---
title: "ഇറാനെതിരെ സൈനിക നടപടിക്ക് അമേരിക്ക; ഈ ആഴ്ച ആക്രമണമുണ്ടായേക്കുമെന്ന് സൂചന"
english_title: "US considering military action against Iran; hints that attack could happen this week"
publisher: "truevisionnews.com"
canonical_url: "https://truevisionnews.com/news/342994/us-considering-military-action-against-iran-hints-that-attack-could-happen-this-week"
published_at: "2026-02-19T21:58:00+05:30"
category: "International"
language: "ml"
image: "https://cf.zdn.im/img/truevisionnews.com/0/image-uploads/69973a950547a_18.jpg"
keywords: []
---

# ഇറാനെതിരെ സൈനിക നടപടിക്ക് അമേരിക്ക; ഈ ആഴ്ച ആക്രമണമുണ്ടായേക്കുമെന്ന് സൂചന

> **Lead Summary:** **പ**ശ്ചിമേഷ്യൻ മേഖലയിൽ അമേരിക്ക തങ്ങളുടെ സൈനിക സാന്നിധ്യം വർദ്ധിപ്പിച്ചു. ഇറാനെതിരായ നീക്കങ്ങൾക്കായി ഇന്ത്യൻ മഹാസമുദ്രത്തിലെ തന്ത്രപ്രധാനമായ ഡിഗോ ഗാർഷ്യ സൈനികത്താവളം അമേരിക്ക ഉപയോഗപ്പെടുത്തിയേക്കുമെന്ന് റിപ്പോർട്ടുകളുണ്ട്.

## Article Content

**പ**ശ്ചിമേഷ്യൻ മേഖലയിൽ അമേരിക്ക തങ്ങളുടെ സൈനിക സാന്നിധ്യം വർദ്ധിപ്പിച്ചു. ഇറാനെതിരായ നീക്കങ്ങൾക്കായി ഇന്ത്യൻ മഹാസമുദ്രത്തിലെ തന്ത്രപ്രധാനമായ ഡിഗോ ഗാർഷ്യ സൈനികത്താവളം അമേരിക്ക ഉപയോഗപ്പെടുത്തിയേക്കുമെന്ന് റിപ്പോർട്ടുകളുണ്ട്.

അമേരിക്കയുടെ ഈ പുതിയ സൈനിക നീക്കങ്ങൾ മേഖലയിൽ വലിയ പ്രത്യാഘാതങ്ങൾ ഉണ്ടാക്കുമെന്ന് റഷ്യൻ വിദേശകാര്യ മന്ത്രി സെർജി ലാവ്‌റോവ് മുന്നറിയിപ്പ് നൽകി.

ജനീവയിൽ ഇരുരാജ്യങ്ങളും തമ്മിൽ പരോക്ഷ ചർച്ചകൾ നടന്നതിന് പിന്നാലെയാണ് ലാവ്‌റോവിന്റെ ഈ നിർണ്ണായക ഇടപെടൽ. ഇറാനിലെ ആണവ കേന്ദ്രങ്ങൾക്ക് നേരെ മുൻപ് നടന്ന ആക്രമണങ്ങൾ അന്താരാഷ്ട്ര ആണവോർജ്ജ ഏജൻസിയുടെ നിരീക്ഷണത്തിലുള്ള മേഖലകളെ ബാധിച്ചിരുന്നുവെന്നും, ഇത് ഒരു ആണവ ദുരന്തത്തിന് വഴിവെച്ചേക്കാമെന്നും അദ്ദേഹം ചൂണ്ടിക്കാട്ടി.

ഇറാനുമായി പല വിഷയങ്ങളിലും കടുത്ത ഭിന്നിപ്പ് തുടരുകയാണെന്ന് വൈറ്റ് ഹൗസ് വക്താവ് കരോലിൻ ലെവിറ്റ് വ്യക്തമാക്കി. ഇതിനിടെ, ഫെബ്രുവരി 28-ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവും അമേരിക്കൻ സ്റ്റേറ്റ് സെക്രട്ടറി മാർക്കോ റൂബിയോയും ഇറാൻ വിഷയത്തിൽ നിർണ്ണായക ചർച്ചകൾ നടത്തും.

### Related Links & Sources
- [Original Story Source](https://truevisionnews.com/news/342994/us-considering-military-action-against-iran-hints-that-attack-could-happen-this-week)