---
title: "'തുന്നിക്കെട്ടിയത് ശരിയായ രീതിയിലല്ല, ഒന്ന് ഇരിക്കാനോ നടക്കാനോ വയ്യ'; താലൂക്ക് ആശുപത്രിക്കെതിരെ ചികിത്സാ പിഴവ് ആരോപണവുമായി യുവതി"
english_title: "'It wasn't sewn properly, I can't sit or walk'; Woman alleges medical malpractice against hospital"
publisher: "truevisionnews.com"
canonical_url: "https://truevisionnews.com/news/339038/it-wasnt-sewn-properly-i-cant-sit-or-walk-woman-alleges-medical-malpractice-against-hospital"
published_at: "2026-01-30T09:15:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/697c2a3889c1a_Woman_alleges_medical_malpractice_against_hospital.jpg"
keywords: []
---

# 'തുന്നിക്കെട്ടിയത് ശരിയായ രീതിയിലല്ല, ഒന്ന് ഇരിക്കാനോ നടക്കാനോ വയ്യ'; താലൂക്ക് ആശുപത്രിക്കെതിരെ ചികിത്സാ പിഴവ് ആരോപണവുമായി യുവതി

> **Lead Summary:** **തിരുവനന്തപുരം: [** നെടുമങ്ങാട് താലൂക്ക് ആശുപത്രിയിൽ പ്രസവ ചികിത്സയിൽ ഗുരുതര വീഴ്ചയുണ്ടായതായി യുവതിയുടെ പരാതി. വിതുര സ്വദേശിനിയായ ഹസ്ന ഫാത്തിമ ആണ് ആശുപത്രി അധികൃതർക്കെതിരെ ആരോപണവുമായി രംഗത്തെത്തിയത്. പ്രസവത്തിന് ശേഷമുള്ള ശസ്ത്രക്രിയയിലെ പിഴവ് മൂലം തന്റെ ആരോഗ്യം തകർന്നതായും ഇരിക്കാനോ നടക്കാനോ കഴിയാത്ത അവസ്ഥയിലാണെന്നും യുവതി പറയുന്നു.

## Article Content

**തിരുവനന്തപുരം: [** നെടുമങ്ങാട് താലൂക്ക് ആശുപത്രിയിൽ പ്രസവ ചികിത്സയിൽ ഗുരുതര വീഴ്ചയുണ്ടായതായി യുവതിയുടെ പരാതി. വിതുര സ്വദേശിനിയായ ഹസ്ന ഫാത്തിമ ആണ് ആശുപത്രി അധികൃതർക്കെതിരെ ആരോപണവുമായി രംഗത്തെത്തിയത്. പ്രസവത്തിന് ശേഷമുള്ള ശസ്ത്രക്രിയയിലെ പിഴവ് മൂലം തന്റെ ആരോഗ്യം തകർന്നതായും ഇരിക്കാനോ നടക്കാനോ കഴിയാത്ത അവസ്ഥയിലാണെന്നും യുവതി പറയുന്നു.

പ്രസവത്തിന് ശേഷം തുന്നിക്കെട്ടിയതിലുള്ള പിഴവുമൂലം മലബന്ധം ഉണ്ടായെന്നും തുന്നിയ ഭാഗത്തിലൂടെ മലം വരുന്ന ഗുരുതര ആരോഗ്യപ്രശ്നങ്ങൾ ഉണ്ടായെന്നുമാണ് യുവതിയുടെ പരാതി. മലം പോകാതെ വയറ്റിൽ കെട്ടി കിടന്നു അണുബാധയായി. നിലവിൽ മലം പുറം തള്ളുന്നത് ട്യൂബിലൂടെയാണ്.

പ്രസവത്തിനു ശേഷം 7 മാസമായി ദുരിതമനുഭവിക്കുകയാണ്. പ്രസവത്തെ തുടർന്ന് എപ്പിസിയോട്ടമി ഇട്ടതിൽ ഡോക്ടർക്ക് കൈപിഴവെന്നാണ് യുവതിയുടെ ആരോപണം.

മലദ്വാരത്തിലെ ഞരമ്പ് മുറിഞ്ഞതാണ് പ്രശ്നത്തിന് കാരണമെന്ന് സ്കാനിംഗിൽ കണ്ടെത്തി. പിഴവ് മറച്ചു വെച്ച ഡോക്ടർ, മുറിവ് തുന്നിക്കെട്ടി പ്രസവം പൂർത്തിയാക്കി വാർഡിലേക്ക് മാറ്റിയെന്നും പരാതിയിൽ പറയുന്നു. സംഭവത്തിൽ മെഡിക്കൽ കോളേജിലും സ്വകാര്യ ആശുപത്രിയിലും ചികിത്സ തേടി.

കോസ്റ്റോമി ശസ്ത്രക്രിയയും പ്ലാസ്റ്റിക് സർജറിയും ചെയ്തു. ഇനിയും രണ്ട് ശസ്ത്രക്രിയകൾ കൂടി ചെയ്യാനുണ്ട്. ഇതുവരെ ചികിത്സയ്ക്ക് മാത്രമായി ചിലവായത് 6 ലക്ഷം രൂപയാണെന്നും കുടുംബം പറയുന്നു. വിഷയത്തിൽ മനുഷ്യാവകാശ കമ്മീഷനും വനിതാ കമ്മീഷനും പരാതി നൽകിയിരിക്കുകയാണ് ഹസ്ന. അതേസമയം, അന്വേഷണം നടക്കുകയാണെന്ന് നെടുമങ്ങാട് താലൂക്ക് ആശുപത്രി സൂപ്രണ്ട് വിശദീകരിച്ചു.

### Related Links & Sources
- [Original Story Source](https://truevisionnews.com/news/339038/it-wasnt-sewn-properly-i-cant-sit-or-walk-woman-alleges-medical-malpractice-against-hospital)