---
title: "ആഗോള എഐ ഉച്ചകോടി ഇന്ത്യയുടെ കരുത്ത് ലോകത്തിന് കാട്ടിക്കൊടുത്തു - പ്രധാനമന്ത്രി"
english_title: "Global AI Summit showed India's strength to the world: PM"
publisher: "truevisionnews.com"
canonical_url: "https://truevisionnews.com/news/343550/global-ai-summit-showed-indias-strength-to-the-world-pm-new"
published_at: "2026-02-22T15:39:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/699ad64fab65f_22.jpg"
keywords: []
---

# ആഗോള എഐ ഉച്ചകോടി ഇന്ത്യയുടെ കരുത്ത് ലോകത്തിന് കാട്ടിക്കൊടുത്തു - പ്രധാനമന്ത്രി

> **Lead Summary:** ഡൽഹിയിൽ നടന്ന ആഗോള നിർമ്മിതബുദ്ധി ഉച്ചകോടി സാങ്കേതിക രംഗത്തെ ഇന്ത്യയുടെ അപാരമായ ശേഷി ലോകത്തിന് മുന്നിൽ തെളിയിച്ചതായി പ്രധാനമന്ത്രി നരേന്ദ്ര മോദി. 'മൻ കി ബാത്ത്' പ്രസംഗത്തിലാണ് ഉച്ചകോടിയുടെ വിജയത്തെക്കുറിച്ച് അദ്ദേഹം സംസാരിച്ചത്.

## Article Content

ഡൽഹിയിൽ നടന്ന ആഗോള നിർമ്മിതബുദ്ധി ഉച്ചകോടി സാങ്കേതിക രംഗത്തെ ഇന്ത്യയുടെ അപാരമായ ശേഷി ലോകത്തിന് മുന്നിൽ തെളിയിച്ചതായി പ്രധാനമന്ത്രി നരേന്ദ്ര മോദി. 'മൻ കി ബാത്ത്' പ്രസംഗത്തിലാണ് ഉച്ചകോടിയുടെ വിജയത്തെക്കുറിച്ച് അദ്ദേഹം സംസാരിച്ചത്.

ലോകത്തെ പ്രമുഖ സാങ്കേതിക വിദഗ്ധരെയും സംരംഭകരെയും ഭരണാധികാരികളെയും ഒരേ വേദിയിൽ കൊണ്ടുവരാൻ ഇന്ത്യക്ക് സാധിച്ചു. ഭാവിയിൽ ലോകം എങ്ങനെ ആർട്ടിഫിഷ്യൽ ഇന്റലിജൻസ് ഉപയോഗിക്കണം എന്നതിൽ ഈ ഉച്ചകോടി ഒരു വഴിത്തിരിവാകുമെന്നും അദ്ദേഹം പറഞ്ഞു.

കന്നുകാലികളുടെ ആരോഗ്യപരിപാലനത്തിലും ക്ഷീരകർഷകരെ സഹായിക്കുന്നതിലും എഐ കൊണ്ടുവന്ന വിപ്ലവകരമായ മാറ്റങ്ങളെ മോദി പ്രത്യേകം അഭിനന്ദിച്ചു.

കൂടാതെ, നമ്മുടെ പുരാതന ഗ്രന്ഥങ്ങളും സാംസ്‌കാരിക പൈതൃകവും ആധുനിക സാങ്കേതികവിദ്യ ഉപയോഗിച്ച് എങ്ങനെ സംരക്ഷിക്കാമെന്ന് കാണിച്ചുകൊടുത്ത പ്രൊജക്റ്റുകൾ ആഗോള നേതാക്കളെ അത്ഭുതപ്പെടുത്തിയതായും അദ്ദേഹം കൂട്ടിച്ചേർത്തു.

പരമ്പരാഗത ജ്ഞാനത്തെ പുതുതലമുറയ്ക്ക് കൈമാറാൻ എഐയെ ഫലപ്രദമായി ഉപയോഗിക്കാനാകുമെന്നത് ഇന്ത്യയുടെ നേട്ടമാണെന്ന് പ്രധാനമന്ത്രി വ്യക്തമാക്കി.

### Related Links & Sources
- [Original Story Source](https://truevisionnews.com/news/343550/global-ai-summit-showed-indias-strength-to-the-world-pm-new)