---
title: "ഡയറ്റിലാണോ? എങ്കിൽ ധൈര്യമായി കഴിക്കാം ഈ റാഗി-മധുരക്കിഴങ്ങ് കുക്കീസ്!"
english_title: "Ragi-Sweet Potato Cookies"
publisher: "truevisionnews.com"
canonical_url: "https://truevisionnews.com/news/344580/ragi-sweet-potato-cookies"
published_at: "2026-02-27T14:03:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69a1580abe171_Ragi-Sweet_Potato_Cookies.jpg"
keywords: []
---

# ഡയറ്റിലാണോ? എങ്കിൽ ധൈര്യമായി കഴിക്കാം ഈ റാഗി-മധുരക്കിഴങ്ങ് കുക്കീസ്!

> **Lead Summary:** കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്നതും പോഷകഗുണങ്ങളേറിയതുമായ ഒരു വിഭവമാണ് മധുരക്കിഴങ്ങ്-റാഗി കുക്കീസ്. ഇത് തയ്യാറാക്കുന്ന വിധം താഴെ പറയുന്ന ഘട്ടങ്ങളിലൂടെ ലളിതമായി മനസ്സിലാക്കാം:

## Article Content

കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്നതും പോഷകഗുണങ്ങളേറിയതുമായ ഒരു വിഭവമാണ് മധുരക്കിഴങ്ങ്-റാഗി കുക്കീസ്. ഇത് തയ്യാറാക്കുന്ന വിധം താഴെ പറയുന്ന ഘട്ടങ്ങളിലൂടെ ലളിതമായി മനസ്സിലാക്കാം:

**ആവശ്യമായ ചേരുവകൾ:**

മധുരക്കിഴങ്ങ് (വേവിച്ചത്) - 250 ഗ്രാം

അരിപ്പൊടി - 1 ടേബിൾസ്പൂൺ

റാഗിപ്പൊടി - 1 ടേബിൾസ്പൂൺ

ചിരകിയ തേങ്ങ - ആവശ്യത്തിന്

ശർക്കര (പൊടിച്ചത്) - ആവശ്യത്തിന്

ഏലയ്ക്ക പൊടി, നെയ്യ്, ഉപ്പ് - ആവശ്യത്തിന്

കശുവണ്ടി - അലങ്കരിക്കാൻ

**തയ്യാറാക്കുന്ന വിധം:**

നന്നായി വേവിച്ച മധുരക്കിഴങ്ങ് തൊലി കളഞ്ഞ ശേഷം ഗ്രേറ്റ് ചെയ്തെടുക്കുക. ഇതിലേക്ക് ആവശ്യത്തിന് അരിപ്പൊടിയും റാഗിപ്പൊടിയും ചേർത്ത് നന്നായി കുഴച്ച് മാറ്റിവെക്കുക.

ഒരു പാനിൽ ചിരകിയ തേങ്ങ, ശർക്കര പാനി, ഏലയ്ക്ക പൊടി, അല്പം നെയ്യ് എന്നിവ ചേർത്ത് നന്നായി വഴറ്റുക. ഇതിലേക്ക് നേരത്തെ തയ്യാറാക്കിയ മധുരക്കിഴങ്ങ് മിശ്രിതം കൂടി ചേർത്ത് യോജിപ്പിച്ച ശേഷം ചെറിയ ഉരുളകളാക്കി മാറ്റുക.

റാഗി മാവ് ചെറിയ വട്ടത്തിൽ പരത്തി, അതിനുള്ളിൽ തയ്യാറാക്കി വെച്ച കൂട്ട് (ഫില്ലിംഗ്) വെച്ച് പൊതിഞ്ഞ് ഉരുട്ടിയെടുക്കുക. ഭംഗിക്കായി ഓരോ ഉരുളയുടെയും മുകളിൽ ഒരു കശുവണ്ടി അമർത്തി വെക്കാവുന്നതാണ്.

അടി കട്ടിയുള്ള ഒരു പാത്രത്തിൽ എണ്ണ ചൂടാക്കുക. എണ്ണ ചൂടായിക്കഴിഞ്ഞാൽ തീ കുറച്ചു വെച്ച് കുക്കീസുകൾ തിരിച്ചും മറിച്ചും ഇട്ട് പാകത്തിന് വറുത്തെടുക്കുക. നല്ല ക്രിസ്പിയായതും ആരോഗ്യപ്രദവുമായ കുക്കീസ് റെഡി!

### Related Links & Sources
- [Original Story Source](https://truevisionnews.com/news/344580/ragi-sweet-potato-cookies)