---
title: "പ്ലേറ്റ് കാലിയാകാൻ നിമിഷങ്ങൾ മതി; കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ട ഗോപി പക്കോഡ"
english_title: "Gopi Pakoda is a favorite among children and adults alike."
publisher: "truevisionnews.com"
canonical_url: "https://truevisionnews.com/news/344252/gopi-pakoda-is-a-favorite-among-children-and-adults-alike"
published_at: "2026-02-25T22:36:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/699f2c4fc9f03_20.jpg"
keywords: []
---

# പ്ലേറ്റ് കാലിയാകാൻ നിമിഷങ്ങൾ മതി; കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ട ഗോപി പക്കോഡ

> **Lead Summary:** **നാ**ലുമണി ചായയ്ക്കൊപ്പം കഴിക്കാൻ പക്കോഡകളെക്കാൾ മികച്ച മറ്റൊരു വിഭവം ഉണ്ടാവില്ല. പച്ചക്കറികൾ കൊണ്ട് തയ്യാറാക്കുന്ന വൈവിധ്യമാർന്ന പലഹാരങ്ങളിൽ ഏറ്റവും പ്രിയപ്പെട്ടതാണ് കോളിഫ്ലവർ അഥവാ ഗോപി പക്കോഡ. പുറംഭാഗം നല്ലവണ്ണം മൊരിഞ്ഞും ഉള്ളിൽ മൃദുവായുമിരിക്കുന്ന ഈ വിഭവം കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടും. പെട്ടെന്ന് തയ്യാറാക്കാൻ സാധിക്കുന്നതും ലളിതമായ ചേരുവകൾ മാത്രം ആവശ്യമുള്ളതുമായ ഈ വിഭവം മഴക്കാല വൈകുന്നേരങ്ങളിൽ ചായയുടെ മധുരത്തിനൊപ്പം മികച്ചൊരു കൂട്ടാണ്.

## Article Content

**നാ**ലുമണി ചായയ്ക്കൊപ്പം കഴിക്കാൻ പക്കോഡകളെക്കാൾ മികച്ച മറ്റൊരു വിഭവം ഉണ്ടാവില്ല. പച്ചക്കറികൾ കൊണ്ട് തയ്യാറാക്കുന്ന വൈവിധ്യമാർന്ന പലഹാരങ്ങളിൽ ഏറ്റവും പ്രിയപ്പെട്ടതാണ് കോളിഫ്ലവർ അഥവാ ഗോപി പക്കോഡ. പുറംഭാഗം നല്ലവണ്ണം മൊരിഞ്ഞും ഉള്ളിൽ മൃദുവായുമിരിക്കുന്ന ഈ വിഭവം കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടും. പെട്ടെന്ന് തയ്യാറാക്കാൻ സാധിക്കുന്നതും ലളിതമായ ചേരുവകൾ മാത്രം ആവശ്യമുള്ളതുമായ ഈ വിഭവം മഴക്കാല വൈകുന്നേരങ്ങളിൽ ചായയുടെ മധുരത്തിനൊപ്പം മികച്ചൊരു കൂട്ടാണ്.

**ചേരുവകൾ**

കോളിഫ്ലവർ

കടലമാവ്: 1 കപ്പ്

അരിപ്പൊടി: ¼ കപ്പ്

ഇഞ്ചി-വെളുത്തുള്ളി പേസ്റ്റ്

മുളകുപൊടി

മഞ്ഞൾപ്പൊടി

കായം

ഗരം മസാല.

ഉപ്പ

കറിവേപ്പില

പച്ചമുളക്

എണ്ണ

**തയ്യാറാക്കുന്ന വിധം**

ആദ്യമായി കോളിഫ്ലവർ കഷ്ണങ്ങൾ ഉപ്പിട്ട തിളച്ച വെള്ളത്തിൽ 5 മിനിറ്റ് മുക്കിവെച്ച് വൃത്തിയാക്കി വെള്ളം തോരാൻ വെക്കുക. ഒരു പാത്രത്തിൽ കടലമാവ്, അരിപ്പൊടി, മുളകുപൊടി, മഞ്ഞൾപ്പൊടി, ഗരം മസാല, ഇഞ്ചി-വെളുത്തുള്ളി പേസ്റ്റ്, ആവശ്യത്തിന് ഉപ്പ്, കറിവേപ്പില എന്നിവ ചേർത്ത് കുറച്ച് വെള്ളം ഒഴിച്ച് കട്ടിയുള്ള മിശ്രിതം തയ്യാറാക്കുക. ഇതിലേക്ക് കോളിഫ്ലവർ കഷ്ണങ്ങൾ ചേർത്ത് നന്നായി ഇളക്കി യോജിപ്പിക്കുക (മാവ് കഷ്ണങ്ങളിൽ നന്നായി പിടിക്കണം). ശേഷം ഒരു ചീനച്ചട്ടിയിൽ എണ്ണ ചൂടാക്കി, ഓരോ കഷ്ണങ്ങളായി ഇട്ട് ഗോൾഡൻ ബ്രൗൺ നിറമാകുന്നത് വരെ വറുത്തെടുക്കുക. ചൂടോടെ ചായയ്ക്കൊപ്പം കഴിക്കാൻ മികച്ചൊരു വിഭവമാണിത്.

### Related Links & Sources
- [Original Story Source](https://truevisionnews.com/news/344252/gopi-pakoda-is-a-favorite-among-children-and-adults-alike)