---
title: "പുതുതലമുറയ്ക്കൊപ്പം അധ്യാപകരും വളരാൻ എഐ പരിശീലനം; ഫെബ്രുവരി 2, 3 തീയതികളിൽ ഓൺലൈൻ വർക്ക് ഷോപ്പ്"
english_title: "AI training, online workshop"
publisher: "truevisionnews.com"
canonical_url: "https://truevisionnews.com/news/338920/ai-training-online-workshop"
published_at: "2026-01-29T13:52:00+05:30"
category: "Edu-Career"
language: "ml"
image: "https://cf.zdn.im/img/truevisionnews.com/0/image-uploads/697b1907d3fc5_TRU2.jpg"
keywords: []
---

# പുതുതലമുറയ്ക്കൊപ്പം അധ്യാപകരും വളരാൻ എഐ പരിശീലനം; ഫെബ്രുവരി 2, 3 തീയതികളിൽ ഓൺലൈൻ വർക്ക് ഷോപ്പ്

> **Lead Summary:** **[[truevisionnews.com] ]**ആർട്ടിഫിഷ്യൽ ഇന്റലിജൻസ് അതിവേഗം വികാസം പ്രാപിക്കുന്ന സാഹചര്യത്തിൽ, പുതിയ തലമുറയുടെ പഠനരീതികൾക്കൊപ്പം അധ്യാപകരും നൂതന സാങ്കേതികവിദ്യയിൽ അറിവ് നേടേണ്ടത് അത്യാവശ്യമായി മാറിയിരിക്കുന്നു.

## Article Content

**[[truevisionnews.com] ]**ആർട്ടിഫിഷ്യൽ ഇന്റലിജൻസ് അതിവേഗം വികാസം പ്രാപിക്കുന്ന സാഹചര്യത്തിൽ, പുതിയ തലമുറയുടെ പഠനരീതികൾക്കൊപ്പം അധ്യാപകരും നൂതന സാങ്കേതികവിദ്യയിൽ അറിവ് നേടേണ്ടത് അത്യാവശ്യമായി മാറിയിരിക്കുന്നു.

കുട്ടികൾ സാങ്കേതിക വിദ്യകൾ വേഗത്തിൽ പഠിച്ചെടുക്കുന്നവരായതിനാൽ, പരമ്പരാഗത രീതികൾക്ക് പുറമെ എഐ ടൂളുകളെക്കുറിച്ച് പ്രായോഗിക ജ്ഞാനം നേടാൻ അവരെ പ്രാപ്തരാക്കേണ്ടതുണ്ട്.

ഇതിനായി അധ്യാപകർ കാലഘട്ടത്തിനനുസരിച്ച് സ്വയം പരിഷ്കരിക്കപ്പെടുക എന്ന ലക്ഷ്യത്തോടെ മനോരമ ഹൊറൈസൺ ദുബായ് യുണീക് വേൾഡ് റോബോട്ടിക്‌സുമായി ചേർന്ന് 'TeachXcelerate' എന്ന പേരിൽ പരിശീലന പരിപാടി സംഘടിപ്പിക്കുന്നു.

അധ്യാപനത്തിൽ എഐ ടൂളുകളുടെ സാധ്യതകൾ ഉപയോഗപ്പെടുത്താൻ സഹായിക്കുന്ന ഈ വർക്ക് ഷോപ്പിലൂടെ ചാറ്റ്ജിപിടി, മാജിക് സ്‌കൂൾ, പെർപ്ലെക്‌സിറ്റി, കാൻവ തുടങ്ങിയ പ്ലാറ്റ്‌ഫോമുകൾ ഫലപ്രദമായി കൈകാര്യം ചെയ്യാനും ശരിയായ പ്രോംപ്റ്റുകൾ നൽകാനും പരിശീലിക്കാം.

ലെസൻ പ്ലാനിങ്, റിസർച്ച്, കണ്ടന്റ് ക്രിയേഷൻ തുടങ്ങിയവ എളുപ്പമാക്കാനും ആകർഷകമായ പാഠ്യപദ്ധതികൾ തയ്യാറാക്കാനും ഇത് അധ്യാപകരെ സഹായിക്കും. ഫെബ്രുവരി 2, 3 തീയതികളിലായി നടക്കുന്ന ഈ പരിപാടിയിൽ അധ്യാപകർക്ക് പുറമെ സ്‌റ്റെം എജ്യുക്കേറ്റേഴ്‌സ്, ട്രെയിനർമാർ, കരിക്കുലം ഡെവലപ്പർമാർ എന്നിവർക്കും പങ്കെടുക്കാം.

താല്പര്യമുള്ളവർക്ക് ഗൂഗിൾ ഫോം വഴി രജിസ്റ്റർ ചെയ്ത് പ്രവേശനം ഉറപ്പാക്കാവുന്നതാണ്.

### Related Links & Sources
- [Original Story Source](https://truevisionnews.com/news/338920/ai-training-online-workshop)