---
title: "പണിയാവുമോ...? ദിലീപിന്റെ വീടിന് മുകളിൽ ഡ്രോൺ  പറത്തി; മാധ്യമ പ്രവർത്തകർക്കെതിരെ പരാതിയുമായി സഹോദരി"
english_title: "Complaint filed against two news channels for flying a drone over actor Dileep's house"
publisher: "truevisionnews.com"
canonical_url: "https://truevisionnews.com/news/332674/complaint-filed-against-two-news-channels-for-flying-a-drone-over-actor-dileeps-house"
published_at: "2025-12-23T16:34:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/694a77d473146_dileep.jpg"
keywords: []
---

# പണിയാവുമോ...? ദിലീപിന്റെ വീടിന് മുകളിൽ ഡ്രോൺ  പറത്തി; മാധ്യമ പ്രവർത്തകർക്കെതിരെ പരാതിയുമായി സഹോദരി

> **Lead Summary:** **കൊച്ചി: **നടൻ ദിലീപിൻ്റെ വീടിന് മുകളിൽ ഡ്രോൺ പറത്തിയ രണ്ട് വാർത്താ ചാനലുകൾക്ക് എതിരെ പരാതി. ദിലീപിന്റെ സഹോദരി ജയലക്ഷ്മി ആണ് പരാതി നൽകിയത്. അനധികൃതമായി കുടുംബാംഗങ്ങളുടെ ദൃശ്യം പകർത്തിയെന്ന് ആരോപിച്ച് ആലുവ പൊലീസിലാണ് പരാതി നൽകിയത്.

## Article Content

**കൊച്ചി: **നടൻ ദിലീപിൻ്റെ വീടിന് മുകളിൽ ഡ്രോൺ പറത്തിയ രണ്ട് വാർത്താ ചാനലുകൾക്ക് എതിരെ പരാതി. ദിലീപിന്റെ സഹോദരി ജയലക്ഷ്മി ആണ് പരാതി നൽകിയത്. അനധികൃതമായി കുടുംബാംഗങ്ങളുടെ ദൃശ്യം പകർത്തിയെന്ന് ആരോപിച്ച് ആലുവ പൊലീസിലാണ് പരാതി നൽകിയത്.

അനധികൃതമായും നിയമ വിരുദ്ധമായും വീടിന് മുകളിലൂടെ ഡ്രോൺ പറത്തി. കുട്ടികളും സ്ത്രീകളും ഉൾപ്പെടെ കുടുംബാംഗങ്ങളുടെ ദൃശ്യങ്ങൾ പകർത്തി മീഡിയ വഴി പ്രചരിപ്പിച്ചു എന്നാണ് പരാതി പറയുന്നത്.

2025 ഡിസംബർ 8-ന് ആലുവയിലെ 'പത്മസരോവരം' എന്ന വസതിയിൽ അതിക്രമിച്ചു കയറി ഡ്രോൺ ഉപയോഗിച്ച് സ്ത്രീകളുടെയും കുട്ടികളുടെയും ഉൾപ്പെടെയുള്ള സ്വകാര്യ ദൃശ്യങ്ങൾ പകർത്തി പ്രചരിപ്പിച്ചു എന്നതാണ് പ്രധാന പരാതി. നടിയെ ആക്രമിച്ച കേസിന്റെ വിധി പറയുന്ന ദിവസം ദിലീപ് വീടുവിട്ട് കോടതിയിലേക്ക് പോകുന്നതും തിരികെ വീട്ടിലേക്കു വരുന്നതുമായ ദൃശ്യങ്ങൾ മാധ്യമങ്ങൾ ഡ്രോൺ ഉപയോഗിച്ച് ചിത്രീകരിച്ച് ടെലികാസ്റ്റ് ചെയ്തിരുന്നു.

അതേസമയം, നടിയെ ആക്രമിച്ച കേസിൽ അപ്പീൽ നൽകാൻ ഉത്തരവിട്ട് സർക്കാർ. ഡിജിപിയുടെയും സ്പെഷ്യൽ പ്രോസിക്കുട്ടറുടെയും ശുപാർശകൾ അംഗീകരിച്ചാണ് അനുമതി നൽകിയത്. ക്രിസ്‍മസ് അവധിക്ക് ശേഷം അപ്പീൽ സമർപ്പിക്കും. ഡിജിറ്റൽ തെളിവുകൾ തള്ളിയത് നിസാര കാരണങ്ങൾ പറഞ്ഞെന്ന് അപ്പിലീൽ ചുണ്ടിക്കാട്ടും.

### Related Links & Sources
- [Original Story Source](https://truevisionnews.com/news/332674/complaint-filed-against-two-news-channels-for-flying-a-drone-over-actor-dileeps-house)