---
title: " കയ്പ്പാണെങ്കിലും ഗുണത്തിൽ 'പുലി'; പപ്പായ വിത്ത് ഇനി വെറുതെ കളയല്ലേ, ആരോഗ്യഗുണങ്ങൾ അമ്പരപ്പിക്കും!"
english_title: "Even though it's bitter, it's a 'tiger' in terms of benefits; Don't throw away papaya seeds, their health benefits will surprise you!"
publisher: "truevisionnews.com"
canonical_url: "https://truevisionnews.com/news/344824/even-though-its-bitter-its-a-tiger-in-terms-of-benefits-dont-throw-away-papaya-seeds-their-health-benefits-will-surprise-you"
published_at: "2026-02-28T16:07:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/69a2c5ebc233d_Dont_throw_away_papaya_seeds,_their_health_benefits_will_surprise_you.jpg"
keywords: []
---

#  കയ്പ്പാണെങ്കിലും ഗുണത്തിൽ 'പുലി'; പപ്പായ വിത്ത് ഇനി വെറുതെ കളയല്ലേ, ആരോഗ്യഗുണങ്ങൾ അമ്പരപ്പിക്കും!

> **Lead Summary:** **[** പപ്പായ കഴിക്കുമ്പോൾ അതിന്റെ തൊലിക്കൊപ്പം കറുത്ത വിത്തുകളും ദൂരേക്ക് എറിയാറാണ് നമ്മുടെ പതിവ്. അബദ്ധത്തിൽ ഒന്ന് കടിച്ചുപോയാൽ അനുഭവപ്പെടുന്ന കടുത്ത ചവർപ്പും കൈപ്പുമാണ് ഇതിന് പ്രധാന കാരണം. എന്നാൽ, നാം നിസ്സാരമെന്നു കരുതി ഉപേക്ഷിക്കുന്ന ഈ കുഞ്ഞൻ വിത്തുകൾ പോഷകങ്ങളുടെയും ഔഷധഗുണങ്ങളുടെയും കലവറയാണെന്ന് പഠനങ്ങൾ തെളിയിക്കുന്നു.

## Article Content

**[** പപ്പായ കഴിക്കുമ്പോൾ അതിന്റെ തൊലിക്കൊപ്പം കറുത്ത വിത്തുകളും ദൂരേക്ക് എറിയാറാണ് നമ്മുടെ പതിവ്. അബദ്ധത്തിൽ ഒന്ന് കടിച്ചുപോയാൽ അനുഭവപ്പെടുന്ന കടുത്ത ചവർപ്പും കൈപ്പുമാണ് ഇതിന് പ്രധാന കാരണം. എന്നാൽ, നാം നിസ്സാരമെന്നു കരുതി ഉപേക്ഷിക്കുന്ന ഈ കുഞ്ഞൻ വിത്തുകൾ പോഷകങ്ങളുടെയും ഔഷധഗുണങ്ങളുടെയും കലവറയാണെന്ന് പഠനങ്ങൾ തെളിയിക്കുന്നു.

2017-ൽ 'ജേണൽ ഓഫ് ഫാർമകോഗ്നസി ആൻഡ് ഫൈറ്റോകെമിസ്ട്രി'യിൽ പ്രസിദ്ധീകരിച്ച പഠനമനുസരിച്ച് പപ്പായ വിത്തുകൾക്ക് അത്ഭുതകരമായ ആരോഗ്യ **ഗുണങ്ങളുണ്ട്. പപ്പായ വിത്തുകൾ നൽകുന്ന പ്രധാനപ്പെട്ട ഏഴ് ആരോഗ്യ ഗുണങ്ങൾ താഴെ പറയുന്നവയാണ്.**

**പപ്പായ വിത്തിന്റെ പ്രധാന ആരോഗ്യഗുണങ്ങൾ ഇവയാണ്:**

ബാക്ടീരിയകളെ നശിപ്പിക്കുന്നു: ഇതിലടങ്ങിയിരിക്കുന്ന 'ബെൻസൈൽ ഐസോതിയോസയനേറ്റ്' എന്ന സംയുക്തം ഇ.കോളി, സാൽമണെല്ല തുടങ്ങിയ ഹാനികരമായ ബാക്ടീരിയകളെ നശിപ്പിക്കാൻ സഹായിക്കുന്നു.

പരാന്നഭോജികൾക്കെതിരെ: ഉണക്കിയ പപ്പായ വിത്തുകൾ തേനിൽ ചാലിച്ചു കഴിക്കുന്നത് കുടലിലെ വിരകളെയും മറ്റ് പരാന്നജീവികളെയും തുരത്താൻ ഫലപ്രദമാണ്.

ആന്റിഓക്‌സിഡന്റ് സമ്പന്നം: വൈറ്റമിൻ സിയേക്കാൾ മികച്ച രീതിയിൽ പ്രവർത്തിക്കുന്ന ആന്റിഓക്‌സിഡന്റ് ഗുണങ്ങൾ പപ്പായ വിത്തിനുണ്ടെന്ന് ചില പഠനങ്ങൾ ചൂണ്ടിക്കാട്ടുന്നു.

ദഹനവും അൾസറും: പ്രോട്ടീനെ വിഘടിപ്പിക്കാൻ സഹായിക്കുന്ന 'പപ്പൈൻ' എന്ന എൻസൈം ഇതിൽ അടങ്ങിയിട്ടുണ്ട്. ഇത് ദഹനാരോഗ്യം മെച്ചപ്പെടുത്താനും അൾസറിനെതിരെ പോരാടാനും സഹായിക്കുന്നു.

കൊളസ്‌ട്രോൾ നിയന്ത്രണം: കൊളസ്‌ട്രോൾ, രക്തത്തിലെ പഞ്ചസാരയുടെ അളവ് എന്നിവ കുറയ്ക്കാൻ പപ്പായ വിത്തിന് സാധിക്കുമെന്ന് മൃഗങ്ങളിൽ നടത്തിയ പഠനങ്ങൾ തെളിയിക്കുന്നു.

### Related Links & Sources
- [Original Story Source](https://truevisionnews.com/news/344824/even-though-its-bitter-its-a-tiger-in-terms-of-benefits-dont-throw-away-papaya-seeds-their-health-benefits-will-surprise-you)