---
title: "എന്താണ് കാട്ടിക്കൂട്ടുന്നത്? പാനൂരിൽ കൊടുവാളുമായെത്തി യുവാക്കൾക്കും കുട്ടികൾക്കും നേരെ വധഭീഷണി; യുവാവ് അറസ്റ്റിൽ"
english_title: "A man with a sword in Panur issued death threats against youth and children"
publisher: "truevisionnews.com"
canonical_url: "https://truevisionnews.com/news/340055/a-man-with-a-sword-in-panur-issued-death-threats-against-youth-and-children-new"
published_at: "2026-02-04T12:13:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6982ebfbda053_police.jpg"
keywords: []
---

# എന്താണ് കാട്ടിക്കൂട്ടുന്നത്? പാനൂരിൽ കൊടുവാളുമായെത്തി യുവാക്കൾക്കും കുട്ടികൾക്കും നേരെ വധഭീഷണി; യുവാവ് അറസ്റ്റിൽ

> **Lead Summary:** **കണ്ണൂർ : **പാനൂർ എലാങ്കോട്ട് കൈയിൽ കൊടുവാളുമായെത്തി പ്രദേശത്തെ യുവാക്കൾക്കും കുട്ടികൾക്കും നേരെ വധഭീഷണി മുഴക്കിയ യുവാവ് അറസ്റ്റിൽ .

## Article Content

**കണ്ണൂർ : **പാനൂർ എലാങ്കോട്ട് കൈയിൽ കൊടുവാളുമായെത്തി പ്രദേശത്തെ യുവാക്കൾക്കും കുട്ടികൾക്കും നേരെ വധഭീഷണി മുഴക്കിയ യുവാവ് അറസ്റ്റിൽ .

തയ്യുള്ളതിൽ സമീറിനെ (42)യാണ് പാനൂർ പൊലീസ് അറസ്റ്റ് ചെയ്തത്. തിങ്കളാഴ്ച രാത്രി 11-നാണ് സംഭവം. വീട്ടിൽ ശബ്ദമുണ്ടായതിനെ തുടർന്നെത്തിയ കുട്ടികളെയും യുവാക്കളെയും സമീർ കൊടുവാളുമായെത്തി ഭീഷണിപ്പെടുത്തുകയായിരുന്നെന്ന് നാട്ടുകാർ പറയുന്നു.

വധശ്രമത്തിന് കേസെടുത്തത്തിന് ശേഷം യുവാവിനെ കോടതിയിൽ ഹാജരാക്കി റിമാൻഡ് ചെയ്തു. സംഘർഷാവസ്ഥയെത്തുടർന്ന് സിറ്റി പോലീസ് കമ്മിഷണർ പി.നിധിൻ രാജ്, കുത്തുപറമ്പ് എ.സി.പി. എം.പി. ആസാദ്, പോലീസ് ഇൻസ്പെക്ടർ എം.വി. ഷീജു തുടങ്ങിയവരുടെ നേതൃത്വത്തിൽ വൻ പോലീസ് സംഘം സ്ഥലത്തെത്തിയിരുന്നു.

### Related Links & Sources
- [Original Story Source](https://truevisionnews.com/news/340055/a-man-with-a-sword-in-panur-issued-death-threats-against-youth-and-children-new)