---
title: "പെരിയ ഇരട്ടക്കൊലക്കേസ്; പ്രതികൾക്ക് വീണ്ടും പരോൾ"
english_title: "Periya double murder case: Accused granted parole again"
publisher: "truevisionnews.com"
canonical_url: "https://truevisionnews.com/news/336402/periya-double-murder-case-accused-granted-parole-again"
published_at: "2026-01-15T07:25:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/69684998aedbf_parol.jpg"
keywords: []
---

# പെരിയ ഇരട്ടക്കൊലക്കേസ്; പ്രതികൾക്ക് വീണ്ടും പരോൾ

> **Lead Summary:** **കാസര്‍കോട്:**പെരിയ ഇരട്ടക്കൊലക്കേസിലെ പ്രതികളായ ഒന്നാം പ്രതി പീതാംബരൻ, അഞ്ചാം പ്രതി ഗിജിൻ എന്നിവർക്ക് 15 ദിവസത്തെ പരോൾ അനുവദിച്ചു. ചട്ടപ്രകാരമാണ് പരോൾ നൽകിയതെന്ന് അധികൃതർ വിശദീകരിച്ചതിനെത്തുടർന്ന് ഇരുവരും കണ്ണൂർ സെൻട്രൽ ജയിലിൽ നിന്ന് പുറത്തിറങ്ങി.

## Article Content

**കാസര്‍കോട്:**പെരിയ ഇരട്ടക്കൊലക്കേസിലെ പ്രതികളായ ഒന്നാം പ്രതി പീതാംബരൻ, അഞ്ചാം പ്രതി ഗിജിൻ എന്നിവർക്ക് 15 ദിവസത്തെ പരോൾ അനുവദിച്ചു. ചട്ടപ്രകാരമാണ് പരോൾ നൽകിയതെന്ന് അധികൃതർ വിശദീകരിച്ചതിനെത്തുടർന്ന് ഇരുവരും കണ്ണൂർ സെൻട്രൽ ജയിലിൽ നിന്ന് പുറത്തിറങ്ങി.

2019 ഫെബ്രുവരി 17-ന് രാത്രി ഏഴരയോടെയാണ് കേരളത്തെ നടുക്കിയ പെരിയ ഇരട്ടക്കൊലപാതകം നടന്നത്. കാസർകോട് കല്യോട്ട് കൂരാങ്കര റോഡിൽ വെച്ച് ബൈക്കിൽ സഞ്ചരിക്കുകയായിരുന്ന യൂത്ത് കോൺഗ്രസ് പ്രവർത്തകർ ശരത് ലാലിനെയും കൃപേഷിനെയും പ്രതികൾ തടഞ്ഞുനിർത്തി ക്രൂരമായി ആക്രമിക്കുകയായിരുന്നു.

വെട്ടേറ്റ കൃപേഷ് സംഭവസ്ഥലത്തും ശരത് ലാല്‍ മംഗളൂരൂവിലെ ആശുപത്രിയിലേക്കുള്ള വഴിമധ്യേയും മരണപ്പെട്ടു. കൊല്ലപ്പെടുമ്പോള്‍ ശരതിന് ഇരുപത്തിമൂന്നും കൃപേഷിന് പത്തൊമ്പതുമായിരുന്നു പ്രായം.

കേസിൽ പീതാംബരൻ ഉൾപ്പെടെ പത്ത് പ്രതികളെ കോടതി കുറ്റക്കാരനെന്ന് കണ്ടെത്തി ജീവപര്യന്തം തടവിന് ശിക്ഷിച്ചിരുന്നു. 22 മാസം നീണ്ട വിചാരണയ്ക്ക് ഒടുവിലായിരുന്നു കേസിൽ ശിക്ഷ വിധിച്ചത്. പത്ത് പ്രതികളെ തെളിവുകളുടെ അഭാവത്തിൽ വെറുതെവിട്ടിരുന്നു.

### Related Links & Sources
- [Original Story Source](https://truevisionnews.com/news/336402/periya-double-murder-case-accused-granted-parole-again)