---
title: "പ്രതിശുത വധുവിന് ആശംസ അയച്ചതിൽ തർക്കം; വരനും സംഘവും ചേർന്ന് യുവതിയുടെ ആൺസുഹൃത്തിനെ കുത്തിക്കൊന്നു"
english_title: "man posts birthday wish on instagram with girlfriends photo then murdered"
publisher: "truevisionnews.com"
canonical_url: "https://truevisionnews.com/news/334330/man-posts-birthday-wish-on-instagram-with-girlfriends-photo-then-murdered"
published_at: "2026-01-02T11:00:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/695758487d61f_stabbed.jpg"
keywords: []
---

# പ്രതിശുത വധുവിന് ആശംസ അയച്ചതിൽ തർക്കം; വരനും സംഘവും ചേർന്ന് യുവതിയുടെ ആൺസുഹൃത്തിനെ കുത്തിക്കൊന്നു

> **Lead Summary:** **ബെംഗളൂരു: ( **[www.truevisionnews.com]** ) ** യുവതിക്ക് ജന്മദിന ആശംസയറിയിച്ച് സാമൂഹികമാധ്യമം വഴി സന്ദേശമയച്ചതിനെത്തുടർന്നുണ്ടായ തർക്കത്തിൽ യുവാവ് കുത്തേറ്റുമരിച്ചു. ചിക്കമഗളൂരു തരികെരെ താലൂക്കിലെ ഉദെവ സ്വദേശി മഞ്ജുനാഥാണ് മരിച്ചത്.

## Article Content

**ബെംഗളൂരു: ( **[www.truevisionnews.com]** ) ** യുവതിക്ക് ജന്മദിന ആശംസയറിയിച്ച് സാമൂഹികമാധ്യമം വഴി സന്ദേശമയച്ചതിനെത്തുടർന്നുണ്ടായ തർക്കത്തിൽ യുവാവ് കുത്തേറ്റുമരിച്ചു. ചിക്കമഗളൂരു തരികെരെ താലൂക്കിലെ ഉദെവ സ്വദേശി മഞ്ജുനാഥാണ് മരിച്ചത്.

യുവതിയുടെ പ്രതിശ്രുതവരൻ വേണുവും സംഘവും നടത്തിയ ആക്രമണത്തിലാണ് മഞ്ജുനാഥിന് കുത്തേറ്റതെന്ന് തരികെരെ പോലീസ് പറഞ്ഞു. മഞ്ജുനാഥും യുവതിയും നേരത്തെ സൗഹൃദത്തിലായിരുന്നു. ബുധനാഴ്ച തരികെരെയിലെ അത്തിഗനലു ഗ്രാമത്തിലാണ് അക്രമമുണ്ടായത്. ഇവിടെ ജോലിക്കെത്തിയതായിരുന്നു മഞ്ജുനാഥ്.

കുത്തേറ്റ് ഗുരുതരമായി പരിക്കേറ്റ മഞ്ജുനാഥിനെ ശിവമോഗയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും രക്ഷപ്പെടുത്താനായില്ല. പോലീസ് കേസെടുത്തു.

### Related Links & Sources
- [Original Story Source](https://truevisionnews.com/news/334330/man-posts-birthday-wish-on-instagram-with-girlfriends-photo-then-murdered)