---
title: " ധൈര്യം അപാരം.... സൗദിയിൽ നിന്ന്  അടിച്ചെടുത്തത് അഞ്ച് കോടി....! സൗദിയിലെ വൻ കവർച്ചാ കേസിലെ പ്രതി  കൊയിലാണ്ടിയിൽ പിടിയിൽ "
english_title: "Robbery in SaudiArabia, suspect arrested from Koyilandy"
publisher: "truevisionnews.com"
canonical_url: "https://truevisionnews.com/news/343502/robbery-in-saudiarabia-suspect-arrested-from-koyilandy-new"
published_at: "2026-02-22T12:20:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/699aa7db8ea78_arrest.jpg"
keywords: []
---

#  ധൈര്യം അപാരം.... സൗദിയിൽ നിന്ന്  അടിച്ചെടുത്തത് അഞ്ച് കോടി....! സൗദിയിലെ വൻ കവർച്ചാ കേസിലെ പ്രതി  കൊയിലാണ്ടിയിൽ പിടിയിൽ 

> **Lead Summary:** **കൊയിലാണ്ടി: ** സൗദി അറേബ്യയിലെ മലപ്പുറം സ്വദേശികളുടെ ജൂവലറിയിൽ നിന്നും അഞ്ച് കോടി രൂപയുടെ സ്വർണം കവർന്ന കേസിലെ പ്രതിയെ കോഴിക്കോട് കൊയിലാണ്ടിയിൽ നിന്നും പൊലീസ് പിടികൂടി.

## Article Content

**കൊയിലാണ്ടി: ** സൗദി അറേബ്യയിലെ മലപ്പുറം സ്വദേശികളുടെ ജൂവലറിയിൽ നിന്നും അഞ്ച് കോടി രൂപയുടെ സ്വർണം കവർന്ന കേസിലെ പ്രതിയെ കോഴിക്കോട് കൊയിലാണ്ടിയിൽ നിന്നും പൊലീസ് പിടികൂടി.

 കാപ്പാട് കണ്ണങ്കടവ് പരീക്കണ്ടി പറമ്പിൽ സൽമാൻ ഫാരിസെന്ന യുവാവാണ് അറസ്റ്റിലായത്. ജൂവലറിയിൽ നിന്നും അഞ്ചു കോടി രൂപയുടെ സ്വർണം മൂന്ന് ജീവനക്കാർ ചേർന്ന് മോഷ്ടിച്ചെന്നാണ് കേസ്.

കഴിഞ്ഞ വർഷം ഓഗസ്റ്റ് 10നാണ് കേസിനാസ്പദമായ സംഭവം. പ്രതിയെ കോടതി റിമാൻഡ് ചെയ്തു. മറ്റ് രണ്ട് പ്രതികൾക്കായുള്ള അന്വേഷണം ഊർജ്ജിതമാക്കിയിട്ടുണ്ട്. പൊലീസ് ഇൻസ്‌പെക്ടർ സുമിത് കുമാർ, എസ് ഐ ഗിരീഷ്, സിപിഒമാരായ പ്രവീൺ കുമാർ, കരീം, ബൈജു എന്നിവരടങ്ങിയ സംഘമാണ് പ്രതിയെ പിടികൂടിയത്.

### Related Links & Sources
- [Original Story Source](https://truevisionnews.com/news/343502/robbery-in-saudiarabia-suspect-arrested-from-koyilandy-new)