---
title: "ക്രൂരതയുടെ അങ്ങേയറ്റം...! ആറ് വയസുകാരിയെ കൂട്ടബലാത്സംഗത്തിനിരയാക്കിയ ശേഷം ടെറസിൽ നിന്നും എറിഞ്ഞു കൊന്നു; പ്രതികൾ യുപിയിൽ പിടിയിൽ"
english_title: "6-year-old girl gang-raped, thrown to death from terrace; Accused arrested"
publisher: "truevisionnews.com"
canonical_url: "https://truevisionnews.com/news/334574/6-year-old-girl-gang-raped-thrown-to-death-from-terrace-accused-arrested-"
published_at: "2026-01-03T16:01:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6958f0ab335a5_crime.jpg"
keywords: []
---

# ക്രൂരതയുടെ അങ്ങേയറ്റം...! ആറ് വയസുകാരിയെ കൂട്ടബലാത്സംഗത്തിനിരയാക്കിയ ശേഷം ടെറസിൽ നിന്നും എറിഞ്ഞു കൊന്നു; പ്രതികൾ യുപിയിൽ പിടിയിൽ

> **Lead Summary:** ** **ഉത്തർ പ്രദേശിൽ പിഞ്ചു കുഞ്ഞിനോട് കൊടും ക്രൂരത. ആറ് വയസ്സുകാരിയെ കൂട്ട ബലാത്സംഗത്തിനിരയാക്കിയ ശേഷം ടെറസിൽ നിന്നും എറിഞ്ഞു കൊന്നു. രണ്ടു പ്രതികളെ പോലീസ് ഏറ്റുമുട്ടലിലൂടെ പിടികൂടി. രാജു, വീരു കശ്യപ് എന്നീ രണ്ടു പ്രതികളെ പോലീസ് അറസ്റ്റ് ചെയ്തു. ബുലന്ത്ഷഹറിലെ സിക്കന്ത്രബാദിൽ ആണ് സംഭവം.

## Article Content

** **ഉത്തർ പ്രദേശിൽ പിഞ്ചു കുഞ്ഞിനോട് കൊടും ക്രൂരത. ആറ് വയസ്സുകാരിയെ കൂട്ട ബലാത്സംഗത്തിനിരയാക്കിയ ശേഷം ടെറസിൽ നിന്നും എറിഞ്ഞു കൊന്നു. രണ്ടു പ്രതികളെ പോലീസ് ഏറ്റുമുട്ടലിലൂടെ പിടികൂടി. രാജു, വീരു കശ്യപ് എന്നീ രണ്ടു പ്രതികളെ പോലീസ് അറസ്റ്റ് ചെയ്തു. ബുലന്ത്ഷഹറിലെ സിക്കന്ത്രബാദിൽ ആണ് സംഭവം.

ജനുവരി 2 ന് രാത്രിയിലാണ് സംഭവം നടന്നത്. പ്രായപൂർത്തിയാകാത്ത ഒരു പെൺകുട്ടിയെ ഗുരുതരാവസ്ഥയിൽ കണ്ടെത്തിയതായി വിവരം ലഭിച്ചതായി പൊലീസ് പറഞ്ഞു. സിക്കന്ദ്രാബാദിലെ കമ്മ്യൂണിറ്റി ഹെൽത്ത് സെന്ററിൽ എത്തിച്ചെങ്കിലും ഡോക്ടർമാർ മരിച്ചതായി അറിയിച്ചു.

പെൺകുട്ടിയുടെ പിതാവിന്റെ പരാതിയിൽ, ഭാരതീയ ന്യായ സംഹിത (ബിഎൻഎസ്) സെക്ഷൻ 70(2), 103(1) എന്നിവ പ്രകാരവും ലൈംഗിക കുറ്റകൃത്യങ്ങളിൽ പോക്സോ നിയമത്തിലെ 5(എം), 6 എന്നീ സെക്ഷൻ പ്രകാരവും പോലീസ് കേസെടുത്തു.

രാജു, വീരു കശ്യപ് എന്നീ രണ്ട് പുരുഷന്മാർ ഒരേ കെട്ടിടത്തിൽ വാടകക്കാരായി താമസിക്കുന്നുണ്ടെന്ന് പിതാവ് പരാതിയിൽ പറഞ്ഞു.തന്റെ മകൾ മേൽക്കൂരയിൽ കളിച്ചുകൊണ്ടിരുന്നതായും പിന്നീട് കെട്ടിടത്തിന് പിന്നിലെ വയലിൽ കിടക്കുന്നതായി കണ്ടെത്തിയതായും അദ്ദേഹം പറഞ്ഞു. രണ്ടുപേരും ചേർന്ന് കുട്ടിയെ ലൈംഗികമായി പീഡിപ്പിച്ച ശേഷം കൊലപ്പെടുത്തിയതായി സംശയിക്കുന്നുവെന്നും പരാതിയിൽ പറയുന്നു.

പൊലീസ് ഏറ്റുമുട്ടലിൽ രാജുവിന്റെയും വീരു കശ്യപിന്റെയും കാലുകൾക്ക് പരിക്കേറ്റു. പരിക്കേറ്റ നിലയിൽ പോലീസ് അവരെ അറസ്റ്റ് ചെയ്ത് ചികിത്സയ്ക്കായി ആശുപത്രിയിൽ പ്രവേശിപ്പിച്ചു.പ്രാഥമിക ചോദ്യം ചെയ്യലിൽ പ്രതികൾ കുറ്റകൃത്യത്തിൽ പങ്കുണ്ടെന്ന് സമ്മതിച്ചതായി പോലീസ് പറഞ്ഞു. കൂടുതൽ അന്വേഷണം നടന്നുവരുന്നുവെന്നും പൊലീസ് വ്യക്തമാക്കി.

### Related Links & Sources
- [Original Story Source](https://truevisionnews.com/news/334574/6-year-old-girl-gang-raped-thrown-to-death-from-terrace-accused-arrested-)