---
title: "അഭിഷേക് ശർമ്മയുടെ ഫോമില്ലായ്മയിൽ ആശങ്ക; യുവതാരത്തിന് 'മാസ്റ്റർ ക്ലാസ്' ഉപദേശവുമായി സുനിൽ ഗവാസ്കർ!"
english_title: "Sunil Gavaskar gives advice to Abhishek Sharma"
publisher: "truevisionnews.com"
canonical_url: "https://truevisionnews.com/news/342502/sunil-gavaskar-gives-advice-to-abhishek-sharma"
published_at: "2026-02-17T16:34:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/69944b3f8fbe9_tru17.jpg"
keywords: []
---

# അഭിഷേക് ശർമ്മയുടെ ഫോമില്ലായ്മയിൽ ആശങ്ക; യുവതാരത്തിന് 'മാസ്റ്റർ ക്ലാസ്' ഉപദേശവുമായി സുനിൽ ഗവാസ്കർ!

> **Lead Summary:** **അഹമ്മദാബാദ്: [[truevisionnews.com]]** ടി20 ലോകകപ്പിലെ തുടർച്ചയായ രണ്ട് മത്സരങ്ങളിലും റണ്ണൊന്നുമെടുക്കാതെ പുറത്തായ യുവ ഓപ്പണർ അഭിഷേക് ശർമ്മയ്ക്ക് പിന്തുണയും ഉപദേശവുമായി മുൻ ഇന്ത്യൻ നായകൻ സുനിൽ ഗവാസ്കർ രംഗത്ത്.

## Article Content

**അഹമ്മദാബാദ്: [[truevisionnews.com]]** ടി20 ലോകകപ്പിലെ തുടർച്ചയായ രണ്ട് മത്സരങ്ങളിലും റണ്ണൊന്നുമെടുക്കാതെ പുറത്തായ യുവ ഓപ്പണർ അഭിഷേക് ശർമ്മയ്ക്ക് പിന്തുണയും ഉപദേശവുമായി മുൻ ഇന്ത്യൻ നായകൻ സുനിൽ ഗവാസ്കർ രംഗത്ത്.

ക്രീസിലെത്തിയാൽ ആദ്യ പന്ത് മുതൽ ആക്രമിച്ച് കളിക്കുന്ന ശൈലിക്ക് പകരം, തുടക്കത്തിൽ ഒരു സിംഗിൾ എടുത്തുകൊണ്ട് ഇന്നിംഗ്‌സ് പടുത്തുയർത്താൻ അഭിഷേക് ശ്രദ്ധിക്കണമെന്ന് അദ്ദേഹം പറഞ്ഞു.

സ്പോർട്സ് ടുഡേയ്ക്ക് നൽകിയ അഭിമുഖത്തിലാണ് ഗവാസ്കർ തന്റെ നിരീക്ഷണങ്ങൾ പങ്കുവെച്ചത്. അമേരിക്കയ്ക്കെതിരായ മത്സരത്തിൽ 'ഗോൾഡൻ ഡക്കായി' മടങ്ങിയ അഭിഷേകിന്, പാകിസ്ഥാനെതിരായ ഹൈ-വോൾട്ടേജ് പോരാട്ടത്തിലും അക്കൗണ്ട് തുറക്കാനായില്ല.

വയറിലുണ്ടായ അണുബാധയെത്തുടർന്ന് നമീബിയക്കെതിരായ മത്സരം നഷ്ടമായ താരം പാകിസ്ഥാനെതിരെ തിരിച്ചെത്തിയെങ്കിലും 4 പന്തുകൾ നേരിട്ട് വീണ്ടും പൂജ്യത്തിന് പുറത്താവുകയായിരുന്നു.

> ലോകകപ്പിലെ ആദ്യ രണ്ട് മത്സരങ്ങളിലും പൂജ്യത്തിന് പുറത്താകുന്ന ആദ്യ ഇന്ത്യൻ ഓപ്പണറെന്ന നാണക്കേടിന്റെ റെക്കോർഡും ഇതോടെ അഭിഷേകിന്റെ പേരിലായി. "ആദ്യം ഒരു സിംഗിൾ എടുക്കൂ, എന്നിട്ടാകാം നിങ്ങളുടെ വെടിക്കെട്ട്" എന്നതായിരുന്നു അഭിഷേകിനുള്ള ഗവാസ്കറുടെ പ്രധാന ഉപദേശം.

ഒരു റൺ നേടിയാൽ ലഭിക്കുന്ന ആത്മവിശ്വാസം കാലുകളുടെ വേഗത വർദ്ധിപ്പിക്കുമെന്നും അതിനുശേഷം സ്വന്തം ശൈലിയിലേക്ക് മാറുന്നതാകും ഉചിതമെന്നും അദ്ദേഹം വ്യക്തമാക്കി. ന്യൂസിലൻഡിനെതിരെ സെഞ്ച്വറി നേടിയ അഭിഷേകിന്റെ പ്രതിഭയിൽ തനിക്ക് പൂർണ്ണ വിശ്വാസമുണ്ടെന്നും ഗവാസ്കർ കൂട്ടിച്ചേർത്തു.

സൂപ്പർ 8 ഘട്ടത്തിലേക്ക് ഇന്ത്യ ഇതിനോടകം യോഗ്യത നേടിയതിനാൽ, നാളെ നടക്കുന്ന നെതർലൻഡ്‌സിനെതിരായ മത്സരത്തിൽ സമ്മർദ്ദമില്ലാതെ കളിച്ച് ഫോം വീണ്ടെടുക്കാൻ അഭിഷേകിന് സാധിക്കുമെന്നാണ് ആരാധകരും പ്രതീക്ഷിക്കുന്നത്.

### Related Links & Sources
- [Original Story Source](https://truevisionnews.com/news/342502/sunil-gavaskar-gives-advice-to-abhishek-sharma)