---
title: "തൊണ്ടിമുതൽ കേസ്; ആന്‍റണി രാജുവിൻ്റെ ഹരജി ഇന്ന് പരിഗണിക്കും"
english_title: "In the Thondimala case, Antony Raju's plea will be considered today"
publisher: "truevisionnews.com"
canonical_url: "https://truevisionnews.com/news/337969/in-the-thondimala-case-antony-rajus-plea-will-be-considered-today"
published_at: "2026-01-24T07:41:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69742a891a916_antony.jpg"
keywords: []
---

# തൊണ്ടിമുതൽ കേസ്; ആന്‍റണി രാജുവിൻ്റെ ഹരജി ഇന്ന് പരിഗണിക്കും

> **Lead Summary:** **തിരുവനന്തപുരം: **തൊണ്ടിമുതൽ കേസിൽ ആന്‍റണി രാജുവിൻ്റെ ഹരജി തിരുവനന്തപുരം പ്രിൻസിപ്പൽ സെഷൻസ് കോടതി ഇന്ന് പരിഗണിക്കും.

## Article Content

**തിരുവനന്തപുരം: **തൊണ്ടിമുതൽ കേസിൽ ആന്‍റണി രാജുവിൻ്റെ ഹരജി തിരുവനന്തപുരം പ്രിൻസിപ്പൽ സെഷൻസ് കോടതി ഇന്ന് പരിഗണിക്കും.

മൂന്നുവർഷത്തെ ശിക്ഷ വിധിച്ച നെടുമങ്ങാട് മജിസ്ട്രേറ്റ് കോടതി വിധി റദ്ദാക്കണമെന്നാണ് ആന്‍റണി രാജുവിന്‍റെ ആവശ്യം. കോടതി ശിക്ഷ സ്റ്റേ ചെയ്താൽ ആൻ്റണി രാജുവിന് എംഎൽഎ സ്ഥാനത്തേക്ക് തിരിച്ചെത്താം. അടുത്ത നിയമസഭാ തെരഞ്ഞെടുപ്പിൽ മത്സരിക്കുന്നതിനും തടസമുണ്ടാകില്ല.

അതേസമയം വിധിപ്രതികൂലമായാൽ ആന്‍റണി രാജുവിന് വൻ തിരിച്ചടിയാകും. തൊണ്ടിമുതലിൽ കൃത്രിമം നടത്തിയതിന് ആന്‍റണി രാജുവിനെ മൂന്നുവർഷത്തേക്കാണ് കോടതി ശിക്ഷിച്ചിരുന്നത്. ഇതോടെയാണ് എംഎൽഎ സ്ഥാനത്തുനിന്ന് ആൻറണി രാജു അയോഗ്യനായത്.

കേസില്‍ രണ്ടാം പ്രതിയാണ് ആന്‍റണി രാജു. ഗൂഢാലോചന, തെളിവ് നശിപ്പിക്കല്‍, കള്ളത്തെളിവ് ഉണ്ടാക്കല്‍, വ്യാജരേഖ ചമയ്ക്കൽ, സര്‍ക്കാര്‍ ഉദ്യോഗസ്ഥന്റെ വിശ്വാസ വഞ്ചന എന്നീ വകുപ്പുകളാണ് തെളിഞ്ഞത്.

### Related Links & Sources
- [Original Story Source](https://truevisionnews.com/news/337969/in-the-thondimala-case-antony-rajus-plea-will-be-considered-today)