറിച്ച പശ്ചാത്തലത്തിലായിരുന്നു ഈ പ്രതികരണം. 63 വർഷത്തെ പാർട്ടി അംഗത്വം താൻ പുതുക്കുന്നില്ലെന്ന സുധാകരന്റെ നിലപാടിനിടെ, മെമ്പർഷിപ്പ് നടപടികൾ പൂർത്തിയാകാൻ ഇനിയും സമയമുണ്ടെന്ന് ടി.പി. രാമകൃഷ്ണൻ ഓർമ്മിപ്പിച്ചു.

അതോടൊപ്പം, യുഎസ്-ഇസ്രായേൽ സംയുക്ത നീക്കത്തിനെതിരെ ഇറാന് ഐക്യദാർഢ്യം പ്രഖ്യാപിച്ച് മാർച്ച് 6 മുതൽ 8 വരെ കോഴിക്കോട്, കൊച്ചി, തിരുവനന്തപുരം എന്നിവിടങ്ങളിൽ എൽഡിഎഫ് ബഹുജന റാലികൾ സംഘടിപ്പിക്കുമെന്നും അദ്ദേഹം അറിയിച്ചു.

### Related Links & Sources
- [Original Story Source](https://truevisionnews.com/news/345614/not-all-those-who-left-the-party-are-anti-party-no-one-will-be-ignored-tp-ramakrishnan)