---
title: "അവലുണ്ടോ വീട്ടിൽ? ചിക്കനില്ലാതെയും നഗ്ഗറ്റ്‌സ് ഇനി ഈസിയായി ഉണ്ടാക്കാം"
english_title: "Nuggets can now be made easily"
publisher: "truevisionnews.com"
canonical_url: "https://truevisionnews.com/news/334396/nuggets-can-now-be-made-easily"
published_at: "2026-01-02T14:35:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/69578a6261ece_TRU1.jpg"
keywords: []
---

# അവലുണ്ടോ വീട്ടിൽ? ചിക്കനില്ലാതെയും നഗ്ഗറ്റ്‌സ് ഇനി ഈസിയായി ഉണ്ടാക്കാം

> **Lead Summary:** **[[truevisionnews.com]]** കുട്ടികൾക്കും മുതിർന്നവർക്കും ഒരുപോലെ ഇഷ്‌ടപ്പെടുന്ന ഒന്നാണ് ക്രിസ്‌പി നഗ്ഗറ്റ്സ്. ചിക്കൻ കൊണ്ടുള്ളതാണ് പ്രിയമെങ്കിലും അതേ രുചിയിൽ തന്നെ ചിക്കനില്ലാതെ ഉണ്ടാക്കാം. അവൽ ഉപയോഗിച്ച് നഗ്ഗറ്റ്സ് ഉണ്ടാക്കിയിട്ടുണ്ടോ? എങ്കിൽ ഇനി ഈസിയായി തയാറാക്കാം. അധികം സമയം കളയാതെ വെറും 10മിനിറ്റ് കൊണ്ട് ഉണ്ടാക്കാം.

## Article Content

**[[truevisionnews.com]]** കുട്ടികൾക്കും മുതിർന്നവർക്കും ഒരുപോലെ ഇഷ്‌ടപ്പെടുന്ന ഒന്നാണ് ക്രിസ്‌പി നഗ്ഗറ്റ്സ്. ചിക്കൻ കൊണ്ടുള്ളതാണ് പ്രിയമെങ്കിലും അതേ രുചിയിൽ തന്നെ ചിക്കനില്ലാതെ ഉണ്ടാക്കാം. അവൽ ഉപയോഗിച്ച് നഗ്ഗറ്റ്സ് ഉണ്ടാക്കിയിട്ടുണ്ടോ? എങ്കിൽ ഇനി ഈസിയായി തയാറാക്കാം. അധികം സമയം കളയാതെ വെറും 10മിനിറ്റ് കൊണ്ട് ഉണ്ടാക്കാം.

**ചേരുവകൾ**

*പോഹ/അവൽ - 1 കപ്പ്*

*ഉരുളക്കിഴങ്ങ് വേവിച്ചത്-3*

*കടലമാവ്-3 ടീസ്‌പൂൺ*

*കോൺഫ്ലോർ-1 ടീസ്‌പൂൺ*

*മുളക് പൊടി -1 ടീസ്പൂൺ*

*വെളുത്തുള്ളി, നന്നായി അരിഞ്ഞത് -1 ടീസ്‌പൂൺ*

*പച്ചമുളക്, നന്നായി അരിഞ്ഞത് -1 ടീസ്പൂൺ*

*മല്ലിയില -2 ടീസ്പൂൺ*

*ഓറിഗാനോ -1 ടീസ്പൂൺ*

*ഉപ്പ് -ആവശ്യത്തിന്*

*എണ്ണ-ആവശ്യത്തിന്*

*ബ്രെഡ് നുറുക്കുകൾ -1/2 കപ്പ്*

**തയാറാക്കുന്ന വിധം**

അവൽ കഴുകി, അരിപ്പയിൽ അരിച്ചെടുക്കാം. വേവിച്ച ഉരുളക്കിഴങ്ങ് ഒരു പാത്രത്തിൽ എടുക്കുക. ഇതിലേക്ക് അവൽ, കടലമാവ്, കോൺഫ്ലോർ, ഉപ്പ്, മുളകുപൊടി, ഒറിഗാനോ, പച്ചമുളക്, വെളുത്തുള്ളി, പച്ച മല്ലി എന്നിവ ചേർക്കുക.

എല്ലാം ഒരുമിച്ച് ചേർത്ത് നഗ്ഗറ്റിൻ്റെ ആകൃതിയിൽ ബ്രെഡ് പൊടിയിൽ പൊതിഞ്ഞ് മാറ്റി വയ്ക്കുക. ഇനി എണ്ണ ചൂടാക്കി എല്ലാ നഗ്ഗറ്റുകളും അതിൽ സ്വർണ്ണനിറമാകുന്നതുവരെ വറുക്കുക.

ചൂടുള്ള പോഹ നഗ്ഗറ്റുകൾ കെച്ചപ്പ് അല്ലെങ്കിൽ മല്ലിയില ചട്‌ണിയുമായി ചേർത്ത് കഴിക്കാം.

### Related Links & Sources
- [Original Story Source](https://truevisionnews.com/news/334396/nuggets-can-now-be-made-easily)