---
title: "ഉയർന്ന രക്തസമ്മർദ്ദം നിങ്ങളെ അലട്ടുന്നുണ്ടോ? എങ്കിൽ ശ്രദ്ധിക്കേണ്ട ചില കാര്യങ്ങൾ"
english_title: "Are you worried about high blood pressure? Here are some things to keep in mind:"
publisher: "truevisionnews.com"
canonical_url: "https://truevisionnews.com/news/338374/are-you-worried-about-high-blood-pressure-here-are-some-things-to-keep-in-mind"
published_at: "2026-01-26T16:44:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/69774d30a90e3_Here_are_some_things_to_keep_in_mind.jpg"
keywords: []
---

# ഉയർന്ന രക്തസമ്മർദ്ദം നിങ്ങളെ അലട്ടുന്നുണ്ടോ? എങ്കിൽ ശ്രദ്ധിക്കേണ്ട ചില കാര്യങ്ങൾ

> **Lead Summary:** **[** ഉയർന്ന രക്തസമ്മർദ്ദം മിക്കവരിലും കണ്ടുവരുന്ന പ്രശ്നമാണ്. 30 കഴിഞ്ഞവരിൽ ഇത് കൂടുതലായി കണ്ടുവരുന്നു. രക്തസമ്മർദ്ദം കൂടുതലായിരിക്കുമ്പോൾ രക്തം പമ്പ് ചെയ്യാൻ ഹൃദയം കൂടുതൽ കഠിനാധ്വാനം ചെയ്യേണ്ടി വരും. ഒടുവിൽ ഇത് ഹൃദയത്തെയും ധമനികളെയും ബാധിക്കുന്നു.

## Article Content

**[** ഉയർന്ന രക്തസമ്മർദ്ദം മിക്കവരിലും കണ്ടുവരുന്ന പ്രശ്നമാണ്. 30 കഴിഞ്ഞവരിൽ ഇത് കൂടുതലായി കണ്ടുവരുന്നു. രക്തസമ്മർദ്ദം കൂടുതലായിരിക്കുമ്പോൾ രക്തം പമ്പ് ചെയ്യാൻ ഹൃദയം കൂടുതൽ കഠിനാധ്വാനം ചെയ്യേണ്ടി വരും. ഒടുവിൽ ഇത് ഹൃദയത്തെയും ധമനികളെയും ബാധിക്കുന്നു.

ഉയർന്ന രക്തസമ്മർദ്ദത്തിന് കാരണമാകുന്ന നിരവധി ഘടകങ്ങളുണ്ട്. അതിൽ ഭക്ഷണക്രമവും ശാരീരിക പ്രവർത്തന നിലവാരവും ഉൾപ്പെടുന്നു. സോഡിയം ഉപഭോഗം വളരെ കൂടുതലാകുമ്പോൾ അത് ദ്രാവകം നിലനിർത്തുന്നതിനും രക്തക്കുഴലുകളുടെ ബുദ്ധിമുട്ടിനും കാരണമാകുന്നു. ഇത് രക്തസമ്മർദ്ദത്തെ ബാധിക്കുന്നു.

ഉയർന്ന സോഡിയത്തിനൊപ്പം തണുപ്പ് കാലത്ത് ശാരീരിക പ്രവർത്തനങ്ങൾ കുറയുന്നത് പ്രശ്നം വർദ്ധിപ്പിക്കുന്നു. ഇന്ത്യയിൽ പത്ത് മുതിർന്നവരിൽ മൂന്ന് പേർക്ക് ഉയർന്ന രക്തസമ്മർദ്ദമുണ്ടെന്ന് കണക്കുകൾ സൂചിപ്പിക്കുന്നു. ഉയർന്ന രക്തസമ്മർദ്ദം നിയന്ത്രിക്കുന്നതിന് ശ്രദ്ധിക്കേണ്ട കാര്യങ്ങളെ കുറിച്ചാണ് ഇനി പറയുന്നത്.

1. സോഡിയം കുറയ്ക്കുക എന്നുള്ളതാണ് ആദ്യത്തെ ചെയ്യണ്ടത്. സംസ്കരിച്ച ഭക്ഷണങ്ങൾ ശരീരത്തിൽ വെള്ളം നിലനിർത്താൻ കാരണമാകുന്നു, ഇത് രക്തത്തിന്റെ അളവും മർദ്ദവും വർദ്ധിപ്പിക്കുന്നു.

2. പതിവായി വ്യായാമം ചെയ്യുക. മിക്ക ദിവസങ്ങളിലും 30 മിനിറ്റ് വേഗത്തിലുള്ള നടത്തം, സൈക്ലിംഗ് അല്ലെങ്കിൽ നീന്തൽ എന്നിവ ശീലമാക്കുക.

3. ആരോഗ്യകരമായ ഭാരം നിലനിർത്തുക. ഭാരം കുറയ്ക്കുന്നത് ബിപി നിയന്ത്രിക്കാനും ഹൃദ്രോ​ഗ സാധ്യത കുറയ്ക്കാനും സഹായിക്കുന്നു.

4. പുകവലി ഉപേക്ഷിക്കുക. പുകവലി രക്തക്കുഴലുകളെ തകരാറിലാക്കുകയും രക്താതിമർദ്ദം വഷളാക്കുകയും ചെയ്യുന്നു.

5. ദിവസവും 7-9 മണിക്കൂർ ഉറങ്ങുന്നുണ്ടെന്ന് ഉറപ്പ് വരുത്തുക. ഇത് ബിപി നിയന്ത്രിക്കാൻ സഹായിക്കും.

6. പഴങ്ങൾ, പച്ചക്കറികൾ, ധാന്യങ്ങൾ, പ്രോട്ടീനുകൾ, കൊഴുപ്പ് കുറഞ്ഞ പാലുൽപ്പന്നങ്ങൾ എന്നിവയിൽ ശ്രദ്ധ കേന്ദ്രീകരിക്കുക.

7. മദ്യവും കഫീനും പരിമിതപ്പെടുത്തുക. അമിതമായി കഴിക്കുന്നത് രക്തസമ്മർദ്ദം വർദ്ധിപ്പിക്കും.

### Related Links & Sources
- [Original Story Source](https://truevisionnews.com/news/338374/are-you-worried-about-high-blood-pressure-here-are-some-things-to-keep-in-mind)