---
title: "ഐഫോൺ 17 പ്രോമാക്സ് വില കുത്തനെ ഇടിഞ്ഞു! ആപ്പിൾ പ്രേമികളെ ഞെട്ടിച്ചുകൊണ്ട് വമ്പൻ ഓഫർ പ്രഖ്യാപനം"
english_title: "iPhone 17 Pro Max price drops sharply"
publisher: "truevisionnews.com"
canonical_url: "https://truevisionnews.com/news/345174/iphone-17-pro-max-price-drops-sharply"
published_at: "2026-03-02T16:11:00+05:30"
category: "Tech-Info"
language: "ml"
image: "https://cf.zdn.im/img/truevisionnews.com/0/image-uploads/69a569b29b4f8_21.jpg"
keywords: []
---

# ഐഫോൺ 17 പ്രോമാക്സ് വില കുത്തനെ ഇടിഞ്ഞു! ആപ്പിൾ പ്രേമികളെ ഞെട്ടിച്ചുകൊണ്ട് വമ്പൻ ഓഫർ പ്രഖ്യാപനം

> **Lead Summary:** **[** ആപ്പിളിന്റെ ഏറ്റവും പുതിയ ഫ്ലാഗ്ഷിപ്പ് കരുത്തൻ ഐഫോൺ 17 പ്രോ മാക്‌സ് സ്വന്തമാക്കാൻ ആഗ്രഹിക്കുന്നവർക്ക് സുവർണ്ണാവസരം. പ്രമുഖ റീട്ടെയിൽ ശൃംഖലയായ വിജയ് സെയിൽസ് ആകർഷകമായ വിലക്കുറവാണ് ഈ പ്രീമിയം സ്മാർട്ട്ഫോണിന് പ്രഖ്യാപിച്ചിരിക്കുന്നത്.

## Article Content

**[** ആപ്പിളിന്റെ ഏറ്റവും പുതിയ ഫ്ലാഗ്ഷിപ്പ് കരുത്തൻ ഐഫോൺ 17 പ്രോ മാക്‌സ് സ്വന്തമാക്കാൻ ആഗ്രഹിക്കുന്നവർക്ക് സുവർണ്ണാവസരം. പ്രമുഖ റീട്ടെയിൽ ശൃംഖലയായ വിജയ് സെയിൽസ് ആകർഷകമായ വിലക്കുറവാണ് ഈ പ്രീമിയം സ്മാർട്ട്ഫോണിന് പ്രഖ്യാപിച്ചിരിക്കുന്നത്.

1,49,900 രൂപയ്ക്ക് വിപണിയിലെത്തിയ ഫോൺ ഇപ്പോൾ 1,47,900 രൂപയ്ക്ക് വെബ്‌സൈറ്റിൽ ലിസ്റ്റ് ചെയ്തിട്ടുണ്ട്. ഇതിനുപുറമെ ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിക്കുന്നവർക്ക് 5,000 രൂപയുടെ ഇൻസ്റ്റന്റ് ഡിസ്‌കൗണ്ട് കൂടി ലഭിക്കുന്നതോടെ ആകെ 7,000 രൂപയുടെ ലാഭത്തിൽ ഫോൺ കൈക്കലാക്കാം.

സാങ്കേതിക മികവിൽ വിട്ടുവീഴ്ചയില്ലാത്ത ഫീച്ചറുകളുമായാണ് ഐഫോൺ 17 പ്രോ മാക്‌സ് എത്തുന്നത്. 6.9 ഇഞ്ച് പ്രൊമോഷൻ ഡിസ്‌പ്ലേ, 120 ഹെർട്‌സ് റിഫ്രഷ് റേറ്റ്, ആന്റി-റിഫ്ലക്റ്റീവ് കോട്ടിംഗ് എന്നിവ മികച്ച ദൃശ്യാനുഭവം ഉറപ്പാക്കുന്നു.

ആപ്പിളിന്റെ ഏറ്റവും പുതിയ എ19 പ്രോ ചിപ്‌സെറ്റ് നൽകുന്ന കരുത്തിൽ പ്രവർത്തിക്കുന്ന ഫോണിൽ തടസ്സമില്ലാത്ത പെർഫോമൻസും മികച്ച ഗെയിമിംഗ് അനുഭവവും സാധ്യമാണ്. 48എംപി മെയിൻ സെൻസർ, 48എംപി അൾട്രാവൈഡ്, 48എംപി ടെലിഫോട്ടോ ലെൻസ് എന്നിവയടങ്ങുന്ന ട്രിപ്പിൾ ക്യാമറ സജ്ജീകരണമാണ് ഇതിന്റെ മറ്റൊരു പ്രത്യേകത. സെൽഫികൾക്കായി 18എംപി ഫ്രണ്ട് ക്യാമറയും നൽകിയിട്ടുണ്ട്.

കൂടുതൽ ദൃഢതയ്ക്കായി സെറാമിക് ഷീൽഡ് 2 സംരക്ഷണവും താപനില നിയന്ത്രിക്കാൻ വേപ്പർ ചേംബർ കൂളിംഗ് സിസ്റ്റവും ഫോണിലുണ്ട്. ഏറ്റവും പുതിയ ഐഒഎസ് 26 (iOS 26) ലാണ് ഫോൺ പ്രവർത്തിക്കുന്നത്.

ഒറ്റ ചാർജിൽ 39 മണിക്കൂർ വരെ വീഡിയോ പ്ലേബാക്ക് ലഭിക്കുമെന്നത് ബാറ്ററി കരുത്തിന്റെ തെളിവാണ്. എക്സ്ചേഞ്ച് ഓഫറുകളും നോ-കോസ്റ്റ് ഇഎംഐ സൗകര്യങ്ങളും ലഭ്യമായതിനാൽ ഐഫോൺ പ്രേമികൾക്ക് ഈ ഓഫർ കാലയളവ് പ്രയോജനപ്പെടുത്താവുന്നതാണ്.

### Related Links & Sources
- [Original Story Source](https://truevisionnews.com/news/345174/iphone-17-pro-max-price-drops-sharply)