---
title: "40% ഇന്ത്യക്കാരും കരൾ രോഗ ഭീഷണിയിൽ; ഈ ലക്ഷണങ്ങൾ അവഗണിക്കരുത്, ലാൻസെറ്റ് പഠനത്തിലെ മുന്നറിയിപ്പ്!"
english_title: "Liver disease threat, don't ignore symptoms"
publisher: "truevisionnews.com"
canonical_url: "https://truevisionnews.com/news/340432/liver-disease-threat-dont-ignore-symptoms"
published_at: "2026-02-06T10:02:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/69856f0d3a5ac_tru5.jpg"
keywords: []
---

# 40% ഇന്ത്യക്കാരും കരൾ രോഗ ഭീഷണിയിൽ; ഈ ലക്ഷണങ്ങൾ അവഗണിക്കരുത്, ലാൻസെറ്റ് പഠനത്തിലെ മുന്നറിയിപ്പ്!

> **Lead Summary:** **[**[ ] ഇന്ത്യക്കാരിൽ കരൾ രോഗ സാധ്യത വർധിച്ചുവരുന്ന സാഹചര്യത്തിൽ മുന്നറിയിപ്പുമായി ലാൻസെറ്റ് പഠനം. അമിതവണ്ണവും പ്രമേഹവും കാരണം രാജ്യത്തെ 40 ശതമാനം ആളുകളും കരൾ രോഗ ഭീഷണിയിലാണെന്നാണ് ലാൻസെറ്റ് റീജിയണൽ ഹെൽത്ത് സൗത്ത് ഈസ്റ്റ് ഏഷ്യ ജേണലിൽ പ്രസിദ്ധീകരിച്ച പഠനം വ്യക്തമാക്കുന്നത്.

## Article Content

**[**[ ] ഇന്ത്യക്കാരിൽ കരൾ രോഗ സാധ്യത വർധിച്ചുവരുന്ന സാഹചര്യത്തിൽ മുന്നറിയിപ്പുമായി ലാൻസെറ്റ് പഠനം. അമിതവണ്ണവും പ്രമേഹവും കാരണം രാജ്യത്തെ 40 ശതമാനം ആളുകളും കരൾ രോഗ ഭീഷണിയിലാണെന്നാണ് ലാൻസെറ്റ് റീജിയണൽ ഹെൽത്ത് സൗത്ത് ഈസ്റ്റ് ഏഷ്യ ജേണലിൽ പ്രസിദ്ധീകരിച്ച പഠനം വ്യക്തമാക്കുന്നത്.

ഹെപ്പറ്റൈറ്റിസ്, ഫാറ്റി ലിവർ, സിറോസിസ്, ലിവർ ക്യാൻസർ തുടങ്ങിയ ഗുരുതരമായ അവസ്ഥകളിലേക്ക് കരൾ രോഗം മാറുന്നതിന് മുമ്പ് തന്നെ ലക്ഷണങ്ങൾ തിരിച്ചറിഞ്ഞ് പ്രതിരോധ നടപടികൾ സ്വീകരിക്കേണ്ടത് അത്യാവശ്യമാണ്.

പ്രാഥമിക ഘട്ടത്തിൽ തന്നെ തിരിച്ചറിയേണ്ട പ്രധാന ലക്ഷണങ്ങൾ താഴെ പറയുന്നവയാണ്. ചർമ്മത്തിലോ കണ്ണിലോ പ്രകടമാകുന്ന മഞ്ഞനിറം, വയറിന്റെ മുകളിൽ വലതുവശത്തായുണ്ടാകുന്ന അസ്വസ്ഥത എന്നിവ കരൾ പ്രശ്നങ്ങളുടെ സൂചനയാകാം. പ്രത്യേക കാരണങ്ങളില്ലാതെ വയറിന്റെ വലിപ്പത്തിലോ അരക്കെട്ടിന്റെ അളവിലോ ഉണ്ടാകുന്ന പെട്ടെന്നുള്ള വർദ്ധനവ് ഗൗരവമായി കാണണം.

ദഹനസംബന്ധമായ പ്രശ്നങ്ങളായ ഓക്കാനം, വിശപ്പില്ലായ്മ, അപ്രതീക്ഷിതമായി ഭാരം കുറയുക എന്നിവയും കരൾ തകരാറിന്റെ ലക്ഷണങ്ങളാകാം. മൂത്രത്തിന്റെയും മലത്തിന്റെയും നിറത്തിലുണ്ടാകുന്ന മാറ്റങ്ങൾ ശ്രദ്ധിക്കേണ്ടതാണ്.

കൂടാതെ, ചർമ്മത്തിൽ വിട്ടുമാറാത്ത ചൊറിച്ചിൽ, മുടികൊഴിച്ചിൽ, പേശികളുടെ ബലക്കുറവ്, പാദങ്ങളിലെ നീർവീക്കം എന്നിവയും കരൾ ആരോഗ്യത്തെ ബാധിച്ചതിന്റെ സൂചനകളാണ്. കരൾ രോഗം ശാരീരിക ആരോഗ്യം മാത്രമല്ല, മാനസികാവസ്ഥയെയും ബാധിച്ചേക്കാം. ശ്രദ്ധ കേന്ദ്രീകരിക്കാനുള്ള ബുദ്ധിമുട്ടും ആശയക്കുഴപ്പവും ഇതിന്റെ ഭാഗമായി ഉണ്ടാകാം.

മലത്തിലൂടെയോ ഛർദ്ദിയിലൂടെയോ രക്തസ്രാവം ഉണ്ടാകുന്നത് അങ്ങേയറ്റം ഗൗരവമായ അവസ്ഥയാണ്. ഇത്തരം ലക്ഷണങ്ങൾ കണ്ടാലുടൻ കൃത്യമായ വൈദ്യപരിശോധന ഉറപ്പാക്കുന്നത് രോഗം സങ്കീർണ്ണമാകുന്നത് തടയാൻ സഹായിക്കും.

### Related Links & Sources
- [Original Story Source](https://truevisionnews.com/news/340432/liver-disease-threat-dont-ignore-symptoms)