---
title: "സാമ്പാറിന്റെ മണം വീടൊന്നാകെ നിറയും; സ്വാദിഷ്ടമായ സാമ്പാർ റെസിപ്പി"
english_title: "The smell of sambar will fill the whole house; Delicious sambar recipe"
publisher: "truevisionnews.com"
canonical_url: "https://truevisionnews.com/news/345237/the-smell-of-sambar-will-fill-the-whole-house-delicious-sambar-recipe"
published_at: "2026-03-02T23:22:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69a5ceece5e0c_24.jpg"
keywords: []
---

# സാമ്പാറിന്റെ മണം വീടൊന്നാകെ നിറയും; സ്വാദിഷ്ടമായ സാമ്പാർ റെസിപ്പി

> **Lead Summary:** **കേ**രളീയ സദ്യകളിലെയും നിത്യേനയുള്ള ഭക്ഷണത്തിലെയും ഒഴിച്ചുകൂടാനാവാത്ത വിഭവമാണ് സാമ്പാർ. പരിപ്പും വൈവിധ്യമാർന്ന പച്ചക്കറികളും കായവും ചേർത്തൊരുക്കുന്ന ഇതിന്റെ രുചി സമാനതകളില്ലാത്തതാണ്. ചോറിനും ഇഡ്ഡലിക്കും ദോശയ്ക്കുമൊപ്പം ഒരുപോലെ ആസ്വദിക്കാൻ കഴിയുന്ന സ്വാദിഷ്ടമായ നാടൻ സാമ്പാർ തയ്യാറാക്കിയാലോ

## Article Content

**കേ**രളീയ സദ്യകളിലെയും നിത്യേനയുള്ള ഭക്ഷണത്തിലെയും ഒഴിച്ചുകൂടാനാവാത്ത വിഭവമാണ് സാമ്പാർ. പരിപ്പും വൈവിധ്യമാർന്ന പച്ചക്കറികളും കായവും ചേർത്തൊരുക്കുന്ന ഇതിന്റെ രുചി സമാനതകളില്ലാത്തതാണ്. ചോറിനും ഇഡ്ഡലിക്കും ദോശയ്ക്കുമൊപ്പം ഒരുപോലെ ആസ്വദിക്കാൻ കഴിയുന്ന സ്വാദിഷ്ടമായ നാടൻ സാമ്പാർ തയ്യാറാക്കിയാലോ

ചേരുവകൾ

തുവരപ്പരിപ്പ്: 1/2 കപ്പ്

മുരിങ്ങക്കായ

മത്തങ്ങ, വെള്ളരിക്ക

കാരറ്റ്

ഉരുളക്കിഴങ്ങ്

പടവലങ്ങ

തക്കാളി

പച്ചമുളക്

വാളൻപുളി: നാരങ്ങ വലുപ്പത്തിൽ

സാമ്പാർ പൊടി: 2-3 ടേബിൾ സ്പൂൺ

മഞ്ഞൾപ്പൊടി: 1/2 ടീസ്പൂൺ

കായം: ഒരു ചെറിയ കഷ്ണം അല്ലെങ്കിൽ 1/2 ടീസ്പൂൺ പൊടി

ഉപ്പ്: പാകത്തിന്

കടുക് താളിക്കാൻ: വെളിച്ചെണ്ണ, കടുക്, വറ്റൽ മുളക്, ചെറിയ ഉള്ളി, കറിവേപ്പില

തയ്യാറാക്കുന്ന വിധം

ആദ്യമായി തുവരപ്പരിപ്പ് ആവശ്യത്തിന് മഞ്ഞൾപ്പൊടിയും വെള്ളവും ചേർത്ത് പ്രഷർ കുക്കറിൽ നന്നായി വേവിച്ചെടുക്കുക. പരിപ്പ് വെന്തുകഴിഞ്ഞാൽ അതിലേക്ക് അരിഞ്ഞുവെച്ചിരിക്കുന്ന പച്ചക്കറികളും ആവശ്യത്തിന് ഉപ്പും വെള്ളവും ചേർത്ത് വീണ്ടും വേവിക്കുക. പച്ചക്കറികൾ പാകത്തിന് വെന്തുകഴിഞ്ഞാൽ തയ്യാറാക്കി വെച്ചിരിക്കുന്ന പുളിവെള്ളം ഇതിലേക്ക് ഒഴിക്കുക. പുളിയുടെ പച്ചമണം മാറുമ്പോൾ സാമ്പാർ പൊടിയും കായവും ചേർത്ത് നന്നായി ഇളക്കി അല്പനേരം കൂടി തിളപ്പിക്കുക. സാമ്പാർ പാകത്തിന് കുറുകി വരുമ്പോൾ തീ അണയ്ക്കാം. മറ്റൊരു പാനിൽ വെളിച്ചെണ്ണ ചൂടാക്കി കടുകും വറ്റൽമുളകും കറിവേപ്പിലയും ചെറിയ ഉള്ളിയും ചേർത്ത് മൂപ്പിച്ച് സാമ്പാറിലേക്ക് ഒഴിക്കുക. സ്വാദിഷ്ടമായ നാടൻ സാമ്പാർ തയ്യാർ!

### Related Links & Sources
- [Original Story Source](https://truevisionnews.com/news/345237/the-smell-of-sambar-will-fill-the-whole-house-delicious-sambar-recipe)