---
title: "മേക്കപ്പ് ബോക്സിലെ 2000-ന്റെ നോസ്റ്റാൾജിയ! സോഷ്യൽ മീഡിയ കീഴടക്കി 'ബെബോട്ട്' ബ്യൂട്ടി ട്രെൻഡ്"
english_title: "'Bebot' beauty trend takes social media by storm"
publisher: "truevisionnews.com"
canonical_url: "https://truevisionnews.com/news/345272/bebot-beauty-trend-takes-social-media-by-storm"
published_at: "2026-03-03T09:51:00+05:30"
category: "Fashion"
language: "ml"
image: "https://cf.zdn.im/img/truevisionnews.com/0/image-uploads/69a662293bf37_6.jpg"
keywords: []
---

# മേക്കപ്പ് ബോക്സിലെ 2000-ന്റെ നോസ്റ്റാൾജിയ! സോഷ്യൽ മീഡിയ കീഴടക്കി 'ബെബോട്ട്' ബ്യൂട്ടി ട്രെൻഡ്

> **Lead Summary:** **[ **സോഷ്യൽ മീഡിയയിലെ ഫാഷൻ ലോകം ഇപ്പോൾ 'ബെബോട്ട്' എന്ന പുത്തൻ ബ്യൂട്ടി ട്രെൻഡിന്റെ ആവേശത്തിലാണ്. ഇൻസ്റ്റാഗ്രാമിലും ടിക് ടോക്കിലും ഒരുപോലെ തരംഗമാകുന്ന ഈ ട്രെൻഡ്, ഫിലിപ്പിനോ സൗന്ദര്യ സങ്കൽപ്പങ്ങളെയും 2000-മാണ്ടിലെ നോസ്റ്റാൾജിക് ഫാഷനെയും സമന്വയിപ്പിച്ചാണ് അവതരിപ്പിക്കുന്നത്.

## Article Content

**[ **സോഷ്യൽ മീഡിയയിലെ ഫാഷൻ ലോകം ഇപ്പോൾ 'ബെബോട്ട്' എന്ന പുത്തൻ ബ്യൂട്ടി ട്രെൻഡിന്റെ ആവേശത്തിലാണ്. ഇൻസ്റ്റാഗ്രാമിലും ടിക് ടോക്കിലും ഒരുപോലെ തരംഗമാകുന്ന ഈ ട്രെൻഡ്, ഫിലിപ്പിനോ സൗന്ദര്യ സങ്കൽപ്പങ്ങളെയും 2000-മാണ്ടിലെ നോസ്റ്റാൾജിക് ഫാഷനെയും സമന്വയിപ്പിച്ചാണ് അവതരിപ്പിക്കുന്നത്.

ഫിലിപ്പിനോ ഭാഷയിൽ 'സുന്ദരിയായ പെൺകുട്ടി' എന്നർത്ഥം വരുന്ന ഈ വാക്ക്, 2005-ൽ പുറത്തിറങ്ങിയ വിഖ്യാത ബാൻഡ് 'ബ്ലാക്ക് ഐഡ് പീസ്' പാടിയ 'Bebot' എന്ന ഗാനം 2026-ൽ വീണ്ടും വൈറലായതോടെയാണ് ഫാഷൻ ലോകത്ത് ചർച്ചയായത്.

തങ്ങളുടെ സാധാരണ ലുക്കിൽ നിന്നും പെട്ടെന്ന് അതിതീവ്രമായ ഗ്ലാമർ ലുക്കിലേക്കുള്ള മാറ്റം കാണിക്കുന്ന റീൽസുകളിലൂടെയാണ് ഈ ട്രെൻഡ് ആളുകളിലേക്ക് എത്തുന്നത്. മിനിമലിസ്റ്റിക് അല്ലെങ്കിൽ 'ക്ലീൻ ഗേൾ' മേക്കപ്പ് രീതികളിൽ നിന്ന് മാറി, 2000-ന്റെ തുടക്കത്തിൽ നിലനിന്നിരുന്ന ബോൾഡ് ആയ 'Y2K' സ്റ്റൈലാണ് ബെബോട്ട് ട്രെൻഡിന്റെ പ്രധാന ആകർഷണം.

ഇതിൽ ഏറ്റവും ശ്രദ്ധേയമായത് 2000-കളിലെ പോലെ വളരെ കൃത്യമായി വരച്ച നേർത്ത പുരികങ്ങളും കണ്ണുകൾക്ക് തിളക്കം നൽകുന്ന സിൽവർ, ബ്ലൂ അല്ലെങ്കിൽ പിങ്ക് നിറങ്ങളിലുള്ള ഫ്രോസ്റ്റഡ് ഐഷാഡോകളുമാണ്.

ഒപ്പം ചുണ്ടുകൾക്ക് കൂടുതൽ തിളക്കവും വടിവും നൽകുന്നതിനായി കടുപ്പമുള്ള ലിപ് ലൈനറും ഗ്ലോസ്സും ഈ ലുക്കിൽ നിർബന്ധമാണ്. വെയിലേറ്റാൽ കിട്ടുന്ന തരം തിളക്കം ചർമ്മത്തിന് നൽകാൻ ബ്രോൺസറുകൾ ധാരാളമായി ഉപയോഗിക്കുന്ന 'സൺ കിസ്ഡ്' ശൈലിയും ഇതിന്റെ പ്രത്യേകതയാണ്.

വെറുമൊരു മേക്കപ്പ് പരീക്ഷണം എന്നതിലുപരി ഫിലിപ്പിനോ സംസ്കാരത്തിന്റെ തനിമയെയും വൈവിധ്യത്തെയും ആഘോഷിക്കാനുള്ള വേദിയായി കൂടി ഈ ട്രെൻഡ് മാറിയിരിക്കുന്നു. തിളങ്ങുന്ന ഫൗണ്ടേഷൻ ബേസിൽ തുടങ്ങി സ്മഡ്ജ് ചെയ്ത ഐലൈനറും 2000-കളിലെ സ്റ്റൈലായ 'പഫ്' എടുത്ത തലമുടിയും ചേരുമ്പോൾ ഒരു പൂർണ്ണമായ ബെബോട്ട് ലുക്ക് കൈവരുന്നു.

ആഗോളതലത്തിൽ ഇൻഫ്ലുവൻസർമാരും താരങ്ങളും ഇത് ഏറ്റെടുത്തതോടെ, കേരളത്തിലെ സോഷ്യൽ മീഡിയാ ഇടങ്ങളിലും മലയാളി വേർഷൻ ബെബോട്ട് വീഡിയോകൾ സജീവമായിക്കൊണ്ടിരിക്കുകയാണ്.

ലളിതമായ മേക്കപ്പ് രീതികളിൽ നിന്ന് അല്പം ഡ്രാമാറ്റിക് ആയ ശൈലികളിലേക്കുള്ള ഫാഷൻ ലോകത്തിന്റെ തിരിച്ചുപോക്കാണ് ഈ വൈറൽ ട്രെൻഡ് വ്യക്തമാക്കുന്നത്.

### Related Links & Sources
- [Original Story Source](https://truevisionnews.com/news/345272/bebot-beauty-trend-takes-social-media-by-storm)