---
title: "സുഹാൻ എവിടെ? അമ്മ സ്കൂളിൽ പോയ സമയത്ത്  സഹോദരനുമായി പിണങ്ങി വീട്ടിൽ നിന്നും ഇറങ്ങി, ചിറ്റൂരിൽ രാത്രിയിലും തെരച്ചിൽ "
english_title: "Six-year-old boy missing in Chittoor, extensive search underway"
publisher: "truevisionnews.com"
canonical_url: "https://truevisionnews.com/news/333415/six-year-old-boy-missing-in-chittoor-extensive-search-underway-new"
published_at: "2025-12-27T19:33:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/694fe7a32ae8b_missing.jpg"
keywords: []
---

# സുഹാൻ എവിടെ? അമ്മ സ്കൂളിൽ പോയ സമയത്ത്  സഹോദരനുമായി പിണങ്ങി വീട്ടിൽ നിന്നും ഇറങ്ങി, ചിറ്റൂരിൽ രാത്രിയിലും തെരച്ചിൽ 

> **Lead Summary:** **പാലക്കാട്: **ചിറ്റൂരിൽ കാണാതായ ആറ് വയസ്സുകാരനായി വ്യാപക തെരച്ചിൽ. വീട്ടുമുറ്റത്ത് കളിക്കുന്നതിനിടെ സുഹാൻ സഹോദരനുമായി പിണങ്ങി വീട്ടിൽ നിന്നും ഇറങ്ങിയതാണെന്ന് ബന്ധുക്കൾ പറയുന്നു.

## Article Content

**പാലക്കാട്: **ചിറ്റൂരിൽ കാണാതായ ആറ് വയസ്സുകാരനായി വ്യാപക തെരച്ചിൽ. വീട്ടുമുറ്റത്ത് കളിക്കുന്നതിനിടെ സുഹാൻ സഹോദരനുമായി പിണങ്ങി വീട്ടിൽ നിന്നും ഇറങ്ങിയതാണെന്ന് ബന്ധുക്കൾ പറയുന്നു.

സാധാരണ കുട്ടികൾ തമ്മിൽ ഉണ്ടാകാറുള്ള പിണക്കം മാത്രമായിരുന്നു അത്. എന്നാൽ കുറച്ചു നേരം കഴിഞ്ഞിട്ടും കുട്ടിയെ കാണാതിരുന്നതോടെയാണ് തെരച്ചിൽ നടത്തിയത്. രാവിലെ 11 മണിയോടെയാണ് കുട്ടിയെ കാണാതായത്.

കുട്ടിയെ ഉച്ചയ്ക്ക് 12 മണിക്ക് വീടിനടുത്തുള്ള ഇടവഴിയിൽ വച്ച് ഒരാൾ കണ്ടിരുന്നു. പിന്നീട് വിവരം ഇല്ല. സമീപത്തെ രണ്ട് വീടുകൾ അല്ലാതെ സുഹാന് മറ്റ് വീടുകൾ പരിചയം ഇല്ല. സംഭവ സമയം വീട്ടിൽ ഉണ്ടായിരുന്നത് സുഹാന്‍റെ സഹോദരനും മുത്തശ്ശിയും അമ്മയുടെ സഹോദരിയും മക്കളുമാണ്. സുഹാൻ വേണ്ടി പൊലീസ് വ്യാപക തെരച്ചിൽ നടത്തുകയാണ്.

ഫയർ ഫോഴ്സ് കുളത്തിലെ പരിശോധന അവസാനിപ്പിച്ചു. പൊലീസ് രാത്രിയും തെരച്ചിൽ തുടരും. പ്രദേശത്തെ സിസിടിവി ദൃശ്യങ്ങൾ പൊലീസ് പരിശോധിക്കുകയാണ്. സുഹാന്‍റെ അമ്മ നീലഗിരി പബ്ലിക് സ്കൂൾ അധ്യാപികയാണ്. കുട്ടിയെ കാണാതാകുമ്പോൾ അമ്മ സ്കൂളിലെ ഒരു ആവശ്യത്തിനായി പോയതായിരുന്നു. അച്ഛൻ വിദേശത്താണ്.

### Related Links & Sources
- [Original Story Source](https://truevisionnews.com/news/333415/six-year-old-boy-missing-in-chittoor-extensive-search-underway-new)