---
title: "ഉറക്കത്തിനിടെ മരണം മുന്നിൽ കണ്ട നിമിഷം; കൊല്ലം പുനലൂരിൽ വീട് ഇടിഞ്ഞു വീണ് 12-കാരന് പരിക്ക്"
english_title: "A 12-year-old boy was injured after a house collapsed in Kottavattom, Punalur."
publisher: "truevisionnews.com"
canonical_url: "https://truevisionnews.com/news/343541/a-12-year-old-boy-was-injured-after-a-house-collapsed-in-kottavattom-punalur"
published_at: "2026-02-22T15:00:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/699accf3c2a69_house.jpg"
keywords: []
---

# ഉറക്കത്തിനിടെ മരണം മുന്നിൽ കണ്ട നിമിഷം; കൊല്ലം പുനലൂരിൽ വീട് ഇടിഞ്ഞു വീണ് 12-കാരന് പരിക്ക്

> **Lead Summary:** **കൊല്ലം: ** പുനലൂർ കോട്ടവട്ടത്ത് വീട് ഇടിഞ്ഞു വീണ് 12 വയസുകാരന് പരിക്ക്. കോട്ടവട്ടം സ്വദേശി വിനോദിന്‍റെ വീടിന്‍റെ മേൽക്കൂരയടക്കമാണ് നിലംപതിച്ചത്. ഇന്ന് പുലർച്ചെ മൂന്ന് മണിയോടെയാണ് സംഭവം.

## Article Content

**കൊല്ലം: ** പുനലൂർ കോട്ടവട്ടത്ത് വീട് ഇടിഞ്ഞു വീണ് 12 വയസുകാരന് പരിക്ക്. കോട്ടവട്ടം സ്വദേശി വിനോദിന്‍റെ വീടിന്‍റെ മേൽക്കൂരയടക്കമാണ് നിലംപതിച്ചത്. ഇന്ന് പുലർച്ചെ മൂന്ന് മണിയോടെയാണ് സംഭവം.

വിനോദും ഭാര്യയും രണ്ട് മക്കളും വീട്ടിനുള്ളിൽ ഉറങ്ങി കിടന്ന സമയത്തായിരുന്നു അപകടം. സംഭവ സമയത്ത് പ്രദേശത്ത് മഴയുണ്ടായിരുന്നു. കാലപ്പഴക്കം കാരണം ചോർച്ചയുണ്ടായ വീടിന്‍റെ മേൽക്കൂരയിൽ ടാർപ്പോളിൽ കെട്ടിയിരുന്നു.

മൺകട്ട ഉപയോഗിച്ച് കെട്ടിയ വീടിന്‍റെ ചുമരുകളും വിണ്ടു കീറിയ നിലയിലായിരുന്നു. വീടിന്‍റെ ഒരു ഭാഗം പൂര്‍ണമായും തകര്‍ന്നു. പരിക്കേറ്റ 12വയസുകാരനെ ആശുപത്രിയിൽ പ്രവേശിപ്പിച്ചു.

### Related Links & Sources
- [Original Story Source](https://truevisionnews.com/news/343541/a-12-year-old-boy-was-injured-after-a-house-collapsed-in-kottavattom-punalur)