---
title: "മദ്യം ഉണ്ടാക്കുന്നില്ല, പേരും ചോദിച്ചിട്ടില്ല!  'ബ്രാന്‍ഡിക്ക് പേരിട്ടാല്‍ 10,000 രൂപ': ആ പരസ്യം നല്‍കിയത് ഞങ്ങളല്ലെന്ന് ബെവ്‌കോ കോടതിയില്‍"
english_title: "Advertising dispute over brandy name and logo, Bevco in court"
publisher: "truevisionnews.com"
canonical_url: "https://truevisionnews.com/news/341592/Advertising-dispute-over-brandy-name-and-logo-Bevco-in-court-NEW"
published_at: "2026-02-12T14:56:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/698d9e4747778_BEBCO.jpg"
keywords: []
---

# മദ്യം ഉണ്ടാക്കുന്നില്ല, പേരും ചോദിച്ചിട്ടില്ല!  'ബ്രാന്‍ഡിക്ക് പേരിട്ടാല്‍ 10,000 രൂപ': ആ പരസ്യം നല്‍കിയത് ഞങ്ങളല്ലെന്ന് ബെവ്‌കോ കോടതിയില്‍

> **Lead Summary:** **കൊച്ചി: ** പുതിയ ബ്രാൻഡിക്ക് പേരും ലോഗോയും ചോദിച്ചുള്ള പരസ്യവിവാദത്തിൽ ഹൈക്കോടതിക്ക് മുന്നിൽ മലക്കം മറിഞ്ഞ് ബെവ്‌കോ.പരസ്യം നല്‍കിയത് തങ്ങളല്ലെന്നും നിലവില്‍ മദ്യ ഉല്‍പ്പാദനത്തില്‍ ഏര്‍പ്പെട്ടിട്ടില്ലെന്നുമാണ് വിശദീകരണം. അതിനാല്‍ പുതിയ ബ്രാന്‍ഡിന് പേരിടാനുള്ള മത്സരം ഉദിക്കുന്നില്ലെന്നും ഹൈക്കോടതിയില്‍ സമര്‍പ്പിച്ച സത്യവാങ്മൂലത്തില്‍ ബെവ്‌കോ വ്യക്തമാക്കി.

## Article Content

**കൊച്ചി: ** പുതിയ ബ്രാൻഡിക്ക് പേരും ലോഗോയും ചോദിച്ചുള്ള പരസ്യവിവാദത്തിൽ ഹൈക്കോടതിക്ക് മുന്നിൽ മലക്കം മറിഞ്ഞ് ബെവ്‌കോ.പരസ്യം നല്‍കിയത് തങ്ങളല്ലെന്നും നിലവില്‍ മദ്യ ഉല്‍പ്പാദനത്തില്‍ ഏര്‍പ്പെട്ടിട്ടില്ലെന്നുമാണ് വിശദീകരണം. അതിനാല്‍ പുതിയ ബ്രാന്‍ഡിന് പേരിടാനുള്ള മത്സരം ഉദിക്കുന്നില്ലെന്നും ഹൈക്കോടതിയില്‍ സമര്‍പ്പിച്ച സത്യവാങ്മൂലത്തില്‍ ബെവ്‌കോ വ്യക്തമാക്കി.

മദ്യബ്രാന്‍ഡിന് പേര് നിര്‍ദേശിക്കാനും ലോഗോ തയ്യാറാക്കാനും മത്സരം സംഘടിപ്പിച്ച നടപടിയില്‍ സര്‍ക്കാരിന് ഹൈക്കോടതി നോട്ടീസ് അയച്ചിരുന്നു. സര്‍ക്കാര്‍ മദ്യ ഉപഭോഗം പ്രോത്സാഹിപ്പിക്കുന്നുവെന്ന് ഹര്‍ജിയിലായിരുന്നു സര്‍ക്കാര്‍ നടപടി. പാലക്കാട്ടെ മലബാര്‍ ഡിസ്റ്റിലറീസില്‍ നിന്നും പുറത്തിറക്കുന്ന ബ്രാന്‍ഡിക്ക് ഉചിതമായ പേരും ലോഗോയും ക്ഷണിച്ചായിരുന്നു സര്‍ക്കാര്‍ പരസ്യം.

ബ്രാന്‍ഡിക്ക് ഏറ്റവും മികച്ച പേര് നിര്‍ദേശിക്കുന്നവര്‍ക്ക് 10,000 രൂപ സമ്മാനം നല്‍കുമെന്നായിരുന്നു ബെവ്‌കോ തീരുമാനം. പാലക്കാട് മേനോന്‍പാറയിലുള്ള മലബാര്‍ ഡിസ്റ്റിലറീസില്‍ നിന്നും നിര്‍മ്മിക്കാനുദ്ദേശിക്കുന്ന ഇന്ത്യന്‍ നിര്‍മ്മിത ബ്രാന്‍ഡിക്ക് പേരും ലോഗോയും നിര്‍ദേശിക്കാനുള്ള അവസരമാണ് പൊതുജനങ്ങള്‍ക്കായി ഒരുക്കിയത്. ജനുവരി ഏഴിനകം malabardistilleries@gmail.com എന്ന ഇമെയിലിലേക്ക് പേരും ലോഗോയും അയക്കാനായിരുന്നു് ബെവ്‌കോ എംഡി ആവശ്യപ്പെട്ടത്.

### Related Links & Sources
- [Original Story Source](https://truevisionnews.com/news/341592/Advertising-dispute-over-brandy-name-and-logo-Bevco-in-court-NEW)