---
title: "ആവേശം അതിരുവിട്ടു...! കൊട്ടിക്കലാശത്തിനിടെ ബസിനുമുകളിൽ നിന്ന് താഴേക്ക് ചാടി അഭ്യാസം; യുഡിഎഫ് പ്രവർത്തകന് പരിക്ക്"
english_title: "Local body elections second phase, Kotikalasham, UDF worker's practice performance"
publisher: "truevisionnews.com"
canonical_url: "https://truevisionnews.com/news/330315/local-body-elections-second-phase-kotikalasham-udf-workers-practice-performance"
published_at: "2025-12-10T07:59:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6938db4a344b2_PALAKKAD.jpg"
keywords: []
---

# ആവേശം അതിരുവിട്ടു...! കൊട്ടിക്കലാശത്തിനിടെ ബസിനുമുകളിൽ നിന്ന് താഴേക്ക് ചാടി അഭ്യാസം; യുഡിഎഫ് പ്രവർത്തകന് പരിക്ക്

> **Lead Summary:** **പാലക്കാട്: ** തദ്ദേശ തെരഞ്ഞെടുപ്പിന്റെ രണ്ടാം ഘട്ട പ്രചാരണത്തിന്റെ കൊട്ടിക്കലാശത്തിനിടെ യുഡിഎഫ് പ്രവർത്തകൻ്റെ അഭ്യാസ പ്രകടനം. പാലക്കാട് തരൂർ തോണിപ്പാടം കുണ്ടുകാട് ജംഗ്ഷനിലായിരുന്നു സംഭവം.

## Article Content

**പാലക്കാട്: ** തദ്ദേശ തെരഞ്ഞെടുപ്പിന്റെ രണ്ടാം ഘട്ട പ്രചാരണത്തിന്റെ കൊട്ടിക്കലാശത്തിനിടെ യുഡിഎഫ് പ്രവർത്തകൻ്റെ അഭ്യാസ പ്രകടനം. പാലക്കാട് തരൂർ തോണിപ്പാടം കുണ്ടുകാട് ജംഗ്ഷനിലായിരുന്നു സംഭവം.

കലാശക്കൊട്ടിനിടെ സ്വകാര്യ ബസിന്റെ മുകളിൽ നിന്ന് യുഡിഫ് പ്രവർത്തകൻ താഴേക്ക് ചാടുകയായിരുന്നു. ചാട്ടത്തിൽ ഇയാൾക്ക് പരിക്കേറ്റു. യാത്രക്കാരുമായെത്തിയ വാഹനത്തിന് മുകളിൽ പുറം തിരിഞ്ഞ് നിന്ന് ആവേശത്തോടെ ഇയാൾ താഴേക്ക് ചാടുകയായിരുന്നു.

എന്നാൽ ചാട്ടം പിഴച്ച ഇയാൾ താഴെ വീണു. കാലൊടിഞ്ഞ പ്രവർത്തകൻ ചികിത്സയിലാണ്. ഇതിന് മുൻപായി ടിപ്പർ വാഹനത്തിന് മുകളിൽ കയറിയും സമാന രീതിയിൽ ഇയാൾ അഭ്യാസം കാണിച്ചിരുന്നു.

### Related Links & Sources
- [Original Story Source](https://truevisionnews.com/news/330315/local-body-elections-second-phase-kotikalasham-udf-workers-practice-performance)