---
title: "സ്വർണ്ണത്തെ വെല്ലാൻ ചെമ്പ്; വരാനിരിക്കുന്നത് വൻ ഡിമാൻഡിന്റെ കാലമെന്ന് സാമ്പത്തിക സർവേ"
english_title: "Copper to beat gold"
publisher: "truevisionnews.com"
canonical_url: "https://truevisionnews.com/news/340965/copper-to-beat-gold"
published_at: "2026-02-09T09:51:00+05:30"
category: "Business"
language: "ml"
image: "https://cf.zdn.im/img/truevisionnews.com/0/image-uploads/698961200c5c3_tru4.jpg"
keywords: []
---

# സ്വർണ്ണത്തെ വെല്ലാൻ ചെമ്പ്; വരാനിരിക്കുന്നത് വൻ ഡിമാൻഡിന്റെ കാലമെന്ന് സാമ്പത്തിക സർവേ

> **Lead Summary:** **[ **ഭാവിയിലെ തന്ത്രപ്രധാനമായ വിഭവമെന്ന നിലയിൽ ചെമ്പ് ആഗോള വിപണിയിൽ വലിയ ചലനങ്ങൾ സൃഷ്ടിക്കാൻ ഒരുങ്ങുന്നു. സ്വർണ്ണത്തെയും വെള്ളിയെയുംക്കാൾ പ്രാധാന്യത്തോടെ ചെമ്പ് മാറുമെന്നാണ് 2025-26 സാമ്പത്തിക സർവേ മുന്നറിയിപ്പ് നൽകുന്നത്.

## Article Content

**[ **ഭാവിയിലെ തന്ത്രപ്രധാനമായ വിഭവമെന്ന നിലയിൽ ചെമ്പ് ആഗോള വിപണിയിൽ വലിയ ചലനങ്ങൾ സൃഷ്ടിക്കാൻ ഒരുങ്ങുന്നു. സ്വർണ്ണത്തെയും വെള്ളിയെയുംക്കാൾ പ്രാധാന്യത്തോടെ ചെമ്പ് മാറുമെന്നാണ് 2025-26 സാമ്പത്തിക സർവേ മുന്നറിയിപ്പ് നൽകുന്നത്.

ആർട്ടിഫിഷ്യൽ ഇന്റലിജൻസ് അധിഷ്ഠിത ഡാറ്റാ സെന്ററുകൾ, ഇലക്ട്രിക് വാഹനങ്ങൾ, ഹരിത ഊർജ്ജ പദ്ധതികൾ എന്നിവയുടെ ദ്രുതഗതിയിലുള്ള വളർച്ച ചെമ്പിന്റെ ആവശ്യകത കുത്തനെ വർധിപ്പിച്ചിരിക്കുകയാണ്.

എന്നാൽ ഈ ആവശ്യത്തിനനുസരിച്ചുള്ള വിതരണം നടക്കാത്തത് വരും വർഷങ്ങളിൽ വലിയ ക്ഷാമത്തിന് വഴിമാറ്റിയേക്കാം. പുനരുപയോഗ ഊർജ്ജത്തിലേക്കുള്ള ലോകത്തിന്റെ ചുവടുമാറ്റം പൂർണ്ണമായും ചെമ്പിനെ ആശ്രയിച്ചാണ് നിലനിൽക്കുന്നത്.

ഒരു ഗിഗാവാട്ട് കാറ്റാടി വൈദ്യുതി ഉൽപ്പാദിപ്പിക്കുന്നതിന് ആയിരക്കണക്കിന് ടൺ ചെമ്പ് ആവശ്യമാണെന്ന് കണക്കുകൾ സൂചിപ്പിക്കുന്നു. എന്നാൽ ഖനികളിൽ നിന്നുള്ള അയിരിന്റെ ഗുണനിലവാരം കുറയുന്നത് ശുദ്ധമായ ചെമ്പ് വേർതിരിച്ചെടുക്കുന്നത് കൂടുതൽ പ്രയാസകരമാക്കുന്നുണ്ട്.

ഖനന മേഖലയിൽ കൃത്യമായ നിക്ഷേപവും പുതിയ പദ്ധതികളും ഉണ്ടായില്ലെങ്കിൽ ആഗോള ഹരിത ഊർജ്ജ ലക്ഷ്യങ്ങൾ തന്നെ തടസ്സപ്പെട്ടേക്കാം. വരും ദശകത്തിൽ വ്യാവസായിക രംഗത്തെയും നിക്ഷേപ മേഖലയിലെയും യഥാർത്ഥ 'താരമായി' ചെമ്പ് മാറുമെന്നാണ് റിപ്പോർട്ടുകൾ വ്യക്തമാക്കുന്നത്.

### Related Links & Sources
- [Original Story Source](https://truevisionnews.com/news/340965/copper-to-beat-gold)