---
title: "'തന്റെ സമുദായത്തിൽ എല്ലാ പാർട്ടിക്കാരുമുണ്ട്, എസ്‌എൻഡിപി-എൻഎസ്‌എസ്‌ ലയനം ഇനി ചർച്ചയാകേണ്ടതില്ല' - വെള്ളാപ്പള്ളി നടേശൻ"
english_title: "SNDP-NSS merger no longer needs to be discussed - VellappallyNatesan"
publisher: "truevisionnews.com"
canonical_url: "https://truevisionnews.com/news/340867/sndp-nss-merger-no-longer-needs-to-be-discussed-vellappallynatesan"
published_at: "2026-02-08T12:01:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69882e0bf1cf1_vellapally.jpg"
keywords: []
---

# 'തന്റെ സമുദായത്തിൽ എല്ലാ പാർട്ടിക്കാരുമുണ്ട്, എസ്‌എൻഡിപി-എൻഎസ്‌എസ്‌ ലയനം ഇനി ചർച്ചയാകേണ്ടതില്ല' - വെള്ളാപ്പള്ളി നടേശൻ

> **Lead Summary:** **കൊച്ചി: ** എസ്.എൻ.ഡി.പി - എൻ.എസ്.എസ് ലയനവുമായി ബന്ധപ്പെട്ട വിവാദങ്ങൾക്ക് അന്ത്യം കുറിച്ച് ജനറൽ സെക്രട്ടറി വെള്ളാപ്പള്ളി നടേശൻ. ലയനം ഇനി ചർച്ച ചെയ്യേണ്ടതില്ലെന്നും ഇക്കാര്യത്തിലുള്ള മാധ്യമ വിചാരണ അവസാനിപ്പിക്കണമെന്നും അദ്ദേഹം ആവശ്യപ്പെട്ടു. കൊച്ചി പൊന്നുരുന്നിയിൽ നടന്ന എസ്.എൻ.ഡി.പി പരിപാടിയിൽ സംസാരിക്കുകയായിരുന്നു അദ്ദേഹം.

## Article Content

**കൊച്ചി: ** എസ്.എൻ.ഡി.പി - എൻ.എസ്.എസ് ലയനവുമായി ബന്ധപ്പെട്ട വിവാദങ്ങൾക്ക് അന്ത്യം കുറിച്ച് ജനറൽ സെക്രട്ടറി വെള്ളാപ്പള്ളി നടേശൻ. ലയനം ഇനി ചർച്ച ചെയ്യേണ്ടതില്ലെന്നും ഇക്കാര്യത്തിലുള്ള മാധ്യമ വിചാരണ അവസാനിപ്പിക്കണമെന്നും അദ്ദേഹം ആവശ്യപ്പെട്ടു. കൊച്ചി പൊന്നുരുന്നിയിൽ നടന്ന എസ്.എൻ.ഡി.പി പരിപാടിയിൽ സംസാരിക്കുകയായിരുന്നു അദ്ദേഹം.

തന്റെ സമുദായത്തിൽ എല്ലാ പാർട്ടിക്കാരുമുണ്ട്. അവരുടെ വിശ്വാസം അനുസരിച്ച് വോട്ട് ചെയ്യാം. സ്ഥാനാർത്ഥി നിർണയം കഴിഞ്ഞ് ബോർഡ് കൂടി എസ്‌എൻഡിപി അഭിപ്രായം പറയുമെന്നും വെള്ളാപ്പള്ളി പറഞ്ഞു.

സ്വർണക്കൊള്ള വിവാദം തെരഞ്ഞെടുപ്പ് കഴിയുന്നത് വരെയുള്ളൂ. അത് കഴിഞ്ഞാൽ ചർച്ച പോലും ഉണ്ടാകില്ല. പിണറായി സർക്കാർ മൂന്നാമതും വരാൻ സാധ്യതയുണ്ട്. സർക്കാരിനെ കുറിച്ച് തനിക്ക് മോശം അഭിപ്രായം ഇല്ല.

ബിജെപിക്ക് വലിയ മുന്നേറ്റം സംഭവിച്ചിട്ടുണ്ട്. രാജീവ് ചന്ദ്രശേഖർ വലിയ മുന്നേറ്റം നടത്തി. സമുദായ സ്ഥാനാർത്ഥി വേണമെന്ന ആവശ്യം എസ്‌എൻഡിപി ഉന്നയിക്കില്ലെന്നും വെള്ളാപ്പള്ളി പറഞ്ഞു.

### Related Links & Sources
- [Original Story Source](https://truevisionnews.com/news/340867/sndp-nss-merger-no-longer-needs-to-be-discussed-vellappallynatesan)