---
title: "'അച്ഛൻ മുറ്റമടിച്ചാൽ ചൂല് പിണങ്ങില്ല'; എം.എ. ബേബിയെ പരിഹസിക്കുന്നവർക്ക് ഒന്നാം ക്ലാസിലെ പാഠപുസ്തകം കാട്ടി വി. ശിവൻകുട്ടിയുടെ മറുപടി"
english_title: "'If father sweeps the yard, the broom will not get tangled'; V. Sivankutty's reply to those mocking M.A. Baby by showing his first class textbook"
publisher: "truevisionnews.com"
canonical_url: "https://truevisionnews.com/news/337631/if-father-sweeps-the-yard-the-broom-will-not-get-tangled-v-sivankuttys-reply-to-those-mocking-ma-baby-by-showing-his-first-class-textbook"
published_at: "2026-01-22T11:29:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6971bd9268026_shivan_kutty.jpg"
keywords: []
---

# 'അച്ഛൻ മുറ്റമടിച്ചാൽ ചൂല് പിണങ്ങില്ല'; എം.എ. ബേബിയെ പരിഹസിക്കുന്നവർക്ക് ഒന്നാം ക്ലാസിലെ പാഠപുസ്തകം കാട്ടി വി. ശിവൻകുട്ടിയുടെ മറുപടി

> **Lead Summary:** തിരുവനന്തപുരം: ഗൃഹസന്ദർശനത്തിനിടെ ഭക്ഷണം കഴിച്ച പാത്രം സ്വയം കഴുകിവെച്ച സിപിഎം രാഷ്ട്രീയ കാര്യ സമിതി അംഗം എം.എ. ബേബിക്കെതിരെ സോഷ്യൽ മീഡിയയിൽ ഉയരുന്ന പരിഹാസങ്ങൾക്കെതിരെ രൂക്ഷവിമർശനവുമായി വിദ്യാഭ്യാസ മന്ത്രി വി. ശിവൻകുട്ടി. ഇത്തരം ആരോപണങ്ങൾക്ക് പിന്നിൽ സാംസ്കാരിക ശൂന്യതയും ഉള്ളിൽ ഉറച്ചുപോയ ഫ്യൂഡൽ മനോഭാവവുമാണെന്ന് മന്ത്രി തന്റെ ഫേസ്ബുക്ക് പോസ്റ്റിലൂടെ തുറന്നടിച്ചു.

## Article Content

തിരുവനന്തപുരം: ഗൃഹസന്ദർശനത്തിനിടെ ഭക്ഷണം കഴിച്ച പാത്രം സ്വയം കഴുകിവെച്ച സിപിഎം രാഷ്ട്രീയ കാര്യ സമിതി അംഗം എം.എ. ബേബിക്കെതിരെ സോഷ്യൽ മീഡിയയിൽ ഉയരുന്ന പരിഹാസങ്ങൾക്കെതിരെ രൂക്ഷവിമർശനവുമായി വിദ്യാഭ്യാസ മന്ത്രി വി. ശിവൻകുട്ടി. ഇത്തരം ആരോപണങ്ങൾക്ക് പിന്നിൽ സാംസ്കാരിക ശൂന്യതയും ഉള്ളിൽ ഉറച്ചുപോയ ഫ്യൂഡൽ മനോഭാവവുമാണെന്ന് മന്ത്രി തന്റെ ഫേസ്ബുക്ക് പോസ്റ്റിലൂടെ തുറന്നടിച്ചു.

> ഭക്ഷണം കഴിച്ച പാത്രം സ്വയം കഴുകുന്നത് 'മോശമാണെന്ന്' കരുതുന്നവർക്ക് മറുപടി പൊതുവിദ്യാഭ്യാസ വകുപ്പ് ഒന്നാം ക്ലാസിലെ കുരുന്നുകൾക്ക് നൽകുന്ന പാഠപുസ്തകത്തിൽ തന്നെയുണ്ട്. അച്ഛനും അമ്മയും കുട്ടികളും ചേർന്ന് വീട് വൃത്തിയാക്കുന്ന പാഠഭാഗമാണിത്. "ടോയ്ലറ്റ് ഞാൻ തന്നെ വൃത്തിയാക്കാം" എന്ന് പറയുന്ന അച്ഛനെയും, മുറ്റം അടിച്ചുവാരുന്ന കുട്ടിയെയും ഇവിടെ കാണാം. അവിടെ നാം കുട്ടികളെ പഠിപ്പിക്കുന്ന വലിയൊരു പാഠമുണ്ട്. അച്ഛൻ മുറ്റമടിച്ചാലും, അമ്മ മുറ്റമടിച്ചാലും ചൂല് പിണങ്ങില്ലെന്ന് പാഠ പുസ്തകത്തിൽ പറയുന്നുണ്ടെന്നും മന്ത്രി കൂട്ടിച്ചേർത്തു.

### Related Links & Sources
- [Original Story Source](https://truevisionnews.com/news/337631/if-father-sweeps-the-yard-the-broom-will-not-get-tangled-v-sivankuttys-reply-to-those-mocking-ma-baby-by-showing-his-first-class-textbook)