---
title: "ദുരന്തം വഴിമാറി; ലണ്ടനിലെ തീപ്പിടുത്തം കോഴിക്കോട്ടുകാരൻ അഫീഫ് സമീറിന്റെ സമയോചിതമായ ഇടപെടൽ"
english_title: "Kozhikode resident Afif Sameer's timely intervention in London fire"
publisher: "truevisionnews.com"
canonical_url: "https://truevisionnews.com/news/333462/kozhikode-resident-afif-sameers-timely-intervention-in-london-fire"
published_at: "2025-12-28T10:40:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6950bbbe4d823_fire.jpg"
keywords: []
---

# ദുരന്തം വഴിമാറി; ലണ്ടനിലെ തീപ്പിടുത്തം കോഴിക്കോട്ടുകാരൻ അഫീഫ് സമീറിന്റെ സമയോചിതമായ ഇടപെടൽ

> **Lead Summary:** **കോഴിക്കോട് : **​ലണ്ടനിൽ ഇന്നലെ പുലർച്ചെയുണ്ടായ വൻ തീപിടിത്തത്തിൽ നിന്ന് നൂറുകണക്കിന് ആളുകളെ സുരക്ഷിതമായി രക്ഷപ്പെടുത്തി മലയാളിയായ മാനേജർ താരമായി.

## Article Content

**കോഴിക്കോട് : **​ലണ്ടനിൽ ഇന്നലെ പുലർച്ചെയുണ്ടായ വൻ തീപിടിത്തത്തിൽ നിന്ന് നൂറുകണക്കിന് ആളുകളെ സുരക്ഷിതമായി രക്ഷപ്പെടുത്തി മലയാളിയായ മാനേജർ താരമായി.

കുറ്റ്യാടി കായക്കൊടി സ്വദേശിയായ അഫീഫ് സമീറിന്റെ സമയോചിതമായ ഇടപെടൽ ഒഴിവാക്കിയത് ലണ്ടനിലെ മാർബിൾ ഡൺ ഹോട്ടലിലെ ഒരു വലിയ ദുരന്തമാണ്.

പുലർച്ചെ രണ്ട് മണിയോടെയാണ് ഹോട്ടലിന്റെ ഭൂഗർഭ ഏരിയയിൽ തീപിടിത്തമുണ്ടായത്. എല്ലാവരും ആഴത്തിലുള്ള ഉറക്കത്തിലായിരുന്ന ആ സമയത്ത്, ഹോട്ടലിൽ ഡ്യൂട്ടിയിലുണ്ടായിരുന്ന അഫീഫ് സാഹചര്യം പെട്ടെന്ന് തിരിച്ചറിയുകയും ഒട്ടും വൈകാതെ തന്നെ സുരക്ഷാ നടപടികൾ ഏകോപിപ്പിക്കുകയും ചെയ്തു.

പരിഭ്രാന്തരായ അതിഥികളെ കൃത്യമായ നിർദ്ദേശങ്ങൾ നൽകി കെട്ടിടത്തിന് പുറത്തെത്തിക്കാൻ അഫീഫ് കാട്ടിയ മനസ്സാന്നിധ്യം അത്ഭുതകരമായിരുന്നു. അഗ്നിശമന സേന എത്തുന്നതിന് മുൻപ് തന്നെ മിക്കവരെയും സുരക്ഷിത സ്ഥാനങ്ങളിലേക്ക് മാറ്റാൻ അഫീഫിന്റെ നേതൃത്വത്തിലുള്ള ടീമിന് കഴിഞ്ഞു.

​ലണ്ടൻ അധികൃതർ അഫീഫിന്റെ ഈ കാര്യക്ഷമമായ പ്രവർത്തനത്തെയും ധീരതയെയും പ്രശംസിച്ചു. ആർക്കും തന്നെ പരിക്കുകളില്ല എന്നത് വലിയ ആശ്വാസകരമായ വാർത്തയാണ്.

### Related Links & Sources
- [Original Story Source](https://truevisionnews.com/news/333462/kozhikode-resident-afif-sameers-timely-intervention-in-london-fire)