---
title: " 'ബിജെപിയുടെ 10 സീറ്റുകള്‍ എങ്കിലും കുറയും,  ഇത്തവണ എല്‍ഡിഎഫ്  അനുകൂല തരംഗം' - വി ശിവൻകുട്ടി"
english_title: "Local body elections, There will be a positive wave for LDF, says Minister V Sivankutty."
publisher: "truevisionnews.com"
canonical_url: "https://truevisionnews.com/news/330822/local-body-elections-there-will-be-a-positive-wave-for-ldf-says-minister-v-sivankutty"
published_at: "2025-12-13T08:38:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/693cd8e9e2ee0_v_sivankutty.jpg"
keywords: []
---

#  'ബിജെപിയുടെ 10 സീറ്റുകള്‍ എങ്കിലും കുറയും,  ഇത്തവണ എല്‍ഡിഎഫ്  അനുകൂല തരംഗം' - വി ശിവൻകുട്ടി

> **Lead Summary:** **തിരുവനന്തപുരം: **തദ്ദേശ തെരഞ്ഞെടുപ്പില്‍ എല്‍ഡിഎഫിന് അനുകൂല തരംഗം ഉണ്ടാകുമെന്ന് മന്ത്രി വി ശിവന്‍കുട്ടി. എല്ലാവരും ശ്രദ്ധിക്കുന്നത് തിരുവനന്തപുരം കോര്‍പ്പറേഷന്‍ തെരഞ്ഞെടുപ്പാണെന്നും ഇത്തവണയും മികച്ച വിജയം ഉണ്ടാകുമെന്നും മന്ത്രി പറഞ്ഞു.

## Article Content

**തിരുവനന്തപുരം: **തദ്ദേശ തെരഞ്ഞെടുപ്പില്‍ എല്‍ഡിഎഫിന് അനുകൂല തരംഗം ഉണ്ടാകുമെന്ന് മന്ത്രി വി ശിവന്‍കുട്ടി. എല്ലാവരും ശ്രദ്ധിക്കുന്നത് തിരുവനന്തപുരം കോര്‍പ്പറേഷന്‍ തെരഞ്ഞെടുപ്പാണെന്നും ഇത്തവണയും മികച്ച വിജയം ഉണ്ടാകുമെന്നും മന്ത്രി പറഞ്ഞു.

കഴിഞ്ഞ തവണ എല്‍ഡിഎഫ് 54 സീറ്റ് നേടി. ഇത്തവണയും പുറകോട്ട് പോകില്ല. പ്രതിപക്ഷം പറയുന്ന ഒരു ആരോപണവും ജനങ്ങളെ ഏശിയിട്ടില്ല. 55-60 സീറ്റെങ്കിലും ഇത്തവണ നേടും.

ബിജെപിയുടെ 10 സീറ്റുകള്‍ എങ്കിലും കുറയുമെന്നും ശിവന്‍കുട്ടി കൂട്ടിച്ചേര്‍ത്തു. ബിജെപിയുടെ സാങ്കല്‍പിക മേയര്‍മാരായി മത്സരിച്ചവര്‍ തന്നെ പരാജയപ്പെടുമെന്നും കഴിഞ്ഞ തവണ ബിജെപിക്ക് സീറ്റ് കൂടിയത് ബിജെപി - കോണ്‍ഗ്രസ് രഹസ്യ ബന്ധത്തിലൂടെയാണെന്നും അദ്ദേഹം ആരോപിച്ചു.

റിസള്‍ട്ട് വരാനുള്ള രണ്ട് മണിക്കൂര്‍ ബിജെപിയും കോണ്‍ഗ്രസും അവരുടെ മേയര്‍ ഉണ്ടാകും എന്ന് കരുതട്ടെ. റിസള്‍ട്ടിന് ശേഷം തങ്ങള്‍ നോക്കിക്കോളാമെന്നും മന്ത്രി വി ശിവന്‍കുട്ടി വ്യക്തമാക്കി.

### Related Links & Sources
- [Original Story Source](https://truevisionnews.com/news/330822/local-body-elections-there-will-be-a-positive-wave-for-ldf-says-minister-v-sivankutty)