---
title: "നോമ്പ് തുറക്കാൻ ഇനി മണിക്കൂറുകൾ മാത്രം....; സ്പെഷ്യൽ 'ചിക്കൻ പോക്കറ്റ്' ഉണ്ടാക്കാൻ മറന്ന് പോകല്ലേ ...."
english_title: "Chicken pocket racipe"
publisher: "truevisionnews.com"
canonical_url: "https://truevisionnews.com/news/342892/chicken-pocket-racipe"
published_at: "2026-02-19T13:38:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6996c51d19481_fd.jpg"
keywords: []
---

# നോമ്പ് തുറക്കാൻ ഇനി മണിക്കൂറുകൾ മാത്രം....; സ്പെഷ്യൽ 'ചിക്കൻ പോക്കറ്റ്' ഉണ്ടാക്കാൻ മറന്ന് പോകല്ലേ ....

> **Lead Summary:** ** **ഇഫ്താർ വിപണിയിൽ ഇത്തവണത്തെ മിന്നും താരമാണ് ചിക്കൻ പോക്കറ്റ്. കാണാൻ ഭംഗിയുള്ളതും കഴിക്കാൻ അതിലേറെ രുചികരവുമായ ഈ വിഭവം കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ടതാണ്.

## Article Content

** **ഇഫ്താർ വിപണിയിൽ ഇത്തവണത്തെ മിന്നും താരമാണ് ചിക്കൻ പോക്കറ്റ്. കാണാൻ ഭംഗിയുള്ളതും കഴിക്കാൻ അതിലേറെ രുചികരവുമായ ഈ വിഭവം കുട്ടികൾക്കും മുതിർന്നവർക്കും ഒരുപോലെ പ്രിയപ്പെട്ടതാണ്.

എണ്ണമയമുള്ള വിഭവങ്ങൾക്കിടയിൽ പോഷകഗുണമുള്ള ചിക്കൻ മസാലകൾ പോക്കറ്റിനുള്ളിൽ ഒളിപ്പിച്ചു വെക്കുന്നത് ഈ വിഭവത്തിന്റെ പ്രത്യേകതയാണ്.**
**

**ആവശ്യമായ സാധനങ്ങൾ:**

ചിക്കൻ: 250 ഗ്രാം (ചെറിയ കഷണങ്ങളാക്കിയത്)

ബ്രെഡ് സ്ലൈസുകൾ: 10-12 എണ്ണം

സവാള: 2 എണ്ണം (പൊടിയായി അരിഞ്ഞത്)

ഇഞ്ചി-വെളുത്തുള്ളി പേസ്റ്റ്: 1 ടേബിൾസ്പൂൺ

പച്ചമുളക്: 2 എണ്ണം

മസാലകൾ: മഞ്ഞൾപ്പൊടി (1/4 ടീസ്പൂൺ), മുളകുപൊടി (1 ടീസ്പൂൺ), ഗരം മസാല (1/2 ടീസ്പൂൺ), കുരുമുളക് പൊടി (1/2 ടീസ്പൂൺ)

ബ്രെഡ് ക്രംബ്സ് & മുട്ട: ആവശ്യത്തിന് (പുറംഭാഗം പൊതിയാൻ)

ഉപ്പ്, എണ്ണ, മല്ലിയില: പാകത്തിന്

**തയ്യാറാക്കുന്ന വിധം:**

*ആദ്യം തന്നെ ഒരു പാനിൽ എണ്ണ ചൂടാക്കി സവാള, ഇഞ്ചി-വെളുത്തുള്ളി പേസ്റ്റ്, പച്ചമുളക് എന്നിവ വഴറ്റുക. ഇതിലേക്ക് ചിക്കൻ കഷണങ്ങളും മസാലപ്പൊടികളും ഉപ്പും ചേർത്ത് നന്നായി വേവിച്ചെടുക്കുക. വെള്ളം വറ്റി മസാല ഡ്രൈ ആകുമ്പോൾ മല്ലിയില ചേർത്ത് മാറ്റി വെക്കാം.*

*പിന്നീട് രണ്ട് ബ്രെഡ് സ്ലൈസുകൾ ഒന്നിനു മുകളിൽ ഒന്നായി വെച്ച് വശങ്ങൾ മുറിച്ചു മാറ്റുക. ഒരു ചപ്പാത്തി കോൽ ഉപയോഗിച്ച് ഇവ നന്നായി അമർത്തി പരത്തുക. ഒരു റൗണ്ട് കട്ടറോ ഗ്ലാസോ ഉപയോഗിച്ച് ഇവ വട്ടത്തിൽ മുറിച്ചെടുക്കുക.*

*ശേഷം മുറിച്ചെടുത്ത ബ്രെഡ് കഷണങ്ങൾ അടിച്ച മുട്ടയിൽ മുക്കിയ ശേഷം ബ്രെഡ് ക്രംബ്സിൽ പൊതിഞ്ഞെടുക്കുക. ചൂടായ എണ്ണയിലിട്ട് ഇവ വറുത്തെടുക്കുക. പൂരി പോലെ ഇവ നന്നായി വീർത്തു വരും.*

*പോക്കറ്റ് ഫില്ലിംഗ്: വറുത്തെടുത്ത ബ്രെഡ് നടുഭാഗം മുറിച്ചാൽ ഒരു 'പോക്കറ്റ്' പോലെ കിട്ടും. ഇതിനുള്ളിലേക്ക് നേരത്തെ തയ്യാറാക്കി വെച്ച ചിക്കൻ മസാല നിറയ്ക്കുക. (വേണമെങ്കിൽ അല്പം മയോണൈസോ ലെറ്റൂസോ കൂടെ വെക്കാം).*

### Related Links & Sources
- [Original Story Source](https://truevisionnews.com/news/342892/chicken-pocket-racipe)