---
title: " വർഷങ്ങൾ നീണ്ട പക....! അമ്മയുടെ കൂടെ ഒളിച്ചോടിയ മധ്യവയസ്കനെ വെട്ടിക്കൊലപ്പെടുത്തി യുവാവ്, മൃതദേഹത്തിൽ ചവിട്ടി പൊലീസിനെ കാത്തിരുന്നു"
english_title: "A young man hacked to death a middle aged man who had run away with his mother"
publisher: "truevisionnews.com"
canonical_url: "https://truevisionnews.com/news/340133/a-young-man-hacked-to-death-a-middle-aged-man-who-had-run-away-with-his-mother"
published_at: "2026-02-04T15:41:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/69831bf1cca92_crime_bangaluru.jpg"
keywords: []
---

#  വർഷങ്ങൾ നീണ്ട പക....! അമ്മയുടെ കൂടെ ഒളിച്ചോടിയ മധ്യവയസ്കനെ വെട്ടിക്കൊലപ്പെടുത്തി യുവാവ്, മൃതദേഹത്തിൽ ചവിട്ടി പൊലീസിനെ കാത്തിരുന്നു

> **Lead Summary:** **ബെം​ഗളൂരു: ( **[www.truevisionnews.com]** )** അമ്മയുടെ കൂടെ ഒളിച്ചോടിയയാളെ 10 വർഷത്തിന് ശേഷം കൊലപ്പെടുത്തി യുവാവ്. കർണാടകയിലാണ് സംഭവം. റോഡിൽ തടഞ്ഞുനിർത്തി വെട്ടിക്കൊലപ്പെടുത്തിയ ശേഷം പൊലീസ് വരുന്നത് വരെ മൃതദേഹത്തിൽ ചവിട്ടി നിൽക്കുകയും ചെയ്തു. ബസഡോണി സ്വദേശിയായ ബസപ്പ ഹൊസ്മാനി എന്നയാളാണ് കൊല്ലപ്പെട്ടത്. സംഭവത്തിൽ എരയ്യ മഠപതി എന്ന യുവാവിനെ പൊലീസ് അറസ്റ്റ് ചെയ്തു. 2016ലാണ് ബസപ്പയും മഠപതിയുടെ അമ്മയും ഒളിച്ചോടിയത്.

## Article Content

**ബെം​ഗളൂരു: ( **[www.truevisionnews.com]** )** അമ്മയുടെ കൂടെ ഒളിച്ചോടിയയാളെ 10 വർഷത്തിന് ശേഷം കൊലപ്പെടുത്തി യുവാവ്. കർണാടകയിലാണ് സംഭവം. റോഡിൽ തടഞ്ഞുനിർത്തി വെട്ടിക്കൊലപ്പെടുത്തിയ ശേഷം പൊലീസ് വരുന്നത് വരെ മൃതദേഹത്തിൽ ചവിട്ടി നിൽക്കുകയും ചെയ്തു. ബസഡോണി സ്വദേശിയായ ബസപ്പ ഹൊസ്മാനി എന്നയാളാണ് കൊല്ലപ്പെട്ടത്. സംഭവത്തിൽ എരയ്യ മഠപതി എന്ന യുവാവിനെ പൊലീസ് അറസ്റ്റ് ചെയ്തു. 2016ലാണ് ബസപ്പയും മഠപതിയുടെ അമ്മയും ഒളിച്ചോടിയത്.

ക്ഷേത്രനഗരമായ സവദത്തിയിലെ ഹൂലികട്ടി ഗ്രാമത്തിന് സമീപം തിങ്കളാഴ്ച വൈകുന്നേരമാണ് സംഭവം. ബസപ്പയെ റോഡിൽ തടഞ്ഞുനിർത്തി മൂർച്ചയുള്ള ആയുധം ഉപയോഗിച്ച് എരയ്യ ആക്രമിക്കുകയായിരുന്നു. 16 ഓളം കുത്തേറ്റ ഹൊസ്മാനി സംഭവസ്ഥലത്ത് തന്നെ മരിച്ചു.

സിനിമയെ അനുസ്മരിപ്പിക്കുന്ന രീതിയിൽ രക്തം പടർന്ന കുപ്പായവും ധരിച്ച് പൊലീസ് വരുന്നത് വരെ എരയ്യ മൃതദേഹത്തിൽ ചവിട്ടി നിന്നു. ഇയാൾ തന്നെ പൊലീസിനെ വിളിച്ച് കുറ്റം സമ്മതിച്ചു. ഒടുവിൽ പോലീസ് എത്തി അയാളെ അറസ്റ്റ് ചെയ്തു. അമ്മയോടൊപ്പം ഒളിച്ചോടിയതിനെത്തുടർന്ന് എരയ്യക്ക് ഹോസ്മാനിയോട് പതിറ്റാണ്ടുകളായി പകയുണ്ടായിരുന്നുവെന്ന് പൊലീസ് പറഞ്ഞു.

ഒളിച്ചോടിയതിന് ശേഷം ഹോസ്മാനിയും എരയ്യയുടെ അമ്മയും കോലാപ്പൂരിൽ സ്ഥിരതാമസമാക്കി. അടുത്തിടെയാണ് ഇയാൾ സവദത്തിയിലേക്ക് മടങ്ങിയത്. ഹൊസ്മാനിയുടെ തിരിച്ചുവരവിനായി എരയ്യ കാത്തിരിക്കുകയായിരുന്നുവെന്ന് പൊലീസ് കരുതുന്നു.

### Related Links & Sources
- [Original Story Source](https://truevisionnews.com/news/340133/a-young-man-hacked-to-death-a-middle-aged-man-who-had-run-away-with-his-mother)