---
title: "എൻജിനിൽ തീപിടിത്തം; ടർക്കിഷ് എയർലൈൻസ് വിമാനം കൊൽക്കത്തയിൽ അടിയന്തരമായി ഇറക്കി"
english_title: "Turkish Airlines flight makes emergency landing in Kolkata"
publisher: "truevisionnews.com"
canonical_url: "https://truevisionnews.com/news/340165/turkish-airlines-flight-makes-emergency-landing-in-kolkata"
published_at: "2026-02-04T19:20:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/69834f8282798_8.jpg"
keywords: []
---

# എൻജിനിൽ തീപിടിത്തം; ടർക്കിഷ് എയർലൈൻസ് വിമാനം കൊൽക്കത്തയിൽ അടിയന്തരമായി ഇറക്കി

> **Lead Summary:** കാഠ്മണ്ഡുവിൽ നിന്നും ഇസ്താംബുളിലേക്ക് പുറപ്പെട്ട ടർക്കിഷ് എയർലൈൻസ് 727 വിമാനം എൻജിനിലെ തീപിടിത്തത്തെ തുടർന്ന് കൊൽക്കത്തയിൽ അടിയന്തരമായി ലാൻഡ് ചെയ്തു. 236 യാത്രക്കാരുമായി പുറപ്പെട്ട വിമാനത്തിന്റെ വലതുവശത്തെ എൻജിനിലാണ് തീ പിടിച്ചത്.

## Article Content

കാഠ്മണ്ഡുവിൽ നിന്നും ഇസ്താംബുളിലേക്ക് പുറപ്പെട്ട ടർക്കിഷ് എയർലൈൻസ് 727 വിമാനം എൻജിനിലെ തീപിടിത്തത്തെ തുടർന്ന് കൊൽക്കത്തയിൽ അടിയന്തരമായി ലാൻഡ് ചെയ്തു. 236 യാത്രക്കാരുമായി പുറപ്പെട്ട വിമാനത്തിന്റെ വലതുവശത്തെ എൻജിനിലാണ് തീ പിടിച്ചത്.

ഉടൻ തന്നെ ക്യാപ്റ്റൻ കൊൽക്കത്ത എയർ ട്രാഫിക് കൺട്രോളിൽ വിവരമറിയിക്കുകയും അടിയന്തര ലാൻഡിംഗിന് അനുമതി തേടുകയുമായിരുന്നു. തുടർന്ന് പ്രാദേശിക സമയം ഉച്ചകഴിഞ്ഞ് 2:49-ന് കൊൽക്കത്ത നേതാജി സുഭാഷ് ചന്ദ്ര ബോസ് അന്താരാഷ്ട്ര വിമാനത്താവളത്തിൽ വിമാനം സുരക്ഷിതമായി ലാൻഡ് ചെയ്തു.

വിമാനത്തിലുണ്ടായിരുന്ന 236 യാത്രക്കാരും സുരക്ഷിതരാണെന്നും എല്ലാവരെയും വിമാനത്തിന് പുറത്തെത്തിച്ചതായും അധികൃതർ അറിയിച്ചു. നിലവിൽ വിമാനം കൊൽക്കത്ത വിമാനത്താവളത്തിൽ സുരക്ഷാ പരിശോധനകൾക്ക് വിധേയമാക്കിക്കൊണ്ടിരിക്കുകയാണെന്ന് എയർപോർട്ട് ഡയറക്ടർ വ്യക്തമാക്കി.

### Related Links & Sources
- [Original Story Source](https://truevisionnews.com/news/340165/turkish-airlines-flight-makes-emergency-landing-in-kolkata)