---
title: "നിയുക്ത മേയർ വി വി രാജേഷിന് ആശംസ; ഫോണില്‍ വിളിച്ച് മുഖ്യമന്ത്രി പിണറായി വിജയൻ"
english_title: "Chief Minister Pinarayi Vijayan congratulates newly elected Mayor VV Rajesh on phone call"
publisher: "truevisionnews.com"
canonical_url: "https://truevisionnews.com/news/333131/chief-minister-pinarayi-vijayan-congratulates-newly-elected-mayor-vv-rajesh-on-phone-call"
published_at: "2025-12-26T11:03:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/694e1f6fc9977_vv_rajesh.jpg"
keywords: []
---

# നിയുക്ത മേയർ വി വി രാജേഷിന് ആശംസ; ഫോണില്‍ വിളിച്ച് മുഖ്യമന്ത്രി പിണറായി വിജയൻ

> **Lead Summary:** **തിരുവനന്തപുരം: ( **[www.truevisionnews.com]** ) ** തിരുവനന്തപുരം നഗരസഭ മേയർ സ്ഥാനാർത്ഥിയെ ഫോണിൽ വിളിച്ച് മുഖ്യമന്ത്രി. ഫോണിലൂടെ മുഖ്യമന്ത്രി പിണറായി വിജയൻ വി വി രാജേഷിന് ആശംസ അറിയിച്ചു. തിരുവനന്തപുരം കോർപ്പറേഷനിൽ തിരഞ്ഞെടുപ്പ് നടപടികൾ തുടങ്ങി.

## Article Content

**തിരുവനന്തപുരം: ( **[www.truevisionnews.com]** ) ** തിരുവനന്തപുരം നഗരസഭ മേയർ സ്ഥാനാർത്ഥിയെ ഫോണിൽ വിളിച്ച് മുഖ്യമന്ത്രി. ഫോണിലൂടെ മുഖ്യമന്ത്രി പിണറായി വിജയൻ വി വി രാജേഷിന് ആശംസ അറിയിച്ചു. തിരുവനന്തപുരം കോർപ്പറേഷനിൽ തിരഞ്ഞെടുപ്പ് നടപടികൾ തുടങ്ങി.

തിരുവനന്തപുരത്തെ അഞ്ച് വർഷം കൊണ്ട് ഇന്ത്യയിലെ ഏറ്റവും മികച്ച മൂന്ന് നഗരങ്ങളിൽ ഒന്നാക്കി മാറ്റുമെന്ന് തിരുവനന്തപുരം നിയുക്ത മേയർ വി വി രാജേഷ് പറഞ്ഞു. പ്രധാനമന്ത്രി നരേന്ദ്രമോദി 45 ദിവസത്തിനുള്ളിൽ തലസ്ഥാനത്ത് വരും. അത് ഉറപ്പ് നൽകുന്നു. അഞ്ച് വർഷം കൊണ്ട് ഇന്ത്യയിലെ ഏറ്റവും മികച്ച മൂന്ന് നഗരങ്ങളിൽ ഒന്നാക്കി തിരുവനന്തപുരത്തെ മാറ്റും. അതാണ് ലക്ഷ്യം. എല്ലാവരെയും ഒന്നിച്ചു കൊണ്ടുപോകുമെന്നും മികച്ച പ്രതിപക്ഷമുള്ളത് ഗുണം ചെയ്യുമെന്നും വി വി രാജേഷ് പറഞ്ഞു.

തിരുവനന്തപുരം കോർപറേഷനിൽ ബിജെപി മേയർ സ്ഥാനാർത്ഥിയായി വി വി രാജേഷിനെ ഇന്നലെ പ്രഖ്യാപിച്ചു. ജില്ല കമ്മിറ്റി ഓഫീസിൽ നടന്ന അടിയന്തര യോ​ഗത്തിന് ശേഷമാണ് തീരുമാനം. ആശാ നാഥ് ആണ് ഡെപ്യൂട്ടി മേയർ സ്ഥാനാർഥി. ബിജെപി സംസ്ഥാന ജനറൽ സെക്രട്ടറി എസ് സുരേഷ് ആണ് പ്രഖ്യാപിച്ചത്.

മേയർ, ഡെപ്യൂട്ടി മേയർ സ്ഥാനാർത്ഥികൾക്ക് ആർ ശ്രീലേഖ മധുരം നൽകി സന്തോഷം പങ്കുവെച്ചു. തലസ്ഥാനത്തെ ബിജെപിയുടെ മുഖമായ വിവി രാജേഷ് ബിജെപി സംസ്ഥാന സെക്രട്ടറിയാണ്. കൊടുങ്ങാനൂർ കൗൺസിലറുമാണ് ഇദ്ദേഹം. കൗൺസിലറായി ഇത് രണ്ടാമൂഴമാണ്.

### Related Links & Sources
- [Original Story Source](https://truevisionnews.com/news/333131/chief-minister-pinarayi-vijayan-congratulates-newly-elected-mayor-vv-rajesh-on-phone-call)