---
title: "'കുറച്ചെങ്കിലും മനസ്സാക്ഷി കാണിച്ചൂടെ....?' ബസ്സിനുള്ളിൽ വീണ് വയോധികയുടെ കയ്യൊടിഞ്ഞു; ആശുപത്രിക്ക് മുന്നിൽ ഇറക്കിവിട്ട് ബസ് ജീവനക്കാർ കടന്നുകളഞ്ഞു"
english_title: "Elderly woman falls inside bus, breaks arm; bus staff drops her off in front of hospital, escapes"
publisher: "truevisionnews.com"
canonical_url: "https://truevisionnews.com/news/337127/elderly-woman-falls-inside-bus-breaks-arm-bus-staff-drops-her-off-in-front-of-hospital-escapes"
published_at: "2026-01-19T14:29:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/696df32e55ea2_bus_staff_drops_her_off_in_front_of_hospital,_escapes.jpg"
keywords: []
---

# 'കുറച്ചെങ്കിലും മനസ്സാക്ഷി കാണിച്ചൂടെ....?' ബസ്സിനുള്ളിൽ വീണ് വയോധികയുടെ കയ്യൊടിഞ്ഞു; ആശുപത്രിക്ക് മുന്നിൽ ഇറക്കിവിട്ട് ബസ് ജീവനക്കാർ കടന്നുകളഞ്ഞു

> **Lead Summary:** പത്തനംതിട്ട: സ്വകാര്യ ബസ്സിനുള്ളിൽ വീണ് പരിക്കേറ്റ വയോധികയോട് ബസ് ജീവനക്കാരുടെ ക്രൂരത. വീഴ്ചയിൽ കയ്യൊടിഞ്ഞ വയോധികയെ ആശുപത്രിയിൽ എത്തിക്കാൻ സഹായിക്കാതെ റോഡരികിൽ ഇറക്കിവിട്ട് ബസ് ജീവനക്കാർ കടന്നുകളഞ്ഞു. പത്തനംതിട്ട കോരഞ്ചേരി റൂട്ടിൽ സർവീസ് നടത്തുന്ന 'മാടപ്പള്ളിൽ' എന്ന ബസ്സിനെതിരെയാണ് ഗുരുതര പരാതി ഉയർന്നിരിക്കുന്നത്.

## Article Content

പത്തനംതിട്ട: സ്വകാര്യ ബസ്സിനുള്ളിൽ വീണ് പരിക്കേറ്റ വയോധികയോട് ബസ് ജീവനക്കാരുടെ ക്രൂരത. വീഴ്ചയിൽ കയ്യൊടിഞ്ഞ വയോധികയെ ആശുപത്രിയിൽ എത്തിക്കാൻ സഹായിക്കാതെ റോഡരികിൽ ഇറക്കിവിട്ട് ബസ് ജീവനക്കാർ കടന്നുകളഞ്ഞു. പത്തനംതിട്ട കോരഞ്ചേരി റൂട്ടിൽ സർവീസ് നടത്തുന്ന 'മാടപ്പള്ളിൽ' എന്ന ബസ്സിനെതിരെയാണ് ഗുരുതര പരാതി ഉയർന്നിരിക്കുന്നത്.

പത്തനംതിട്ട സ്വദേശിനിയായ ഓമന വിജയനാണ് (71) ബസ് ജീവനക്കാരുടെ അനാസ്ഥയ്ക്ക് ഇരയായത്. ബസ് അമിതവേഗത്തിലായിരുന്നുവെന്നും പെട്ടെന്ന് ബ്രേക്കിട്ടപ്പോഴാണ് താൻ ബസ്സിനുള്ളിൽ തെറിച്ചുവീണതെന്നും ഓമന പറയുന്നു. വീഴ്ചയുടെ ആഘാതത്തിൽ ഇവരുടെ കൈ ഒടിയുകയായിരുന്നു.

വേദന കൊണ്ട് പുളഞ്ഞ വയോധികയെ ആശുപത്രിയിൽ എത്തിക്കാൻ തയ്യാറാകാതെ ബസ് ജീവനക്കാർ ആശുപത്രിക്ക് സമീപം ഇറക്കിവിടുകയായിരുന്നു. ആശുപത്രിയിൽ എത്തിക്കാതെ ബസ് ജീവനക്കാർ പോവുകയായിരുന്നുവെന്നും പരാതിക്കാരി.

### Related Links & Sources
- [Original Story Source](https://truevisionnews.com/news/337127/elderly-woman-falls-inside-bus-breaks-arm-bus-staff-drops-her-off-in-front-of-hospital-escapes)