---
title: "വിദ്യാഭ്യാസ-ആരോഗ്യ മേഖലയിൽ മാറ്റങ്ങൾ: ഡോക്ടർമാർക്ക് എഐ പരിശീലനം; സ്പെഷൽ കെ-ടെറ്റ് വിജ്ഞാപനം ഈ മാസം"
english_title: "AI training for doctors"
publisher: "truevisionnews.com"
canonical_url: "https://truevisionnews.com/news/337868/ai-training-for-doctors"
published_at: "2026-01-23T14:13:00+05:30"
category: "Edu-Career"
language: "ml"
image: "https://cf.zdn.im/img/truevisionnews.com/0/image-uploads/697334b2ac820_TRU2.jpg"
keywords: []
---

# വിദ്യാഭ്യാസ-ആരോഗ്യ മേഖലയിൽ മാറ്റങ്ങൾ: ഡോക്ടർമാർക്ക് എഐ പരിശീലനം; സ്പെഷൽ കെ-ടെറ്റ് വിജ്ഞാപനം ഈ മാസം

> **Lead Summary:** **[[truevisionnews.com]]** മെഡിക്കൽ രംഗത്ത് കൃത്രിമ ബുദ്ധി പ്രയോജനപ്പെടുത്തുന്നതിനായി കേന്ദ്ര ആരോഗ്യ മന്ത്രാലയം ഡോക്ടർമാർക്കും മെഡിക്കൽ വിദ്യാർത്ഥികൾക്കും ഓൺലൈൻ പരിശീലനം നൽകുന്നു.

## Article Content

**[[truevisionnews.com]]** മെഡിക്കൽ രംഗത്ത് കൃത്രിമ ബുദ്ധി പ്രയോജനപ്പെടുത്തുന്നതിനായി കേന്ദ്ര ആരോഗ്യ മന്ത്രാലയം ഡോക്ടർമാർക്കും മെഡിക്കൽ വിദ്യാർത്ഥികൾക്കും ഓൺലൈൻ പരിശീലനം നൽകുന്നു.

നാഷനൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസസുമായി ചേർന്നൊരുക്കുന്ന ഈ പദ്ധതിയുടെ ആദ്യഘട്ടത്തിൽ 50,000 ഡോക്ടർമാർക്കാണ് പരിശീലനം നൽകുന്നത്. ഇതിനോടകം 42,000 പേർ രജിസ്റ്റർ ചെയ്തുകഴിഞ്ഞു.

അടുത്ത മാസം അവസാനം പരിശീലനം ആരംഭിക്കും. സംസ്ഥാനത്ത് സ്പെഷൽ കെ-ടെറ്റ് പരീക്ഷാ വിജ്ഞാപനം ഈ മാസം തന്നെ പുറത്തിറങ്ങും. ഇത്തവണ സർവീസിലുള്ള എല്ലാ അധ്യാപകർക്കും പരീക്ഷ എഴുതാൻ അവസരമുണ്ടാകും.

2016-2020 കാലയളവിൽ ജോലിയിൽ പ്രവേശിച്ചവർക്ക് മാത്രമായി മുൻപ് ഏർപ്പെടുത്തിയിരുന്ന നിയന്ത്രണം നീക്കി. സുപ്രീം കോടതി വിധിയുടെ പശ്ചാത്തലത്തിൽ സോഫ്റ്റ്‌വെയർ പരിഷ്കരിച്ചാണ് എല്ലാവർക്കും അവസരം നൽകുന്നത്.

ജനറൽ കെ-ടെറ്റിന് അപേക്ഷിച്ചവർക്കും ആവശ്യമെങ്കിൽ സ്പെഷൽ പരീക്ഷയ്ക്ക് അപേക്ഷിക്കാം. ഭിന്നശേഷി ക്വോട്ടയിലല്ലാതെ പ്രവേശനം നേടിയവർക്കും ഫീസിളവിന് അർഹതയുണ്ടെന്ന് മദ്രാസ് ഹൈക്കോടതി ഉത്തരവിട്ടു.

ഭിന്നശേഷിക്കാർക്ക് സാധാരണ ജീവിതം ഉറപ്പാക്കേണ്ടതുണ്ടെന്ന് കോടതി നിരീക്ഷിച്ചു. സ്കിസോഫ്രീനിയ ബാധിതനായ നിയമ വിദ്യാർത്ഥിക്ക് ഫീസിളവ് നിഷേധിച്ച തമിഴ്‌നാട് ഡോ. അംബേദ്കർ നിയമ സർവകലാശാലയുടെ നടപടി തള്ളിക്കൊണ്ടാണ് ഈ ഉത്തരവ്.

മാനേജ്മെന്റ് പ്രവേശന പരീക്ഷയായ സിമാറ്റിന്റെ (CMAT) അഡ്മിറ്റ് കാർഡുകൾ ഔദ്യോഗിക വെബ്സൈറ്റിൽ പ്രസിദ്ധീകരിച്ചു. ഈ മാസം 25-നാണ് പരീക്ഷ നടക്കുന്നത്. അതേസമയം, ഡൽഹി സർവകലാശാല ഫീസ് 17 ശതമാനം വർധിപ്പിച്ചു. ആറുമാസത്തിനിടെ ഇത് രണ്ടാം തവണയാണ് ഫീസ് കൂട്ടുന്നത്. 2026-27 അധ്യയന വർഷം മുതൽ വർധന നിലവിൽ വരും.

ദേശീയ മെഡിക്കൽ പിജി പ്രവേശന പരീക്ഷയായ നീറ്റ് പിജി ഓഗസ്റ്റ് 30-നും, ഡെന്റൽ പിജി പരീക്ഷയായ നീറ്റ് എംഡിഎസ് മേയ് 2-നും നടക്കും. നീറ്റ് പിജിക്ക് അപേക്ഷിക്കുന്നവർ സെപ്റ്റംബർ 30-നകവും, നീറ്റ് എംഡിഎസ് എഴുതുന്നവർ മേയ് 31-നകവും ഇന്റേൺഷിപ്പ് പൂർത്തിയാക്കിയിരിക്കണം.

### Related Links & Sources
- [Original Story Source](https://truevisionnews.com/news/337868/ai-training-for-doctors)