---
title: "കൊള്ളക്കാരെയും ഫണ്ട് തട്ടിപ്പുകാരെയും സിപിഎം സംരക്ഷിക്കുന്നു; എസ്ഐടി രാഷ്ട്രീയ സമ്മർദ്ദത്തിന് വഴങ്ങുന്നുവെന്ന് -ചെന്നിത്തല"
english_title: "CPM is protecting robbers and fund embezzlers; SIT is bowing to political pressure - Chennithala"
publisher: "truevisionnews.com"
canonical_url: "https://truevisionnews.com/news/338508/CPM-is-protecting-robbers-and-fund-embezzlers-SIT-is-bowing-to-political-pressure-Chennithala"
published_at: "2026-01-27T12:56:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69786b59df602_chenithathala.jpg"
keywords: []
---

# കൊള്ളക്കാരെയും ഫണ്ട് തട്ടിപ്പുകാരെയും സിപിഎം സംരക്ഷിക്കുന്നു; എസ്ഐടി രാഷ്ട്രീയ സമ്മർദ്ദത്തിന് വഴങ്ങുന്നുവെന്ന് -ചെന്നിത്തല

> **Lead Summary:** **തിരുവനന്തപുരം: [**ശബരിമല സ്വർണ്ണക്കൊള്ളയുമായി ബന്ധപ്പെട്ട് സർക്കാരിനെതിരെയുള്ള സമരം ശക്തമാക്കുമെന്ന് കോൺഗ്രസ് നേതാവ് രമേശ് ചെന്നിത്തല. സ്വർണ്ണക്കൊള്ള നടത്തിയവരെയും രക്തസാക്ഷി ഫണ്ട് തട്ടിപ്പ് നടത്തിയവരെയും സിപിഎം സംരക്ഷിക്കുകയാണെന്ന് അദ്ദേഹം കുറ്റപ്പെടുത്തി. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.

## Article Content

**തിരുവനന്തപുരം: [**ശബരിമല സ്വർണ്ണക്കൊള്ളയുമായി ബന്ധപ്പെട്ട് സർക്കാരിനെതിരെയുള്ള സമരം ശക്തമാക്കുമെന്ന് കോൺഗ്രസ് നേതാവ് രമേശ് ചെന്നിത്തല. സ്വർണ്ണക്കൊള്ള നടത്തിയവരെയും രക്തസാക്ഷി ഫണ്ട് തട്ടിപ്പ് നടത്തിയവരെയും സിപിഎം സംരക്ഷിക്കുകയാണെന്ന് അദ്ദേഹം കുറ്റപ്പെടുത്തി. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.

ശബരിമല കേസ് അന്വേഷിക്കുന്ന പ്രത്യേക അന്വേഷണ സംഘത്തിന് മേൽ മുഖ്യമന്ത്രിയുടെ ഓഫീസ് കടുത്ത സമ്മർദ്ദം ചെലുത്തുകയാണ്. എസ്ഐടി അതിന് വഴങ്ങുന്നു എന്നത് ദൗർഭാഗ്യകരമാണെന്നും ചെന്നിത്തല മാധ്യമങ്ങളോട് പറഞ്ഞു.

എസ്എൻഡിപി- എൻഎസ്എസ് ഐക്യം പാളിയതാണ്. അതിൽ സമുദായ സംഘടനകൾക്ക് തീരുമാനമെടുക്കാനുള്ള അവകാശമുണ്ട്. അതിൽ ഞാൻ ഒന്നും പറയുന്നില്ല. എൻഎസ്എസിന് എപ്പോഴും ഒരു സമദൂര നിലപാടാണുള്ളതെന്നും ചെന്നിത്തല പറഞ്ഞു. എന്നാൽ എൻഎസ്എസിൻ്റെ സമദൂര നിലപാട് യുഡിഎഫിന് ഗുണം ചെയ്യുമോ എന്ന ചോദ്യത്തിന് അത് നിങ്ങൾക്ക് അറിയാവുന്നതല്ലേ എന്നായിരുന്നു ചെന്നിത്തലയുടെ മറുപടി.

### Related Links & Sources
- [Original Story Source](https://truevisionnews.com/news/338508/CPM-is-protecting-robbers-and-fund-embezzlers-SIT-is-bowing-to-political-pressure-Chennithala)