---
title: "ജനുവരി 31ന് സഹോദരനെ വിളിച്ചത് ജീവനൊടുക്കാൻ തീരുമാനിച്ച ശേഷം? സി ജെ റോയിയുടെ മരണം; ഒമ്പത് പേജുകളുള്ള ആത്മഹത്യാക്കുറിപ്പ് കിട്ടിയെന്ന് റിപ്പോര്‍ട്ട്"
english_title: "CJRoy's death; Report says nine-page suicide note found"
publisher: "truevisionnews.com"
canonical_url: "https://truevisionnews.com/news/339550/cjroys-death-report-says-nine-page-suicide-note-found"
published_at: "2026-02-02T08:02:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/69800cdc8c9ba_ROY.jpg"
keywords: []
---

# ജനുവരി 31ന് സഹോദരനെ വിളിച്ചത് ജീവനൊടുക്കാൻ തീരുമാനിച്ച ശേഷം? സി ജെ റോയിയുടെ മരണം; ഒമ്പത് പേജുകളുള്ള ആത്മഹത്യാക്കുറിപ്പ് കിട്ടിയെന്ന് റിപ്പോര്‍ട്ട്

> **Lead Summary:** **ബെംഗളൂരു: **കോൺഫിഡന്റ് ഗ്രൂപ്പ് ഉടമ ഡോക്ടർ സി.ജെ. റോയിയുടെ മരണം മുൻകൂട്ടി നിശ്ചയിച്ച ആത്മഹത്യയാണെന്ന സംശയം ബലപ്പെടുന്നു. മരണത്തിന് മുൻപായി അദ്ദേഹം തയ്യാറാക്കിയ ഒമ്പത് പേജുകളുള്ള വിശദമായ ആത്മഹത്യാക്കുറിപ്പ് കുടുംബാംഗങ്ങൾക്ക് ലഭിച്ചതായാണ് സൂചന.

## Article Content

**ബെംഗളൂരു: **കോൺഫിഡന്റ് ഗ്രൂപ്പ് ഉടമ ഡോക്ടർ സി.ജെ. റോയിയുടെ മരണം മുൻകൂട്ടി നിശ്ചയിച്ച ആത്മഹത്യയാണെന്ന സംശയം ബലപ്പെടുന്നു. മരണത്തിന് മുൻപായി അദ്ദേഹം തയ്യാറാക്കിയ ഒമ്പത് പേജുകളുള്ള വിശദമായ ആത്മഹത്യാക്കുറിപ്പ് കുടുംബാംഗങ്ങൾക്ക് ലഭിച്ചതായാണ് സൂചന.

തന്റെ ബിസിനസ് സാമ്രാജ്യത്തിന്റെ ഭാവി സംബന്ധിച്ചും പിൻഗാമികളെക്കുറിച്ചുമുള്ള നിർണ്ണായക നിർദ്ദേശങ്ങൾ ഈ കത്തിൽ ഉൾപ്പെട്ടിട്ടുണ്ടെന്നാണ് വിവരം.  ജനുവരി 31ന് സഹോദരനെ വിളിച്ചത് ജീവനൊടുക്കാൻ തീരുമാനിച്ച ശേഷമാണ് എന്നാണ് സൂചന.

ആദായനികുതി വകുപ്പിന്റെ ഇടപെടലിൽ റോയ് സമ്മർദ്ദത്തിലായിരുന്നു. അതേസമയം, പ്രത്യേക സംഘം അന്വേഷണം ഊർജ്ജിതമാക്കി. അന്വേഷണസംഘം ഐടി ഉദ്യോഗസ്ഥരെ വീണ്ടും ചോദ്യം ചെയ്യാൻ വീണ്ടും വിളിപ്പിക്കും. പ്രാഥമിക വിവരശേഖരണം മാത്രമാണ് ഇന്നലെ നടത്തിയതെന്ന് എസ്ഐടി അറിയിച്ചു. ബെംഗളൂരു വിട്ടു പോകരുതെന്ന് ഐടി ഉദ്യോഗസ്ഥരോട് രേഖാമൂലം നിർദ്ദേശം നൽകി.

ആദായനികുതി വകുപ്പിന്റെ റെയ്ഡിനിടെ ജീവനൊടുക്കിയ സി ജെ റോയിയുടെ മൃതദേഹം ഇന്നലെ ബെംഗളൂരുവിൽ സംസ്കരിച്ചു. രാവിലെ 10 മുതൽ 2 മണി വരെ റോയിയുടെ പ്രിയപ്പെട്ട നേച്ചേഴ്സ് ലക്ഷ്വറി കാസ്കേഡിൽ പൊതുദർശനം നടത്തിയ ശേഷമായിരുന്നു സംസ്കാരം.

നാട്ടുകാരും വ്യവസായ പ്രമുഖരുമടക്കം സിനിമാ പ്രവർത്തകരുമടക്കം ആയിരക്കണക്കിനാളുകൾ റോയിക്ക് അന്ത്യാഞ്ജലിയർപ്പിക്കാൻ എത്തി. ശേഷം വൈകിട്ട് നാലരയോടെ നേച്ചേഴ്സ് ലക്ഷ്വറിയിൽ തന്നെയാണ് സംസ്കാരവും നടത്തിയത്.

### Related Links & Sources
- [Original Story Source](https://truevisionnews.com/news/339550/cjroys-death-report-says-nine-page-suicide-note-found)