---
title: "ചക്കപ്പഴം ഉണ്ടോ? എങ്കിൽ മിനിറ്റുകൾക്കുള്ളിൽ തയ്യാറാക്കാം കൊതിയൂറും ചക്ക ജാം"
english_title: "Let's prepare  jackfruit jam."
publisher: "truevisionnews.com"
canonical_url: "https://truevisionnews.com/news/340612/lets-prepare-jackfruit-jam"
published_at: "2026-02-06T23:44:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69862fffd770b_17.jpg"
keywords: []
---

# ചക്കപ്പഴം ഉണ്ടോ? എങ്കിൽ മിനിറ്റുകൾക്കുള്ളിൽ തയ്യാറാക്കാം കൊതിയൂറും ചക്ക ജാം

> **Lead Summary:** **ച**ക്കപ്പഴത്തിന്റെ മധുരവും മണവും ഒട്ടും ചോർന്നുപോകാതെ വീട്ടിൽ തന്നെ തയ്യാറാക്കാവുന്ന ഒന്നാണ് ചക്ക ജാം. ബ്രെഡിനും ചപ്പാത്തിക്കുമൊപ്പം കഴിക്കാൻ ഇത് ഏറെ സ്വാദിഷ്ടമാണ്. തയ്യാറാക്കുന്നത് എങ്ങനെയെന്ന് നോക്കിയാലോ....

## Article Content

**ച**ക്കപ്പഴത്തിന്റെ മധുരവും മണവും ഒട്ടും ചോർന്നുപോകാതെ വീട്ടിൽ തന്നെ തയ്യാറാക്കാവുന്ന ഒന്നാണ് ചക്ക ജാം. ബ്രെഡിനും ചപ്പാത്തിക്കുമൊപ്പം കഴിക്കാൻ ഇത് ഏറെ സ്വാദിഷ്ടമാണ്. തയ്യാറാക്കുന്നത് എങ്ങനെയെന്ന് നോക്കിയാലോ....

**ആവശ്യമായ ചേരുവകൾ**

നല്ല പഴുത്ത ചക്കപ്പഴം (വരിക്ക): 2 കപ്പ് (അരിഞ്ഞത്)

പഞ്ചസാര: 1 കപ്പ് (ചക്കയുടെ മധുരത്തിനനുസരിച്ച് മാറ്റം വരുത്താം)

നാരങ്ങാനീര്: 1 വലിയ സ്പൂൺ

ഏലക്കപ്പൊടി: ഒരു നുള്ള് (ആവശ്യമെങ്കിൽ)

വെള്ളം: അര കപ്പ്

**തയ്യാറാക്കുന്ന വിധം**

നന്നായി പഴുത്ത ചക്കപ്പഴം കുരു കളഞ്ഞ ശേഷം മിക്സിയിൽ അല്പം വെള്ളം ചേർത്ത് നല്ല മയത്തിൽ അരച്ചെടുക്കുക. ഒരു നോൺ-സ്റ്റിക് പാനിലേക്ക് ഈ മിശ്രിതം ഒഴിച്ച് ഇടത്തരം തീയിൽ ഏകദേശം അഞ്ച് മിനിറ്റ് ഇളക്കുക, തുടർന്ന് ഇതിലേക്ക് ആവശ്യത്തിന് പഞ്ചസാര ചേർത്ത് നന്നായി യോജിപ്പിക്കുക. മിശ്രിതം പാനിന്റെ വശങ്ങളിൽ നിന്ന് വിട്ടു വരുന്ന പാകമാകുന്നത് വരെ തുടർച്ചയായി ഇളക്കി കുറുക്കിയെടുക്കണം; ഒടുവിൽ ഒരു സ്പൂൺ നാരങ്ങാനീരും ഏലക്കപ്പൊടിയും ചേർത്ത് വാങ്ങി വെക്കാം. നന്നായി തണുത്ത ശേഷം വായു കടക്കാത്ത ഗ്ലാസ് ഭരണികളിൽ സൂക്ഷിച്ചാൽ മാസങ്ങളോളം ഈ സ്വാദിഷ്ടമായ ചക്ക ജാം ഉപയോഗിക്കാം.

### Related Links & Sources
- [Original Story Source](https://truevisionnews.com/news/340612/lets-prepare-jackfruit-jam)